Sisimiuni maskinmesterimut ilinniarfimmi teknika-mi ataqatigiissaarisumik pissarsiorpugut

Siunissami maskinmesterinngorniartut ilinniarfianni piviusunngortinnissaannut peqataarusuppit – Kalaallit Nunaanni alutornarluinnartumi aammalu suliffeqarfikkut avatagiisigissaartumi?

Teknikkimi ilinniarfik, KTI (Tech College Greenland) ataqatigiissaarisumik pimoorussisumik Sisimiuni maskinmesteritut atuarfimmi sulerusuttumik pissarsiorpoq. Atuarfipput ineriartortuuvoq – inuusuttut qinnuteqartartut amerliartorput, aammalu suliffeqarfiit utaqqipput naammasisoqarnissatsinnut. Taamaammat illit ilinniarusussuseqaruit, aqutserusussuseqarlutit, ilusilersueqataarusullutillu atorfissaqartsippatsigit – illillu qulakkeerinneqataassuutit, kalaallit nunaanni qallunaat nunaannisut pitsaatigisumik ingerlassisinnaasoq.

Atorfiup imarisaa

Sisimiuni ataqatigiissaarisutut maskinmesteritut ilinniarfimmi pingaaruteqartutut inississaatit ilinniarfiup piujuaannartinnissaanut peqataallutit, Teknika-p KTI-llu suleqatigiinnerani piviusunngorsinnaasumi. Pissanganartumik tamatingortumillu inissisimassaatit, soorlu ilinniartitsisutut, pilersaarusiortutut, ataqatigiissaarisutut aammalu ilinniartut malinnaaffigalugit ilinniarnerinilu siuarsaaqataallutit. Atorfik KTI-miik isumagineqarpoq, kisianni suliassat naammassineqartarput Teknika Lyngby-miittoq suleqatigalugu.

Ilinniartitsineq qallunaatut ingerlanneqartarpoq, aammalu Sisimiuni naliginnaasumik 16-nik ilinniartunik peqataaffigineqartarluni – naliginnaasumik Kalaallit Nunaaninngaanneertarput kisiannili aammalu ataasiakkaat Danmarkiminngaanneertarlutik. Ulluinnarni ilinniartut, ilinniartitsisut allaffimmillu akornanni ataqatigiissaarisuussuutit - periarfissaqassaatillu fagini ataatsimi amerlanerniluunniit ilinniartitsisuussallutit.

Akisussaaffiit suliassallu

Assingiinngitsorpassuarnik suliassaqassuutit, soorlu:

Ingerlatsineq ataqatigiissaarinerlu

• Ataqatigiissaarineq aammalu atuarnermut, misilitsinnermut, sannaviup ingerlanneranut, praktikkertunut tunngatillugu suliassanik agguaaneq, immiussineq aammalu ilinniarnermi Teknika-p suleqatigineqarnerani suleqataaneq Teknika-p studievejlederia suleqatigalugu.
• Sannaviup ingerlanneqarnerani akisussaasoq aammalu niuertarnerani aammalu annikittunik maskinanik atortunillut teknikkikkut aserfallatsaaliuineq.

Ilinniartsitsineq

• Teknika-p KTI-llu isumaqatigiissutai malillugit maskinmesteritut ilinniartitsineq.

Ilinniartsitsiviup allaffersornera aammalu ilinniarnermi avatangiisit

• Ilinniartunik tigusinermi peqataaneq, oqaloqateqartarnerit aammalu qallunaatut sapinngisaanik nalilersuineq.
• Teknika, KTI aammalu Arctic DTU suleqatigalugit atugarissaarnermik pingaartitsineq aammalu ilinniarluarnissamik aqqutissiuineq.
• Ilinniartut pisariaqartitsineranni peqataaneq ukunani Kalaallit Nunaanniik Danmark-imut atuarnerup tungaatigut ingerlaqqinnermi.

Praktikki aammalu siaruarneq

• Teknika suleqatigalugu praktikkertumik akisussaasuuneq.
• Ilinniarnerup ingerlanneqarnerani peqataaneq: soorlu ilinniarnerup ingerlanerani, atuarfinnik pulaarnerni aammalu tapersersortsissarsiornerni.
• Najugarisami ilinniarfinnik sinniisuuneq – uani ilanngunneqarpoq Kalaallit Illuannut atassuteqartarneq.

