Siusinaartumik sullissivimmi siunnersuisarfimmilu pisortaq

Immikkoortortami siusinaartumik sullissivimmi sullittariaqartunut pisortatut suleqataarusuppit, ilaqutariinnut siunnersuisarlutit tapersersuisarlutillu, ilaqutariinnut inuunerminni misigissutsimikkut malussajasunut?

Siunnersuinermut Ilaqutariinnermullu Katsorsaanermut Sullissiviup immikkoortortaani Siusinaartumik Sullissivimmi Siunnersuisoqarfimmilu pisortassamik tunniussimalluartumik suliassatigullu piginnaaneqarluartumik sulisussarsiorpoq.

Immikkoortami pisortatut Siusinaartumik Sullissiveqarfiup aqutsisoqatigiivini qitiussaatit, taanna Meeqqanut Ilaqutariinnullu ingerlatsivimmiippoq. Immikkoortortanit assigiinngitsunit ilitsersuisut, siunnersuisartut aamma katsorsaasutakissussaaffigissavatit. Taakku meeqqanik, angajoqqaanik aamma ilaqutariit ullut tamaasaineriartornissaannik inuunerisalu pitsanngorsarnissaannik siunnersuisarput.

Immikkoortortaqarfik pillugu

Immikkoortortaqarfimmi siunnersuinissamik neqerooruteqartarpugut, siusinaartumikiliuuseqarfigineqartussatinnuttaasunut sullinneqartussatut innersuunneqarsimasutut allatsissimasunut allatsissimanngitsumullu tapersersuisarluta:

∙Angerlartitsinissanut siunnersuisarpugut

∙Kinaassutsiminnik isertuussisunut ammasumik siunnersuineq

∙Ajornartorsiutilinnut ikiuineq

∙Anngajaarniutinik atuisunut siunnersuineq

∙Ilaqutariit ilagalugit siunnersuineq

∙Naartusunut mikisunillu meeralinnut (ukiut 0-2) siusissukkut, taakkununnga iliuuseqarneq

Ilaqutariit inuunerminni atugaasa nalaaffiannik iliuuseqarnissaq, juumoonik, jordemor, qanimut suleqateqarluni, naalungiarsunnik paaqqinnittunik, sullissisunik aamma ullormut neqeroorutinik innersuussisartunik suleqateqarluni siusinaartumik sullissinerit pisarlutik.

Immikkoortortami pisortatut Siunnersuinermut Ilaqutariinnermullu Katsorsaanermut Sullissivimmi aqutsisut ilaattut qitiussaatit psykologit pisortaat aamma suliassanut pisortaq, fagchef, ataatsimoorlusi sammiveqartitsissaasi, immikkoortortaqarfiit assigiinngitsut suliaat tunngavigalugit

Sulisunut akisussaassaatit, suliffiup pitsaasumik avatangiiseqarnissaanut toqqissisimanartuunissaanullu sulissuteqassaatit, suliffimminni atugarissaarnissaat ukkatarissallugu, sulianut tunngatillugu siunersiueqatigisagaqarnissaannik sulissuteqassallutit, aamma suliat pitsaasumik inerneqarnissaannut anguniagaqartoqartassalluni.

Suliassaraatit

Immikkoortortaqarfimmi pisortatut sulianut tunngasunut aamma suliassat aaqqissuunneqartarnerinut ulluni suliffiusuni akisussaassaatit, immikkoortortaqarfimmi Siusinaartumik Sullissvimmi siunnersuisarfimmilu aqutsissallutit ineriartortitsissallutillu. Pingaarnertut uku suliarisassavatit:

∙Sulisunut aqutsillutillu ineriartortitsissaatit, suliassanullu sammiviliisassallutit

∙Siusinaartumik sullitassatut innuttaasunut innersuunneqartunut innersuunneqanngitsunullu ataqatigiissaarisussaatit

∙Siunnersuinerup pitsaassuunissaanut qularnaarissaatit, tapersersuillutit aamma siusinaartumik iliuuseqassallutit

∙Suleriaatsinut aamma immikkoortortat assigiinngitsut suleqatigiinnissaannutiliuuseqarlutit ineriartortitseqataassaatit ilanngussaqartassallutillu

∙Sullissiviup aqutsisoqatigiivisa sulinerinut peqataasassaatit aamma sullissiviup siumut ungasinnerusumut pilersaarutaanut sammilerneranullu aalajangeeqataasassaatit

∙Sulisut ataatsimiitsittassavatit, imaajaasassallutit, supervision aamma suliffigissaaneq pillugu sulisunik oqaloqateqartassaatit (MUS)

∙Joomuunik, jordemoder, suleqateqarneq nukittorsassavat, naalungiarsunnik paaqqinnittunik aamma kommunini suleqatinik

