PAASISSUTISSAT
Atorfiup suussusaa: Spocteamimi siunnersorti
Suliffeqarfik: Nukissiorfiit
Qinnuteqarfissamut killigititaq: 13. juni
Attavissaq: hr@nukissiorfiit.gl
Nukissiorfiit iluani Business Partnerimut Immikkoortoqarfik Business Partnerimut Pisortamik qullersaqartumik piffissamut killeqartumut nutaatut pilersitamut “Spocteam”-imut siunnersuisartumik inuttassarsiorpoq.
Spocteamimi tassaalissaatit aaqqiissutinik tamanik aserfallatsaaliuinermik, ineriartortitsinermik, aamma pitsaanerpaanngorsaanermik aaqqissuussiffiup suliaqarnerani qitiusutut ilaalersoq. ERP-imi toqqavinnik assigiinngitsunik arlalinnik suliaqassaatit, tassaassaatillu niuerfiup, IT-p, aamma suliffiup avataani pilersuisartut akornanni attaveqaat. Inissisimaffik aserujaatsumik niuerfimmik paasisimasaqarnermik, teknikkimik ilisimasaqarnermik, aamma attaveqaqatiginnillaqqinnermik pisariaqartitsivoq.
Spocteam tassaassaaq Nukissiorfiit aamma suleqatigisatut illua’tungerisat akornannut attaveqarfik. Suleqatigiit ineriartortitsinermi suliassat, imaluunniit suliffiup iluaniittutut ajornannginnerusutut iluarsisassatut ajornartorsiutit akornanniittunik immikkoortitsisassaaq. Spocteam ikiorsiinikkut suliani, aamma atuillaqqinnerpaanut suliassani peqataaqataasassaaq. Suleqatigiit aaqqiissutinik assigiinngiiaartunik atuilersitsinernik, aamma immikkoortoqarfiit killeqarfii qaangerlugit suliassanik ilalersuuteqartassaaq, aammalu modulinik piginnittunik atuillaqqinnerpaanillu isumaqatigiissuteqareernikkut niuerfimmi ingerlattakkanik imminik ingerlatsilernermik pitsaanerpaanngorsaanernillu ilalersuuteqassalluni. Aammattaaq suliffiup iluani suleriaatsinik ineriartortitsinernut/-pitsaanerpaanngorsaanernut siunnersuusiornerni ikiuisoqartassaaq, kiisalu aaqqiissutit akornanni paasissutissanik nuussinernik akulerussititsinernillu isumaginnittoqartassalluni.
Suliassatit pingaarnerpaat tassaassapput:
- IT-mi aaqqiissutini allattuisarnernut, isumannaarisarnernut atuisarnernullu najoqqutassanik, ingerlattakkanik ilitsersuutinillu suliaqarnerit
- Paasissutissat pitsaassusaannut tunngatillugit Ingerlatsinermi siunnersortit sinnerinik, Akiliisitsisarfimmik, aamma Business Partnerimik suleqateqarnerit
- Ikiorsiinermik suliarisanik, aamma ikiuisartutut suleqatigiit iluarsivigisassaannik suliassanik isumaginninnerit
- IT-mi suliniutinik atuutsitsilernerit, aamma immikkoortoqarfiit aaqqissuussiffiit killeqarfii qaangerlugit suliassaataannik isumagisaqarnerit
- Modulinik piginnittunik akisussaaffilinnillu isumaqatigiissuteqareernikkut niuerfimmi ingerlattakkanik imminik ingerlatitsilernerit pitsaanerpaanngorsaanerillu
- Suliffiup avataani siunnersuisartunik, suleqatigisanik, aamma modulinik piginnittunik attaveqaqateqarneq suleqateqarnerlu
- Suliffimmi aaqqissuussiffinnik pigisanik atuutsitsilernermik ineriartortitaqarnerup nanginnissaani peqataaqataaneq
- Suliffiup iluani suleriaatsit ineriartortinnissaannut/pitsaanerpaanngorsarnissaannut siunnersuusiornermut ilalersuuteqarnerit.