Neqeroorutigaagut 

• Atorfik tamatigoortoq tunngaveqarluartorlu, illillu tassani ilinniartunik ineriartortitsinermi peqataalluassallutit.
• Sisimiuni ilinniarfimmi avatangiisigissaartumi najugaqarlutillu suliffeqarnissarnut periarfissatsialak.
•  Kalaallit Nunaanni Danmarkimilu sulisumik tunniussimalluartumik suleqateqarnissaq ilinniartitsisunik aqutsisunillu.
• Annertuumik namminersorsinnaallutit suliffinnullu takutitsilluarsinnaanissamut periarfissatsialak.
• Suleqateqarluarnissarnut periarfissatsialak suliat pingaartillugit.
• Sisimiuni KTI-mi atortorissaarutinik ilinniutinik nutartikkanik suleqataaneq.
• Aningaasarsiat atorfininnermilu atugarititaasut Kalaallit Nunaanni Namminersorlutik oqartussat isumaqatigiissutaat naapertorlugu.

Illit piginnaasatit

Takorloorparput illit:

• Teknikkikkut tunuliaquteqarluartutit – soorlu maskinmesteri, ingeniør iml. Assigisaanik ilinniagaqartutit.
• Ataqatigiissaarisutut misilittagaqartutit, siunnersuinermut ilinniartitsinermullu atuarfimmi ataqatitiisitsisinnaasoq.
• Pitsaasumik ataqatigiissaarisumillu ilusilersuisoq, pilersaarusiullaqqissoq pingaarnersiuisinnaasorlu.
• Annertuumik akisussaaffimmik tigusisinnaasoq attavigineqarsinnaasorlu.
• Kalaallit Nunaanni Danmarkimilu suleqatinik aqutsisunillu suleqateqarnissamik soqutiginnittoq.
• Kalaallit Nunaannut nalunngisalik ilinniarnissaanullu soqutiginnittoq.
• Qallunaatut allassinnaasoq oqalussinnaasorlu – Kalaallisut nalunngisalik, piumasaqaataanngilarli.

Qinnuteqarneq attaveqarnerlu

Atorfimmut atatillugu apeqqutissaqaruit tikilluaqqusaavutit Teknika-mi studievejlederi saaffigissallugu Anne Mette Knudsen, mail: anmk@teknika.dk , tlf. Nr. +45 78 74 56 44

Atorfiup sumiinnera: Teknikkimi ilinniarfik /Tech College Greenland (KTI), Sisimiut

Atorfik ulloq tamaat suliffiuvoq. Atorfinittoqarsinnaavoq isumaqatigiissuteqarnikkut.

Qinnuteqartut tigugaagatsigit nalilersorneqartassapput. Atorfik qaammatini pingasuni misilitsiffioqqaassooq.

Teknika KTI-lu pillugit –

Teknika nunap maskinmesteritut atuarfiup utoqqaanersaraa taannalu 1100-it missaani ilinniartoqarpoq 100-nillu sulisoqarluni, 1906-miilli maskinmesterinik ilinniarfiusoq. Teknikami nutaaliamik aqutsinermut- aaqqissuusaanermullu fageqarpoq klassiskinik maskintekniskinik ajornaatsunik fageqarluni, taamaammat maskinmesterinngortut maskinanik inunnillu artorsaateqanngillat. Ilinniarfipput pitsaassutsimigut naqissusigaavoq, matunik ammaasarpoq immami, nunami aqutseriaatsimilu. Teknika malinnaaffigisinnaavat uani wwwteknika.dk, Linkedln, Instagram aammalu Facebookimi.

KTI – Inuussutissarsiornikku ilinniarfik aammalu Gymnasia.

KTI ilinniarfiuvoq 160-it missaani sulisulik, Nuummi Sisimiunilu inuussutissarsiornikkut ilinniarfinnik neqerooruteqarluni piffinni ukunani Jern og Metal, Sanaartorneq illuliorneq, Aatsitassat, Oqaatsinillu pikkorissarfik, aammalu gymnasiemi ilinniarfiit GUX, -E-GUX aammalu Nordatlantisk gymnasiemi klasse, aamma ingeniørinngorniarluni misilitsittoqarsinnaavoq aammalu maskinmesterinngorniartoqarsinnaalluni.

KTI ingerlatsinermini isumaqatigiissuteqarfigai Danmarkimi Teknikkikut Universiteti – Arctic DTU, ingeniørinngorniarfiit aammalu Teknikami maskinmesteritut misilitsittoqarsinnaalluni.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk