SISA Pension-imut sullissisoq

SISA Pension-imut sullissisoq …Kalaallit Nunaata tamarmi soraarnerussutisiassanik aningaasaateqarfia

Kalaallisut/danskisut marlunnik oqaaseqartuuit, aamma Kalaallit Nunaata ineriartortinneqarneranut peqataarusussinnaavat? Aningaasaqarnermut tunngasunik peqataarusussinnaavit ilinniarnerillu akilerneqarluni suliffissarserusussinnaavit? Kalaallit Nunaanni/Nuummi najugaqaruit ilinniarnerullu soqutiginartup ilaatut Danmarkimukarnissannut sapiissuseqarpit,

Taava immaqa suliffissannik peqarpugut!

SISA pillugu

SISA Kalaallit Nunaanni soraarnerussutisiassanik aningaasaateqarfiuvoq ilaasortanit pigineqartoq, taassumalu suliassaraa Kalaallit Nunaanni kattuffinnut inuussutissarsiortunullu annertunerpaamik iluanaaruteqarluni ajutoorfiusinnaasullu annikinnerpaajutillugit soraarnerussutisiassanut aaqqissuussinernik pilerinartunik pilersuinissaq. SISA Kalaallit Nunaanni soraarnerussutisiassanik aningaasaateqarfittut 1999-imi pilersinneqarpoq Nuummi angerlarsimaffeqartoq. SISA-p allatseqarfianiit ilaasortat kalaallisut danskisullu sullippai. SISA 44.000-ngajannik ilaasortaqarpoq, taakkunanngalu affai akiliisarlutik. Suliffeqarfik soraarnerussutisiassanut toqqortikkanik ukiumut 420 millioner kr.-ngajannik tigusaqartarpoq. soraarnerussutisiassaniillu pisuussutit 5,7 milliarder kr.-ngajaat aqullugit.

Suliffeqarfik nuummiittoq ilaasortanik sullissisunik sisamanik inuttaqarpoq. Siulersuisunut pisortaq aammaluttaaq nuummi allaffitsinni inissisimasuuvoq. Ilaasortanut sullissisunut aqutsisuuvoq SISA-mi pisortaq ulluinnarmilu SISA-mi ingerlatsinermut, tunisinermut siunnersuinermullu akisussaaffilik. SISA-mi pisortaanerup tullersortia nalilinnik aalerinaatilinnik ingerlatsinermik akisussaaffilik aammalu SISA-mi pisortaq qullersaq aningaaserivimmut akisussaasoq, nunatsinniik Danmark-imiillu sulisartuullutik.

Anguniagarput tassaavoq Nuummi Ilaasortanik sullissivitta suli pitsaanerulersikkiartornissaa, aammalu ingerlatsinerup allafffissornerullu annertunersaat Kalaallit Nunaannit tiguneqarnissaat. Tamanna siunertaralugu ilinniartutut atorfimmik suli ataatsimik pilersitsivugut, tassanilu Ilaasortanik Sullissivitsinni sullissartutut atuuffeqarneq isiginiarneqarpoq.

Atorfimmi COO qullersarineqassaaq.

Atorfik pillugu

Aalajangersimasumik suliffissat Nuummiippoq. Atorfimmut sukumiisumik isertinneqassaatit, peqatigitillugulu Forsikringsakademimi ilinniarneq aallartissallugu. Tassani Danmarkimi ilinniagaqarnermik Nuummilu suliffeqarnermik ingerlataqassaatit.Anguniagaq tassaavoq ukiut sisamat missaanni ”Sullissanik Sullissisartut Akuerisaasutut” ilinniarnerup tamarmiusup naammassinissaa, tassa Forsikringsakademimi qaffasissutit 3 aamma 4 (tamanna pillugu uani annertunerusumik atuarit www.forsikringsakademiet.dk/). Ilinniarneq naammassigukku SISA-mi atorfeqaannassaatit. Siunissami – atuagarsorluni ilinniarnernut tamarmiusumut naleqqussarlugu – ilaatigut ukuninnga suliaqartassaatit:

• Suliffeqarfinnik sullissanik isumaqatigiissuteqarfigisanilu Nunatsinni sullissineq.
• SISA-mi ilaasortanik soraarnerussutisiat pillugit paasisitsiniaasarnerit, ataatsimiisitsisarnikkut digitalilu aqqutigalugu ataatsimiisitsisarnikkut.
• SISA-p IT-mi nalunaarsuiffiani soraarnerussutisiat pillugit isumaqatigiissutinik pilersitsisarneq.
• Peqqissutsimut tunngasunik nalunaarsuineq.
• Kingornussisussanik salliutinneqartussanik nalunaarutinik nalunaarsuisarneq suliaqartarnerlu.
• Akiliutinik suliaqartarneq.
• Akiliutinut tunngatillugu sulisitsisunut malinnaatitsineq.
• Isumaqatigiissutinik atuuttunik allannguisarneq.
• Ajoqusernernik suliaqartarneq (toqusoqarnerani, peruluutaasumik napparsimasoqarnera, sulisinnaajunnaartoqarnerani utoqqalinersiaqalernermilu).
• Ajoqusernernut akiliisarnerit.
• Soraarnerussutisiassanik pilersuisunut allanut taakkunanngaaniillu nuussinernik suliaqartarneq.

