Siulittaasup Naalakkersuisoqarfiani Piginnaasanik Aaqqissuussaanermillu Ineriartortitsivik Namminersorlutik Oqartussani AU/ HR-imi ilinniartussarsiorput

Siulittaasup Naalakkersuisoqarfiani Piginnaasanik Aaqqissuussaanermillu Ineriartortitsivik Namminersorlutik Oqartussani AU/ HR-imi ilinniartussarsiorput

Sulisunik piginnaanngorsaanermik suliaqarnissat soqutigisaraajuk? Nammineq ilinniarninnut ineriartorninnullu akisussaaqataarusuppit?

Siulittaasup Naalakkersuisoqarfia Piginnaasanik Aaqqissuusaanermillu Ineriartortitsivik Namminersorlutik Oqartussani Nuummiittumi AU/ HR-imi ilinniartussarsiorput

Kikkuuvugut?

Piginnaasanik Aaqqissuussanermillu Ineriartortitsivimmi sulisut tallimaavugut marlunnillu ilinniartoqarluta. HRU-p suliassai pingaarnerit tassaapput suliffimmi avatangiisinik isumaginninneq, piareersaaneq, aqutsisoqatigiinni isumasioqatigiittarneq, pikkorissartitsinerit kiisalu suliffimmi ineriartornissamut ilinniarfinnullu saqqummersitsinernut peqataaneq.

Illit suliassatit

Soqutiginninnerit piginnaasatillu naapertorlugit nammineq suliassanik ingerlatsisarnernut pilersaarusiortarnernullu akisussaaqataaffeqassaatit. Suliassat nalinginnaasut ukuussapput:

• Pikkorissartitsinernut suliaqarnernut atatillugu ikiuunneq

• Inerisaanermut suliassanik piareersaanermi ikiuunneq

• IT-lerinermi suliassanik suleqataaneq

• Quppersagaaqqat paasissutissallu suliarineri

• Attaveqaqatigiittarfinnik assigiinngitsunik imarisaanik pilersitsineq

• Sulisussarsiornermut suliaqarnermut peqataaneq

Ullut ilaat ulapaarfiusassaqaat, ullulli allat nalinginnaasumik ingerlatsiviusassallutik – taamaattumik ilinniartussatsinnut tunngatillugu pingaartitaraarput tamatigoortuunissaq, alapernaatsuunissaq akisussaassuseqartuunissarlu.

Aammattaaq naatsorsuutigaarput, illit:

• Allaffissornikkut misilittagaqarlutit kiisalu IT-lerinermut pikkorillutit.

• Nammineersinnaassuseqartutit pisussaassutsinnillu ilaginnaajumanngitsuusutit

• Aaqqissuussaasumik sulisinnaasoq

• Ulluinnarni sulinermut peqataaneq – sulianut aamma inooqataanikkut tunngatillugu

• Sapiissusilik namminerlu suliassarsiortartoq

Naatsorsuutigaarput illit pitsaanerpaamik tunniussaqassasutit – taava uagut ilinniarfissaq ilinniartitaanissarlu pitsaanerpaat isumagissavagut, tassanilu unammilligassarpassuit sulianut tunngasutigut inuttullu nalaattassavatit.

Pissutsit paasissutaasut

Sapaatit akunnerinut nalunaaquttap akunnerini 40-ni suliffiuvoq.

Ilinniarnerpit ingerlanera

HR-imi qaffasissumik ilinniarnerit aallartissavat.

Annertunerusumik paasissutissat

Uatsinni ilinniartumut inissaaterput pillugu paasisaqarnerorusukkuit Amisuna Berthelsen oqarasuaammut 34 28 57-mut sianerfiguuk imaluunniit uunga allallutit ambr@nanoq.gl.

Qinnuteqarfissaq

Qinnuteqarnissamut killiliussaq tassaavoq ulloq 7. Maj 2026.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.