Sisimiuni Atugarissaarnermut pisortaanermik pissarsiorpoq

2026-mi julip aallaaqqaataanit isumaqatigiissuteqarnikkulluunniit atorfinittussamik, Atugarissaarnermut pisortaanermik Qeqqata Kommunia pissarsiorpoq.

Atugarissaarnermut Pisortaaneq Qeqqata Kommuniani Pisortaaneqatigiit peqatigalugit siuttooqataassaaq. Atugarissaarnermut Pisortaaneq ingerlatsinermik isumannaatsumik atugarissaarnermut immikkoortortani marluusuni qulakkeerinnittuussaaq, taamatullu Sisimiuni Maniitsumilu Atugarissaarnermut Immikkoortortat marluusut assigiissaarnissaat Atugarissaarnermut pisortaanerup qulakkiissavaa, aammalu periusissanut, takorluukkanut politikkinullu ineriartortitseqataassalluni, kiisalu Kommunimi pisortaanermut aammalu Ilinniartitaanermut Aningaasaqarnermullu pisortaanermut qanimut suleqateqassalluni.

Atugarissaarnermut pisortaanertut sulineq annertuumik suliamut ilisimasaqarnissamik piumasaqaateqarpoq, isumaginninnikkullu suliniuteqarnerup annertuumik ukkatarineqarnissaanut kiisalu innuttaasunik sullissinerup pitsaanerpaatinnissaanut eqaatsumilu suliat akimorlugit suliniuteqarnissamik pingaartitsisumi sulineq ingerlanneqassaaq, Atugarissaarnermut immikkoortortaqarfik pingasunik fagchefeqarpoq, taakkulu ulluinnarni aqutsinermut aamma peqataassapput.

Pisortaaneq suleqateqallaqqissuussaaq pitsaasumik oqaloqatiginninnermik aallaavilimmik aqutseriaaseqartoq, tamatumalu saniatigut politikkikkut allaffissornikkullu anguniagassat pingaarnerit attatiinnarneqarnissaannik ukkataqarsinnaassasoq naatsorsuutigineqarpoq.

Qeqqata Kommunia suliniummik annertuumik ”Akisussaaqatigiitta”-mik taaneqartumik ukkataqarpoq, tassuunakkullu meeqqat isumassorneqarnissaat illersorneqarnissaallu kiisalu utoqqaat pitsaasumik inuuneqarnissaasa attatiinnarneqarnissaat qulakkeerneqassallutik.

Suliassat akisussaaffiillu:

• Atugarissaarnermut immikkoortortap iluani politikkikkut allaffissornikkullu anguniakkanik tigussaasumik suliniutinngortitsinissamut pilersitsinissamut, innarluutilinnut utoqqarnullu immikkoortortanik ineriartortitsinissamik kiisalu pitsaasumik aningaasaqarnikkut isumaginninnissamut qulakkeerinninneq
• Sunniutilimmik aaqqiissutissat atuilluartumillu inerneqarnissat siunertaralugit politikkikkut anguniakkani, aalajangiussani pilersaarutinilu unioqqutitsinngitsumik ingerlatsinissamut aamma naammassisaqarnissamut malitseqartitsinissamullu qulakkeerinninneq.
• Atuiffiup iluani pingaarnertut aqutsineq aningaasaqarnikkullu aqutsineq. Atugarissaarnermut immikkoortortami periusissiamik, ineriartortitsinissamik pitsanngorsaanissamillu ukkataqarluni, sunniutilimmik aningaasaqarnermik aqutsinissamut nukinnik tulluartumik atuinissamut qulakkeerisuunissaq.
• Qeqqata Kommuniani Atugarissaarnermut immikkoortortami atuutilersitsinerit kingornalu ingerlatsinerit siunertat anguniakkallu aalajangersakkat naapertorlugit ingerlanneqarnissaannik qulakkeerinninneq, matumani innuttaasut illoqarfimmi nunaqarfimmiluunniit najugaqaraluarpata pitsaasumik sullinneqarnissaannik qulakkeerinninneq
• Aaqqissuussaanermi ineriartortitsinermik, suleqatigiinnermik, ingerlariaatsinik suliassallu naammassineqarnisaannut aallartitsisuullunilu malitseqartitsisoq.
• Inatsisit atuuttut naapertorlugit immikkoortortaqarfinnik ingerlatsivinnillu siunnersuineq ilitsersuinerlu
• Killiliussat anguniakkallu aalajangiussat naapertorlugit immikkoortoqarfiit ataasiakkaat suliaminnik naammassinninnissaannik qulakkeerinninneq

Piginnaasassat:

• Kandidatitut ilinniarsimassasutit imaluunniit attuumassutilimmik ilinniarsimassasutit, aqutsisutut ilinniarsimaneq ilanngullugu
• Ileqqoriinnarlugu paasisimasaqarluartuusutit eqeersimaartuusutillu, ersarissumillu aqutsisuulluartuusutit
• Suleqateqallaqqissuusutit avatangiisinillu sunniisinnaassuseqartutit
• Atugarissaarnermut immikkoortortap ineriartortinnissaanut misilittagaqartutit imaluunniit sapiissuseqartutit
• Marluinnik kultureqarluni avatangiisilimmi anguniagalimmik sulisinnaassuseqartutit
• Ajornanngippat arlalinnik oqaaseqartuussasutit, kalaallisut, qallunaatut tuluttullu

Akissarsiat atorfeqartitaanermilu atugassarititaasut:

Akissarsianut atorfinitsitaanermilu atugassarititaasut, Naalakkersuisut sulininnilu isumaqatiginninniarsinnaa-titaalluni kattuffiup akornanni isumaqatigiissutit sukkulluunniit atuuttut naapertorlugit inissinneqassapput.

Atugarissaarnermut pisortaanertut atorfik allaffissornikkut Sisimiuni inissisimavoq, Sisimiunilu Kommunimi pisortaanerup ataani inissisimalluni.

Juli aallaqqaataani isumaqatigiissuteqarnikkulluunniit atorfinittoqassaaq.

Atugarissaarnermut pisortaanertut atorfik pillugu annertunerusumik paasissutissat Kommunimi pisortaanerup Hans Christian Sværd, oqarasuaat (+299) 86 73 01, e-mail: hcsv@qeqqata.gl attavigineratigut pissarsiarine-qarsinnaapput.

Qeqqata Kommuniani ukkatarineqartut

Kommunip suleriaasia, innuttaasunik naapitsisarnera, inuutissarsiutillit, avataaniillu suleqatigineqartartut Aki-mortumik suleriaaseqarnermut, Innuttaasunik akuutitsinermut, Nammineq kajumissutsimik sulisarnermut, Nunarsuarmioqatinut akuunerulernissamut Sulisullu ilorrisimaarnerinut suli ilisarnaataassapput.

Kommunimi atorfilimmik naapitsigit

Qeqqata Kommuniani kommunimi sulisut (atuarfinni, paaqqinnittarfinni, allaffeqarfimmi) 1300-t missaanniipput, taakkunannga 141-t, Sisimiuni 94-t Maniitsumilu 47-t allaffeqarfimmi atorfeqarlutik.

Nittartakkatsinni www.qeqqata.gl/ansat Qeqqata Kommuniani sulisutut kommunimi sulileqqaarnermit ukiuni arlalinni sulisuunermi sulisut assigiinngitsut misigisimasaat atuarsinnaavatit.

Qinnuteqaat:

Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.

Imatut qinnuteqassaatit:

Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.

Malugiuk:

Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.

Qinnuteqarnissamut killissarititaasoq: juunip 25.-at, 2026