PAASISSUTISSAT
Atorfiup suussusaa: Sisimiuni Ilinniartitaanermut pisortaq
Suliffeqarfik: Qeqqata Kommunia
Qinnuteqarfissamut killigititaq: 12. september
Attavissaq: Hans Christian Sværd, oqarasuaat (+299) 86 73 01, e-mail: hcsv@qeqqata.gl
Sisimiuni Ilinniartitaanermut pisortaq
1. oktober 2025 isumaqatigiissuteqarnikkulluunniit aallartittussamik Qeqqata Kommunia Ilinniartitaanermut pisortassarsiorpoq
Atorfik allaffissornikkut Sisimiuni inissisimavoq, aaqqissuussaanikkullu Aningaasaqarnermut Ilinniartitaanermullu pisortaanerup ataani inissisimalluni.
Ilinniartitaanermi immikkoortortaq makkuninnga imaqarpoq; meeqqat atuarfii, meeqqeriviit, Qeqqani MISI, Majoriaq kiisalu kultureqarnermut sunngiffimmilu sammisanut immikkoortortaq.
Aaqqissuussami eqaatsumi akimortunik ataqatigiittunillu suliniutinik Ilinniartitaanermut pisortaq pingaartitsissasoq aammalu meeqqat atuarfiani assigiinngissitaartumik atuartitsinermik, oqaatsinik, atuarfik-angerlarsimaffik suleqatigiinnermik inerisaanissamut kiisalu immikkoortumi akimortumik aqutsinermut ineriartortitsinissamik qulakkeerinissamut peqataanissaa kissaatigaarput.
Suliassat akisussaaffiillu:
- Ilinniartitaanermut immikkoortortap aamma suliffissarsiuussisarfiup sunngiffimmilu immikkoortortap iluani politikkikkut allaffissornikkullu anguniakkanik tigussaasumik suliniutinngortitsinissamut pilersitsinissamullu qulakkeerinninneq
- Sulisunut innuttaasunullu pitsaassutsip kiffartuussinerullu qaffasissusaata nukittorsarnissaanut qulakkeerisumik ulluinnarni ingerlatsineq aqutsinerlu
- Meeqqat atuarfiisa suliniuteqarfiini ineriartortitsilluni suleqataaneq, matumani KIVITSISA-mik ineriartortitseqqiineq,
- Immikkoortumi tamarmi inerisaasoqarnissaanik qulakkeerineq, matumani kommunimi MISI, Meeqqeriviit, Majoriaq kiisalu sunngiffimmi kulturikkullu suliniutit ilanngullugit.
- Sulisut atugarissaarnerinik avatangiisiinillu qulakkeereqataaneq
- Kiisalu missingersuutit aningaasaliissutitut killiliussat iluaniitinneqarnissaannut qulakkeerineq aammalu Ilinniartitaanermut ataatsimiititaliamut saqqummiussassanik ataqatigiissaarineq kiisalu ataatsimiititaliami ataatsimiinnernut peqataaneq
Piginnaasaqarfiit:
- Ilinniartitaanerup perorsaanermilu aqutsisuunermi suliatigut pitsaasumik misilittagaqartutit.
- Ilinniartitaanerup meeqqat atuarfeqarfiinnilu suliatigut pitsaasumik misilittagaqartutit.
- Ilitsoqqussaralugu paasisimasaqarluartoq eqeersimaartorlu. Aqutsisoq ersarissoq
- Suleqateqallaqqissuusutit avatangiisinillu sunniisinnaassuseqartutit
- Ilinniartitaanermut immikkoortortap meeqqat atuarfeqarfinnillu ineriartortinnissaanut misilittagaqartutit imaluunniit sapiissuseqartutit
- Marluinnik kultureqarluni avatangiisilimmi anguniagalimmik sulisinnaassuseqartutit
- Aningaasaqarnikkut aqutsinermut ilusilersuinermullu misilittagaqartutit
- Ajornanngippat arlalinnik oqaaseqartuussasutit, kalaallisut, qallunaatut tuluttullu
Neqeroorutigissavarput:
- Suliffik pissanganartoq unammillernartorlu
- Suliffeqarfik uummaarissoq ulluinnarni unammillernartorpassualik
- Suleqatit nuannersut
Akissarsiat atorfininnermilu atugassarititaasut:
Akissarsiat atorfeqartitaanermilu atugassarititaasut, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
Piaartumik isumaqatigiissuteqarnikkulluunniit atorfinittoqassaaq. Atorfik ukioq ataasiuvoq periarfissaqarluni sivitsornissaanut.
Sisimiuni Ilinniartitaanermut pisortatut atorfik pillugu paasissutissat annertunerusut Kommunimi pisortaaneq Hans Christian Sværd oqarasuaat (+299) 86 73 01 email: hcsv@qeqqata.gl atorlugit saaffiginninnikkut pissarsiarineqarsinnaapput.
Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik, pineqaatissinneqarsimannginnermut uppernarsaammik attaveqarfissanillu ilaligaq nassiunneqassapput.
Qinnuteqarnissamut killissarititaasoq: septembarip 12.-at, 2025
Atorfik una qinnuteqarfigiuk
