Sisimiuni Ingerlatsinermut aqutsisoq

1. decemari 2025-mi isumaqatigiissuteqarnikkulluunniit aallartittussamik Qeqqata Kommunia ingerlatsinermut aqutsisussarsiorpoq

Ingerlatsinermut aqutsisutut ulluinnarni aqutsinermut aamma kommunip sannaviani , tigooraavimmi kalaalimineerniarfimmilu formandinut pingasunut kiisalu Itillimi Sarfannguanilu vejformandinut marlunnut kiisalu ingerlatsinermi sulisunut katillugit 60-it missaanniittunut aqutsisutut akisussaaffeqassaatit. Innuttaasunut qanimut qitiusumik kiffartuussissutit soorlu eqqagassalerinerit, aputaajaanerit, asfaltilersuinerit kalaalimineerniarfimmilu tuniniaanerit Sisimiuni teknikkeqarnermut ingerlatsivimmiit suliarineqartarnissaat formandit suleqatigalugit qulakkeertassavatit. Tamatuma saniatigut Kangerlussuarmi kommunip kiffartuussinertaani ingerlatsinikkut suliassanut anginerusunut ikiuuttassaatit.

Ingerlatsinermut suliassaqarfimmi missingersuutit akisussaaffigissavatit aamma suliffeqarfimmi politikkikkut aqunneqartumi qinikkat siunnersorlugillu Teknikkeqarnermut Ataatsimiititaliamut innersuussutiliortarlutit sulisassaatit.

Ingerlatsinermut suliassaqarfimmi ingerlalluartumi akisussaaffinnik ilisimaarinnilluartunik formandeqartumi ullut suliffiusut nikerartut neqeroorutigaavut, illillu aaqqiissutitigut sunniuteqartarnissamut kommunimilu innuttaasunut sukumiisumik allanngueqataanissannut periarfissaqassaatit.

Ilutigitillugu Teknikkeqarnermut Avatangiisinullu Immikkoortortami – ingerlatsinermut immikkoortortaqarfiup saniatigut – allattoqarfimmi, pilersaarusiornermut sanaartornermullu immikkoortortaqarfimmi kiisalu avatangiisinut sullissisoq, sanaartornermut oqartussaqarfimmi illuutinullu oqartussaq katillugit allaffissornikkut 14-inik sulisoqartumi suleqataassaatit.

Suliassat akisussaaffiillu:

• Ilaatigut aqquserngit, iliveqarfiit, kuuffissuit, puttasut il.il. aserfallatsaaliorneqarnissaasa pilersaarusiorneranut akisussaasuuneq.
• Eqqakkat avatangiisinut navianaateqartut, atoqqitassat uninngasuutillu ikuallaavimmiit tigooraavimmut sulinerup allanngortinneranut akisussaasuuneq.
• Ingerlatsinermi suliassat, matumani aputaajaaneq, saviminikut, eqqaavilerinerit anartarfilerinerillu aamma asiarnerit ilanngullugit suliariumannittussarsiuussinermut akisussaasuuneq.
• Qaammammusialinnut tallimanut aamma ullunut 14-ikkaartunut akissarsiallit 60-it missaannittunut sulisoqarnikkut akisussaasuuneq.
• Ingerlatsinerup iluani politikkikkut ataatsimiititalianut siunnersuineq, nalunaarusiorneq suliassanillu saqqummiussassaliorneq.
• Teknikkeqarnermut pisortaq suleqatigalugu ingerlatsinermut suliassaqarfik pillugu pingaarnertut missingersuutinut akisussaasuuneq .

Piginnaasat:

• Teknikkikkut atortulersuutit ingerlanneqarnerinik misilittagaqartutit missingersuutinillu aqutsineq ilisimasaqarfigalugu.
• Sulisunik suliniutinillu aqutsinermik misilittagaqartutit.
• Ulluinnarni ilaanni ulapaarfiusartuni kiffartuusserusuttuullutillu suleqatiginnillaqqissuuvutit
• Suliassanut tunngatillugu aaqqiiniarnermik eqqarsartuuvutit taavalu innuttaasunik kiisalu sulisunik pitsaasumik oqaloqatiginnikkusuttuullutit.
• Ajornanngippat arlalinnik oqaaseqartuuvutit, kalaallisullu oqaaseqartuuguit pitsaaqutitut isigineqassaaq.
• Aaqqissuussaasumik suleriaaseqartutit, misissueqqissaarsinnaassuseqartutit kiisalu paasinartumik ersarissumillu saqqummiisinnaasutit.

Akissarsiat atorfeqartitaanermilu atugassarititaasut:

Akissarsianut atorfinitsitaanermilu atugassarititaasut, Naalakkersuisut sulininnilu isumaqatiginninniarsinnaatitaalluni kattuffiup akornanni isumaqatigiissutit sukkulluunniit atuuttut naapertorlugit inissinneqassapput.

Atorfik allaffissornikkut Sisimiuni inissisimavoq, Sisimiunilu pilersaarusiornermut pisortap ataani aaqqissuussaanikkut inissisimalluni.

Inissaqartitsisoqarsinnaavoq, malittarisassallu atuuttut malillugit akilersorneqassalluni.

Decembarip 1-iani isumaqatigiissuteqarnikkulluunniit atorfinitsitsisoqassaaq.

Ingerlatsinermut aqutsisutut atorfik pillugu paasissutissat annertunerusukkut pissarsiarerusukkukkit, teknikkeqarnermut pisortaq Josephine Jørgensen, oqarasuaatikkut (+299) 86 74 75 , e-mailikkutattavigisinnaavat join@qeqqata.gl.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 2025-mi oktobarip 27-anni tigoreersimassavarput ilisarnaaserlugu: Qeqqata Kommuniani Sisimiuni Ingerlatsinermut aqutsisoq.

Qinnuteqaat uunga nassiunneqassaaq:

Qinnuteqaat:

Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.

Imatut qinnuteqassaatit:

Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.

Malugiuk:

Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.

Qeqqata Kommuniani ukkatarineqartut

Kommunip suleriaasia, innuttaasunik naapitsisarnera, inuutissarsiutillit, avataaniillu suleqatigineqartartut Akimortumik suleriaaseqarnermut, Innuttaasunik akuutitsinermut, Nammineq kajumissutsimik sulisarnermut, Nunarsuarmioqataanerulernissamut Sulisullu ilorrisimaarnerinut suli ilisarnaataassapput.

Kommunimi atorfilimmik naapitsigit

Qeqqata Kommuniani kommuni tamakkerlugu sulisut 1300-t missaanniipput (atuarfiit, paaqqinnittarfiit, allaffeqarfik) taakkunannga allaffeqarfimmi katillugit sulisut 141-llutik, Sisimiuni 94-it Maniitsumilu 47-t.

Nittartakkatsinni www.qeqqata.gl/ansat-imi Qeqqata Kommuniani sulisutut kommunimi sulileqqaarnermit ukiuni arlalinni sulisuunermi sulisut assigiinngitsut misigisimasaat atuarsinnaavatit.

Qinnuteqarnissamut killissarititaasoq: oktobarip 27.-at, 2025

Atorfik una qinnuteqarfigiuk