Makku neqeroorutigisinnaavavut:
Suliffigisaq pissanganartoq, suliffimmi savituumi sulianut inuttullu ineriartortitsinermik pingaarnersiuiffiusumi suleqatinik inussiarnersunik, suliamikkullu nukittussuseqartunik ilaqarfigisaq. Sullivittut sungiussiasutut peqqinnartuusutullu pitsaassuseqarnissarput pimoorussaraarput. Ilanngullugillu Nukissiorfiit ilaatigut fleks’imik aaqqiissummik peqarpoq, kantiinarissaarluni, aammalu sulinerup nalaani timigissartoqarfiusinnaavoq.
Ujarpatsigit imatut ittutit:
- IT-mik aaqqissuussiffinnut teknikkikkut paasisimasalik
- Aningaasaqarnermik paasisimasalik, ajornanngippat aningaasaqarnerup iluani Ilinniagartuutut imaluunniit bacheloritut ilinniarsimasoq
- Aaqqissuussiffiup killeqarfii qaangerlugit suleqatiginnissinnaassusilik
- Oqaluttariani allattarianilu attaveqaqatigiinnikkut piginnaasaqarluartoq
- Ataatsimut isiginniffimmik pilersitsinissamut attassinissamullu piginnaasalik
- Sulilluarniartuusoq, aammalu suliassannut nammineq aqutarisannik tikitsisartoq
- Ingerlattakkat, inuit aamma IT-mi aaqqiissutit akornanni sunniivigeqatigiinnermi pissusissamisoortumik sulisinnaassusilik sumiissusersisinnaasartorlu
- Teknologiimik paasinninnissamut pissusissamisoortumik piginnaasalik, aammalu teknikkikkut ajugaaffigisassani kukkussutinik ujaasillaqqissoq
- IT-mi iluarsiissutinik paasiuminaatsunik danskit aamma kalaallit oqaasiini atuisunit paasiuminartunngortitsilluni nutserisinnaasoq
- Soqutiginnittoq, aammalu taamaaginnartitsiniaanermut akiuinissaminut qunuffeqanngitsoq
- Kalaallit Nunaanni suliassanik iluarsiisarnermit misilittagalik.
Atorfinitsitaanermi atugassarisat
Atorfinitsitaaneq Naalakkersuisut (Namminersorlutik Oqartussat) aamma attuumassutilittut sulisartut kattuffiata akornanni isumaqatigiissut najoqqutaralugu pissaaq.
Atorfinitsitsineq qaammatini pingasuni misilitsiffeqartillugu pissaaq.
Atorfimmut sulisunut inissiamik innersuussisoqarsinnaanngilaq.
Atorfinitsitsineq piaarnerpaamik pissaaq ullorlu 01/10-2026-mut killeqassalluni.
Tassaavit suleqat ujartugarput?
Annertunerusutut paasissutissat Business Partnerimut Pisortamut Thea Mølgaardimut saaffiginninnikkut pissarsiarineqarsinnaapput, e-mailikkut: THEAM@nukissiorfiit.gl.
Apeqqutit nalinginnaanerusut HR-ip immikkoortoqarfianut nassiunneqarsinnaapput, e-mailikkut: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamakkerlugu innaallagissamik, imermik kiassarnermillu pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugit aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik kiassarnermillu nioqquteqarnitta 70 %-ia nukissiornermit ataavartumit pivoq. 2030-p tungaanut 100 %-imik ataavartumik nukissiornissaq sulissutigaarput. Nukissiorfiit iluani sulisut 400 tamarmik toqqammavissanik pitsaasunik atugaqarnissaannik pilersitsineq iluatsilluarparput. Uagut pilluta uani annertunerusumik atuarit: www.nukissiorfiit.gl
Qinnuteqarnissamut killissarititaasoq: juunip 13.-at, 2025
Atorfik una qinnuteqarfigiuk
