Suliffeqarfinnut supporteri

Kiffartuussineq suliffeqarfinnillu sullissineq suliffigissallugit nuannaraagit?

Tusass -imi suliffeqarfinnik sullissinerulernissarput aallartisarparput tassungalu atatillugu Nuummi Suliffeqarfinnut Sullissivimmi Suliffeqarfinnut siunnersuisartoqalernissaq pilersittussanngorparput taamaattumillu suliffeqarfinnut supporterissanik marlunnik pissarsiorpugut.

Atorfik pillugu

Tusass-ip niuertarfiani illoqarfiup qeqqani inissisimasumi Suliffeqarfinnik sullissisut ilagilissavatit tassanilu sullitat suliffeqarfinneersut attavissarilissavaatsit pingaarneq.

Atorfimmi atuisunik sullissineq, pisiariniakkanik suliaqarneq kiisalu 1st line support suliassaraatit pingaarnerit amma akisussaaffigissavatit atuisut saaffiginnissutaat pillugit eqqortumik piffissarlu eqqorlugu sullissisarnissaq – suliassanik nammineq aaqqissuinikkut imaluunniit suliffeqarfiup iluani ataqatigiissaaralutit suliassiisarnikkut.

Sungiusarneqarnissannut periarfissaqarputit.

Suliassatit

• Suliffeqarfinnik sullissinermi atuisut saaffiginnissutaasa akissuteqarfigisarnissai, telefonikkut mailikkullu

• Mobilimik atuisunik, internettimik mobilikkoortumik DSL-ikkullu aqqutinik pilersitsisarneq allannguisarnerlu

• Attavinnik atorunnaarsitsinernik tunniussinernillu suliaqartarneq

• Kukkunernik paasiniaaneq aallarniutaasumik teknikkikkullu ajornarsiutini aaqqitassanik pisariitsunik suliaqartarneq

• Teknikkimut immikkoortortamik suliffeqarfinnullu tuniniaavimmik ataqatigiissaarinerit

• Pisortap innersuussutai malillugit suliassat nukingiuttariaqartut

Ilutigisaanik niuernermi eqqortumik aqqutissiuinissap suliatigullu eqeersimaartuunissap isumannaatsuunissaanut atatillugu atuuffeqarputit pingaarutilimmik, immikkortortaqarfiit arlaqartut akuuffigisaannik.

Ilinnut tunngasut

• Atuisunik kiffartuussineq allaffissornikkullu suliassat misilittagaqarfigaatit

• Pitsaassuseq siunniullugu aaqqissuillaqqissuseq

• Teknikkimik paasisimasaqartuuneq aamma IT/tele-mik soqutigisaqarneq

• Pingaarnersiuisinnaassuseq arlalinnillu suliaqarsinnaaneq

• Aaaqqissuussaanermut tunngasunik misilittagaqarneq iluaqutaassaaq

• Erseqqissumik suliamillu pingaartitsilluni attaveqaqateqartarneq

• Nammineersinnaassuseqarneq akisussaassuseqartuunerlu

• Aaqqiissutissanik ujartuisuuneq sungiussiassuunerlu

• Suleqateqallaqqissuuneq

• Ulapaarfinni toqqissilluni sulisinnaaneq

• Kalaallisut, danskisut tuluttullu

Neqeroorutigaagut

• Suliassat assigiinngisitaartut attavissagissaarnerlu

• Suliassaqarfiit akimorlugit qanimut suleqatigiinneq

• Ineriartorluarnissamut periarfissat

• Sulinermi avatangiisit suleqatigiinnermik pingaartitsiffiusut

• Akissarsiassat piginnaasat aallaavigalugit

Soqutiginnippit?

Piaartumik sulilersinnaavutit, qinnuteqartorli piukkunartoq utaqqissaqqaarparput.

CV-t qinnuteqaatillu qinnuteqaatinik nassiussiffissaq talerpiatungaaniittoq toorlugu nassiuguk.

Qinnuteqaatit e-mailikkut nassiussat tiguneq ajorpagut.

Atorfik pillugu apeqqutissaqaruit, Tuniniaanermut pisortaq Christian Loiborg Tang mailikkut attaveqarfigisinnaavat, ugguuna CLT@tusass.gl 

Tusarfiginissat qilanaaraarput!