SISA-mi suliffeqarninni ilinniarninni suleqatigiinnut ilaassaatit, tassani ilaatigut suliassat atuagarsorluni ilinniarnermut toqqaannartumik tunngassuteqartut suliarisassallugit. Atuagarsornermi ilisimasaqaleriartortillutit atorfimmi suliamik ingerlatsinermi unammilligassaqarnerujartussaatit.

Illit pillutit

Forsikringsakademimi taamaallaat ilinniartitsinerit Danmarkimi pissutsinut tunngassuteqartut neqeroorutigineqarmata, Kalaallit Nunaanni pissutsit Kalaallit Nunaanni atorfeqarnermi ilinniarneqassapput. Taamaammat Danmarkimi ilisimasat Kalaallit Nunaanni pissutsinut timitalerneqartarnissaat pingaaruteqarpoq.

Naatsorsuutigaarput marlunnik oqaaseqartuusutit (kalaallisut/danskisut), tamaalillutillu oqaatsit taakku marluk atorlugit sullissanut attaveqarsinnaassasutit. Iluaqutaassaaq tuluttut aamma attaviginnissinnaassuseqaruit. Peqatigitillugu takorloorparput inuttut nammineersinnaassasutit aaqqissuussamillu sulisinnaassasutit nalilersuilluartarsinnaassasutillu, tassunga ilangullugu pissutsinik allaanerusumik isiginnilersitsisinnaassuseqassasutit. Immaqa inuk alapernaatsuuvutit paasisaqarusuttarlutillu, pissutsinik isornartorsiuillutillu isummersinnaasoq ilisimasanillu saqqummiiffigineqarnermi allatut paasisaqalersinnaasoq. Ilaatigut aningaasaqarnermik aamma/imaluunniit inatsisilerinermik paasisimasaqarneq/paasinnissinnaaneq iluaqutaassaaq, piumasaqaatanngilluinnarlunili.Naggasiullugu inuttut ammasuuvutit, tatiginartuullutit, suliffimmik paarsisinnaavutit sullisserusuttuullutillu aamma pitsaasumik attaveqalersinnaassuseqarputit. Angusaqalersitsinissamut kajumissuseqarputit, ataatsimullu anguniakkat anguniarlugit suleqatigiinni tunniusimallutit sulisinnaallutit.

Neqeroorutigaagut

Suliffik akiliunneqarlunilu ilinniarneq ataatsimoortillugit neqeroorutigaagut – suliamik ingerlatsinermi inuttut annertuunik unamminartoqarfiusut, sulisut pikkorissut aamma Kalaallit Nunaanni inuiaqatigiinnut isumassarsiuffiusartunik atassuteqarfippassuaqarneq. Aamma suliffik pitsaasunik atugassaqarfiuvoq piginnaasallu malillugit akissarsiaqarfiulluni.

Atorfimmi aallaaviusumik inissaqartitsisoqanngilaq.

Soqutiginnippit?

Una tuugassaq toorlugu atorfimmut qinnuteqarit, tassani qinnuteqaatit CV-llu nassiussinnaavatit.

Atorfik pillugu apeqqutissaqaruit Mette Landau Landau Headhunting-imeersoq mobilikkut + 45 2190 2188 atuarneqartassapput tikilluaqqusaavutit.Landau Headhunting sulisussarsiornermik ingerlatsivoq qinnuteqaatillu ingerlaavartumik atuarneqartassapput. Piffissap qinnuteqarfissap naanerani atorfinitsinneqarsinnaasut aggersarsinnaanissaat sillimaffigineqassaaq.

Siunnersuineq ilitsersuinerlu

Nangaassuteqarnak uagutsinnut attaveqarsinnaavutit.

Telefonigut ullut tamaasa ammasarput piffissami 10 - 14 (UTC-2), kiisalu uagutsinnut mailimik nassiussinissannut aammattaaq periarfissaqarputit.

Mailit paasissutissanik inummut tunngasunik mianerisassaasunik imaqarpat, taava qinnuigissavatsigit una atoqqullugu attaveqarnermi immersugassaq.

Atorfik una qinnuteqarfigiuk