∙Sulisut kursusertittarlugit ineriartortitsissaatit, ilinniartitaaneq il.il. ineriartortitsinermut siunnersorti suleqatigalugu

∙Ullut tamaasa suliffigissaaneq piuartinneqassaaq, sulerulunneq piuartinnaveersaassallugu aamma suliassanik agguataarineq

∙Suliassanut assigiinngitsunut saariataarsinnaasoq piareersimasorlu aamma aaqqitassanut aaqqeeriallaqqissuseqartoq

∙Missingersuutinut akisussaassaatit, aningaasat nakkutigiuarlugit aamma psykologit pisortaat suleqatigalugu nalunaaruteqartassaatit

Immikkoortortap angusaanut nalilersuinermi uppernarsaatinullu akisussaassaatit, suliffiullu avatangiisaarluni toqqissisimanartuunissaanut suliffigiuminartuunissaanullu tunngavileeqataassaatit. 

Illit pillutit

Pisortassarsiorpugut sammiviliilluarsinnaasumik ataqatigiissitsisinnaasumillu – sulianut tunngasunut inuppalaartumillu.

Uku piginnaaneqarfigaatit:

∙Inulerinermik, perorsaanermik imaluunniit peqqinnissamut tunngasumik ilinniagaqarsimassaatit (soorlu isumaginninnermut siunnersortitut, perorsaasutut, peqqissaasutut, juumootut imaluunniit psykologitut)

∙Ilaqutariinnut, naartusunut aamma ilaqutariinnut mikisunik meerartalinnut siunnersuinermik tapersersuinermillu misilittagalik

∙Pitsassaaq aqutsinermik, imaajaanermik, supervision imaluunniit suliassanut agguataarinermik misilittagaqartuuguit

∙Suliassat pillugit aaqqissuulluakkamik piareersareersimasuunissat, siunertalimmillu aaqqissuulluakkamik aqutsisoqatit allat qanimut suleqatiginissaannut piginnaaneqarnissat

∙Inoqatinnut kissalaartumik ataqqinnittumillu pissuseqassaatit, immikkoortortaqarfiullu sapiissuseqarlutit ineriartortinneqarnissaanut salliussaatit

∙Suleqativit suliffigissaarnissaannut tappissaatit aamma toqqissisimasumik suliffigiuminartumillu suliffiup avatangiiseqarnissaanut qularnaarininissaatit

∙Kalaallisut qallunaatullu oqalussinnaaguit iluaqutigissavat, piumasaqaataanngilarli

Avatangiiseqassaatit ullut tamaasa nutaanik suleqateqalertarlutit aamma pissanganartunik ilungersunartunillu – soorlu suliavit inernerisa sunniutai ilaqutariinni sullitassinni ilaqutariit inuunerissaalernerinik toqqaannartumik takusinnaassallutit.

Neqeroorutigaagut

∙Pisortatut atorfik siunertaqarluarluni isumaqarluartoq, ilaqutariinnut meeqqanullu iliuutsitit sunniutilimmik allannguuteqartitsisinnaalluartut

∙Suleqatit immikkoortortanit assigiinngitsuneersut tunniussimalluartut

∙Aqutsisoqatigiit pitsaasumik sullissinissamut ukkattaqartut, suleqatigiinnissamut ineriartortitsinissamullu

∙Ilinniaqqinnissamut periarfissaqartoq, sullissivimmi aqutsisunik allanik sulinermut tunngasunik siunersiueqateqarsinnaasoq

Atorfeqarnermi atugassarititaasut

Atorfininnermut isumaqatigiissutit naapertorlugit aamma isumaqatigiissutit tunngavigalugit aningaasarsiaqartitsisoqassaaq atorfeqarnermilu atugassarititaasut tunngavigalugit atorfeqartitsisoqassalluni.

Pisortaq attavigineqartussaq: psykologit pisortaat, chefpsykolog

Suleqatigineqartussat: Siunnersuinermut Ilaqutariinnermullu Katsorsaanermut Sullissivimmi immikkoortortaqarfinni pisortat allat.

Suliffiup aaqqissuussaanera

Psykologit pisortaat sulisitsisorissavat Siunnersuinermut Ilaqutariinnermullu Katsorsaanermut Sullissivimmi aqutsisunut aamma ilaassaatit kiisalu ilaqutariinnermut Katsorsaanermut, taakku MI-imut ilaapput - siusinaartumik iliuuseqarfigineqartussanut sullissivimmi. 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef-i Maliina Junge Jørgensen, oqarasuaat +299 36 80 53 imaluunniit e-mail: mjuj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1165-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 1.-at, 2025

Atorfik una qinnuteqarfigiuk