Souschef Greenland Business School, Niuernermik Ilinniarfimmut

Greenland Business School digital-isumik allanngoriartuaarpoq, taamaattamik ingerlatsinermik alajaatsumik qulakkeeriniarluni, kiisalu teknikkikkut, digital-iusumillu, attaveqaatitigut toqqammaveqarnissat qulakkeerniarlugu. Souschef-itut pingaartutuut inissisimassaatit atuarfiup aqutsisuini, Kalaallit Nunaannilu siunissami ilinniakkat sinaakkusersornissaanut qitiusumik inissisimassallutit.

Greenland Business School ilinniarfiuvoq ilisimasaqarluartoq eqeersimaartorlu, inuussutissartiutinut sammiviup iluani ilinniakkanik atituumik ilalinnik suliffeqarfiit pisortallu peqatigalugit neqeroorutilik. Greenland Business School massakkut inerisaavoq neqeroorutinik nutaanik piorsaalluni, taamaasilluni ilinniartunik aammalu inuiaqatigiinni sulisussat atorfissaqartitat pikkorissut pilersinniarlugit. Taakkua ilinniakkat ingerlaqqiffiusut ilaatigut tassaapput bachelor- aamma akademi-mi ilinniakkat kiisalu aningaasalersueriaaseq pillugu ilinniakkat.

Suliassatit

Souschef-itut tamakkiisumik akisussaaffigissavat atuarfiup digital-iusumik aaqqissuussaanerata akisussaaffiginera, aammalu qarasaasiakkut isumannaatsumik aalajaatsumillu ingerlannissaa atuartitsineq allaffissornerlu akimorlugit. Atuarfiup ingerlanneqarnera kiffartuussinerlu siuttuuffigissavatit, taamaasilluni atuarfiup sulisuisa ilinniartuisalu sinaakkusersorneqarnerat ikorfartorsinnaallugu. Ilutigalugulu sillimaniarneq akisussaaffinniissaaq – pisumi, digitaliusumi aammalu aaqqissuussaanikkut – ingerlatsinermi sillimaniarneq, qarasaasiaqarnerup isumannaatsuunissaa aammalu data-t illersorneqarnissaat qitiutillugit. Atuarfiup ingerlanneqarnera, atuarfiup iluani avataanullu attaveqateqarnermi, pisussat, avammullu nittarsaassinermi ingerlanneqarneranik annertuumik ingerlatsissaatit, kiisalu pisussanik pilersaarusiorneq, malunnartitsineq kiisalu nittarsaanneqarneq. Pitsaassutsip qulakkeernissaa, data-lu ineriartortinnissaa tunaartaralugu aqutsineq ingerlatissavat, taamaasilluni atuarfiup ingerlatsinermini atuartitsinermik qaffasissumik pitsaassutsimik ingerlatsiuaannarsinnaanera anguniarlugu.

Souschef-ip pingaarnertut makkua akisussaaffigissavai:

• Qarasaasiaq digital-isumillu aaqqissuussaanera
• Atortorissaarutinik, atortunillu suliaqarneq
• Sillimaniarneq (pisumi, digital-iusumilu)
• Attaveqaqatigiinneq
• Pitsaassutip qulakkeernissaa, ineriartortitsinerlu

Kissaatigaarput

• Qaffasissumik ilinniaqqiffiusumik qarasaasialerinerup iluani, teknologi-mi, aqutsinermi imaluunniit assigisaani ilinniagaqarsimassasutit
• Teknisk-isumik kissaatiginarpoq ataatsimoorfiusumi, imaluunnit ilinniartoqarfiusumi sulinermik misilittagaqassasutit,
• Data-nik illersuinermik paasisimasaqassasutit, qarasaasiat isumannaallisarnissaat aammalu qarasaasialerinermik.
• Atortorissaarutinik, atortunillu suliaqarnermik ilisimasaqassasutit
• Attaveqaqatigiinnikkut pilersaarusiornermik misilittagaqassasutit aammalu sulianut ingerlasunut ingerlatsinermik misilittagaqassasutit

Neqeroorutigaarput

Suliffik pissanganartoq, ilinniarfimmi ineriartortumi, ilinniartunik sulisunillu pilersitsiniarnermi pingaarnertut inissisimasunik suleqateqarneq. Suliffik sulisunik aqutsinermik ingerlataqartoq. Tassani ineriartortisinermi aammalu atuutitsinermi ilinniakkanut tungasunik peqataanissamut periarfissalik. Sulianik pissanganartunik imalik aammalu pikkorissunik eqeersimaartunillu suleqateqarnermik avatangiiseqarluni sulinissamut periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma.

Paasissutissat allat

Imminut Greenland Business School-imi souschef-itut takusinnaaguit, annertunerusumillu paasisaqarusullutit, taava Atuarfimmi pisortaq Kista Isaksen e-mail-ikkut attavigisinnaavat uunga kisi@gbs.gl imaluunniit oqarasuaat 342580 atorlugu.

Greenland Business School pillugu paasisaqarsinnaavutit ugguuna www.gbs.gl.

Qinnuteqaat

Qinnuteqaammut killigitinneqarpoq ulloq 22. oktober 2025 nal. 12.00. Oqaloqateqarnerillu ataavartumik ingerlanneqassapput.

Qinnuteqaat nassiuguk, CV, Ilinniarnermut- aamma pikkorissarsimanermut allagartat, kiisalu qinnuteqaammut soqutiginarsinnasut passissutissat ilanngullugit uunga tooruk “qinnuteqaat nassiuguk”

Qinnuteqaatit e-mail-ikkut nassiussat tiguneq ajorpagut.

Aningaasarsiatigut atorfinitsitaanermilu atugassarititaasut

Atorfik akissaateqarfimmi LR 36-mi maanna inissisimavoq. 1. april 2025 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut Kr. 57.102 ukiumullu Kr. 685.224

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk