Skibsmontøritut ilinniartoq, Nukissiorfiit Paamiut

Paamiunut tikilluarit

Naliginnaasunut naleqqiullugit Paamiut pinngortitami misigisassanik neqerooruteqarpoq, taamaattumillu silaannarik, pinngortitarlu angallavikkuminaatsoq nuannarissagukkit sumiiffik eqqorluinnartoq tikitaraat. Paamiut ataatsimoorfimmik nukittuumik attassivoq, nutaallu takkuttut tikilluaqqulluarneqartarput. Immikkoortoqarfitta tikilluaqqulluassavaatit, aammalu suliassannut ingerlattagassannullu atugaqarlualernissat qulakkiissavai. Sulisutsinni pimoorussisuni sukumiisumik ilinniartitaanissannut paatsuugassaanngitsumik sammisaqarneq tassani inissisimavoq.

Makku neqeroorutigisinnaavagut

Suliffimmi sungiusarnermi atorfik pissanganartoq, tassanilu suliassanik assigiinngitsorpassuarnik suliaqalissaatit, taakkulu innaallagissiorfimmi imeqarfimmilu sulisut sinneri peqatigalugit naammassisassavatit. Ilinniagaqarnermi ingerlatap skibsmontøritut ilinniagarisami piumassaqaatit malittarai, taamaalillunilu Nuummi ilinniarfimmiinnermik, aamma nunap immikkoortuani suliffimmi sungiusarnermik imaqarpoq.

Suliffimmi sungiusarnermiipput suliassat, soorlu motoorinik dieselitortunik (solaaritortunik) isateralunilu katiterinerit, ruujorit aaqqiissutit, silaannarmik naqitsilluni aaqqiissutit, imermik naqitsinermik (hydraulikkimik) aaqqissutit, kiassarnermik ingerlatsiviit il.il. Logbogimik (pisimasunik allattuisarfimmik) tunineqassaatit, taamaalillutit ilinniagarisap nalaani sulianut tunngasutut suliassaqarfinnut assigiinngitsunut taakkununnga suliaqarfigisimasannut uppernarsaatinik pissarsissagavit.

Sullivimmi avatangiisinut, suliarisat killeqarfiinik qaangiisunut ilaaffeqalissaatit, tassanilu innaallagissamik, imermik kiassarnermillu pilersuinissaq pillugu suleqatigiittuuvugut. Eqqasuutiginagit kukkussuteqarsinnaanissannut, tamakkuninngalu ilinniagaqarnissannut toqqammavissanik inissiivugut. Ilinniagarnerup nalaani aamma siunertanut aalajangersimasunut suliassinneqartassaatit, soorlu eqqiaanernik, saliinernik il.il. Sullivimmi avatangiisutut tunngasutut pissutsit tamakku malittarineqarnissaasa qularnaarnissaat Nukissiorfiit sammisarai.

Makku naatsorsuutigaagut

Skibsmontøritut ilinniartutut ilinnit makku naatsorsuutigaagut:

• ilinniagaqarnermi tunngaviusutut ingerlatassamik naammassisaqarsimanerit, imaluunniit aallartinnialernerit
• takkuttarnissat, aammalu nammineq ilinniagarisannut ersesqqissumik soqutiginninnernik takutitaqarnerit
• aamma nutaanik ilinniagaqarusussuseqarnerit
• assigiinngiiaartunik piumasaqarfiusunillu atugaqarnerit nuannarissagit, aammalu immikkut iliuuseqarnissannut piareersimanissat
• pisariaqartitannillu svenderisannut oqaatiginnittarnerit.

Atorfininneq sapinngisamik piaarnerpaamik.

Atorfinitsitaanermi pissutsit

Aningaasarsiaqarneq Naalakkersuisut (Namminersorlutik Oqartussat) aamma pineqartup isumaqatiginninniarsinnaasutut ilinniartunut kattuffiata akornanni isumaqatigiissut najoqqutaralugu.

Atorfinitsitaaneq qaammatinik pingasunik misilitsiffilerlugu pissaaq.

Inersimasutut ilinniartutut tiguneqassaguit atorfimmut tassunga aamma qinnuteqarnissannut tikilluaqqusaavutit.

Atorfimmut inissiamik innersuussisoqanngilaq.

Annermik paasisaqarusuppit?

Immikkut ittutut suliffittut akisussaaffittullu suliassaqarfinnut tunngatillugit annertunermik paasissutissat Suleqatigiinni aqutsisumut Ole Dal Nielsenimut saaffiginninnikkut pissarsiarineqarsinnaapput, ukunatigut: oq. +299 68 48 91 imaluunniit e-mail: odn@nukissiorfiit.gl.

Apeqqutit allat nalinginnaanerusut HR-ip immikkoortoqarfianut saaffiginnissutaasinnaapput, ukunatigut: +299 34 95 00 imaluunniit e-mail: hr@nukissiorfiit.gl.

Qinnuteqarnissamut killissarititaasoq: aggustip 26.-at, 2025

Atorfik una qinnuteqarfigiuk