PAASISSUTISSAT
Atorfiup suussusaa: KOMMUNIKATIONSKONSULENT SISIMIUT
Suliffeqarfik: INI
Qinnuteqarfissamut killigititaq: 25. Juni 2025
Attavissaq: HR- og Kommunikationschef Else Finne på tlf. 861067 (e-mail efi@ini.gl).
Attaveqaqatigiinnermik suliatsinnik
inerisaaqataallutillu nukittorsaaqataarusuppit? Nittartagalerillaqqissumik,
social medialerisinnaasumik allatatigullu paasissutissiillaqqissumik suleqatissarsiorpugut.
Sulisoqarnermut attaveqaqatigiinnermullu
immikkoortortaqarfitsinni suleqatissarsiorpugut, tassani attaveqaqatigiinnermut
siunnersortit marluussapput sulisoqarnermullu siunnersortit marluullutik.
Attaveqaqatigiinneq atuisugut naligalugit
Attaveqaqatigiinnermik siunnersortitut oqariartuutigut
ajornanngitsumik paasiuminartumillu apuuffissaannut
paasissutissiissutiliarisassavatit.
Pingaarnertut suliassatit tassaassapput:
- INIp avammut suliffeqarfiullu iluani attaveqaqatigiinnermik ineriartortitsillunilu suliaqarneq.
- Nittartakkatsinnik, inuit internettikkut attaveqaqatigiittarfiinik, intranettimik aamma imminut kiffartuussivitsinnik, paasissutissiinermillu ingerlaavartumik ineriartortitsillunilu nutarterisarneq
- Tusagassiuutinik attaveqartarneq, nakkutilliineq akisussaasutullu tusagassiutit saaffiginnissutaannik ataqatigiissaarineq
- Attaveqaqatigiinnermut periusissiaq piviusunngortitseqataaffigalugulu atuutilersitseqataaffigalugu
- INI-p suliffeqarfittut oqaatsinik marluinnik atuiffiunissaa qulakkiissallugu, nutsereqataasarneq ilanngullugu
- Suliniutinut naleqquttunut peqataaneq attaveqaqatigiinnermillu suliniutit allat
Attaveqaqatigiisitsinikkut pikkorissoq
Attaveqaqatigiinnermik siunnersortitut
ujartuiumasuujussaatit, kalaallisut qallunaatullu allattariarsornikkut
oqalunnikkullu attaveqaqatigiillaqqissuullutit. Iluaqutaassaaq attaveqaqatigiinnermut
tunngasumik ilinniagaqarsimaguit, ilinniagarisimasarli aalajangiisuussanngilaq.
Attaveqaqatigiinnermilli suliaqarnermik misilittagaqareersimassaatit. Suleqatigiuminartussaatit
immikkoortortaqarfimmilu anginngitsumi suliassat assigiinngitsut
naammassisinnaallugit, tassani ulapputeqaraangatta ikioqatigiittaratta. Aammattaaq
tassaasinnaavutit:
- Namminersortoq sullisserusussuseqartorlu
- Tunaartaqartoq aaqqissugaasumillu suleriusilik
- Savitulluinnartoq, kisianni aamma ulapinnermi eqqissisimasinnaasoq
Suliffeqarfik orniginartoq
Suliffeqarfittut orniginartuunissarput suliniutigaarput,
neqeroorutigisinnaallugillu soorlu immikkut sulinngiffeqarfiit, timersornermut
tapiissutit peqqinnissakkullu sillimmasiissut.
2025-p ingerlanerani piffissaq suliffiusoq
sivikillisillugu misiliutitut ingerlapparput, sap.akunneranut 37 tiimit
suliffiullutik.
INI-mi piginnaanngorsaaneq aallutaraarput suliffillu
sulisutut inuttullu ineriartornissamut periarfissiilluartoq
neqeroorutigisinnaallugu.
Suliffeqarfipput tamatigoortumik qaffasissumik
sulisunit iluarisimaarineqarluartuuvoq. Suliffeqarfimmilu avatangiiserisat
pitsaasut immikkoortortaqarfiillu akimorlugit suleqatigiinnerit
pingaartitaralutigit.
Naleqartitagut tassaapput: Akisussaassuseq,
Pimoorussineq, Ataqqinninneq aamma Atorfimmi pikkorissuseq.
Atorfininnermi atugassarititaasut:
Akissarsiatigut atorfininnermullu piginnaanitit
aallaavigineqassapput. Atorfeqarfinnut akeqanngitsumik angalasinnaatitaavutit
kiisalu pequtitit akeqanngitsumik angallanneqarsinnaallutik. Inatsisillu
atuuttut malillugit inissiaqartitsisoqarsinnaavoq.
Sulilernissaq:
1. august 2025 imal. isumaqatigiissuteqarneq
naapertorlugu.
Ilinnut tulluarsoraajuk?
Atorfik pillugu Sulisoqarnermut
attaveqaqatigiinnermullu aqutsisoq Else Finne itinerusumik paasiniaasinnaavat
tlf. 861067 (e-mail efi@ini.gl) atorlugit.
Qinnuteqaatit CV-it
pappilissallu attuumassuteqarsinnasut pineqaatissinneqarsimannginnermik
uppernarsaat ilanngullugu allakkatigut mailikkulluunniit tigoreersimassavagut 25.
juni 2025.
Tusarfiginissat qilanaaraarput.
INI A/S
HR-afdelingen
Postboks 1020
3911 Sisimiut
E-mail: job@ini.gl
