Fakta
Atorfiup suussusaa: Sisimiuni Nutserisoq
Suliffeqarfik: Qeqqata Kommunia
Qinnuteqarfissamut killigititaq: 27. februaari
Attavissaq: Nikolaj Kreutzmann, oqarasuaat (+299) 86 73 15, e-mail: nikr@qeqqata.gl imaluunniit Mette Blytmann Berthelsen, oqarasuaat (+299) 86 73 02, e-mail: mbbe@qeqqata.gl
Qeqqata Kommuniani nutserisoqarfik nutserisunik sisamanik (ataaseq Maniitsumi) sulisoqarpoq ataatsimillu nutserisuuneqarluni, maannakkullu Maniitsumi nutserisumik ataatsimik amigaateqarpugut. Ataatsimiinnissat katersuunnissallu tungaannut nutsisoqarfitsinni ulapisinnaasartorujussuuvugut.
Suliassat akisussaaffiillu:
- Suliassanik assigiinngitsorpassuarnik qallutaatuumiit kalaallisuumut aammlau kalaallisuumiit qallunaatuumut allattariarlsorluni nutserineq
- Akunnermuliuttutut oqaluttaaneq (dialog)
- Ataatsimiititalianut kommunalbestyrelsimulllu, innuttaasunik ataatsimiititsinerni assigisaannilu torrutiinnarlugu oqaluttaaneq
- Tamanik pitsanngorsaanissamik qulakkeerinninneq
- Suliassat nalinginnaasut takkussuuttut
Piginnaasassat:
- Oqaatsitigut allattariarsornikkullu attaveqaqateqallaqqissuusutit
- Suleqateqallaqqissuusutit avatangiisinillu sunniisinnaassuseqartutit
- Suliassanik ataatsikkut amerlasuunik suliasaqallaqqissuussutit aammalu allanngorsinnaanermut piareersimasuusutit
- Kalaallisut qallunaatullu oqaluttariarsornikkut allattariarsornikkullu ajornanngippallu tuluttut (piumasaqaataanngilarli pikkoriffeqarneq.
- Allattariarsornermi nutserinermullu atortorissaarummik SDLX tolkesystem-imik milisittagaqartutit (nutserinermut systemi ilinniartitsissutigineqarsinnaavoq)
- Marluinnik kultureqarluni avatangiisilimmi anguniagalimmik sulisinnaassuseqartutit
Tunuliaqutissatit:
- Oqalutsitut/nutserisutut ilinniagaqartuusutit
- Suliffeqarfimmi politikkikkut aqunneqartumi sulinikuusutit
- Sutigut tamatigut pitsaasumik suleqatiginnissinnaasutit
Akissarsiat sulinermilu atugassarititaasut:
Akissarsiat atorfeqartitaanermilu atugassarititaasut, taakkununnga atorfininnermi angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.
2026-mi arpiilip aallaqqaataanni isumaqatigiissuteqarnikkulluunniit atorfinittoqassaaq.
Atorfik pillugu paasissutissat sukumiinerusut Sisimiuni Nutserisuunermut Nikolaj Kreutzmann, oqarasuaat (+299) 86 73 15, e-mail: nikr@qeqqata.gl imaluuunniit Pisortaanerup sulisuinut pisortamut Mette Blytmann Berthelsen, oqarasuaat (+299) 86 73 02, e-mail: mbbe@qeqqata.gl saaffiginninnikkut pissarsiarineqarsinnaapput.
Kommunimi atorfilimmik naapitsigit
Qeqqata Kommuniani kommuni tamakkerlugu sulisut 1300-t missaanniipput (atuarfiit, paaqqinnittarfiit, allaffeqarfik) taakkunannga allaffeqarfimmi katillugit sulisut 141-llutik, Sisimiuni 94-it Maniitsumilu 47-t.
Nittartakkatsinniwww.qeqqata.gl/ansat kommunimi immikkoortortat assigiinngitsut iluanni sulilerlaat, suliffimmi misilittagaqarluartut allallu misigisaat atuarsinnaavatit.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: februaarip 27.-at, 2026
Atorfik una qinnuteqarfigiuk
