Suliniummik aqutsisoq

Ataatsimoorluta Aalasa 2

Ukiunik sisaminik killilikkamik atorfik   ·  Nuuk  ·  Sulilerfissaq 1/10-2026

Suliniut – Ataatsimoorluta Aalasa

Ataatsimoorluta Aalasa nuna tamakkerlugu suliniutaavoq annertuumik anguniagalik, Kalaallit Nunaanni Timersoqatigiit Kattuffiannik (GIF) aamma UNICEF Kalaallit Nunaannik anguniagassatut takorluukkamik: Nunatsinni meeqqat inuusuttullu tamarmik toqqissinartumik, peqataatitsisumik inerikkiartornartumillu timersornikkut avatangiiseqarnissamut periarfissinneqarnissaannik ataatsimoortitsisoq.

Suliniut 2030-ip naanissaata tungaanut ingerlanneqassaaq GIF-illu anguniagassatut takorluugaani, tassalu nunatta 2030-imi nunarsuarmi timimik atuinerpaaffiunissaanik – UNICEF-ip nunarsuarmi najukkanilu meeqqat pisinnaatitaaffii pillugit suliniutaanik ataatsimoortitamik aallaaveqarluni.

Suliniummi qitiusoq tassaavoq timersornermi sungiusaasunut, nammineq piumassutsiminnik sulisunut aqutsisunullu aaqqissuussamik sammititamik nuna tamakkerlugu suliniuteqarneq. Piginnaasatigut inerisaanikkut, ilinniartitsinertigut sakkunillu aalajangersimasunik atuinikkut, timersornermi avatangiisit, meeqqat pisinnaatitaaffiisa suliniutiginissaannut piginaasaat, tamatumunngalu atatillugu meeqqanik peqataatitsineq, meeqqanik pinerliisimannginnermut uppernarsaatinik isumaginninneq, ataatsimoornerni peqataatitsineq, killissamillu qaangiilluni pissusilersornernik pitsaaliuineq nukittorsassavagut.

Suliniummi angajoqqaanik aaqqissuussamik suleqateqarneq, timersorneq qitiutillugu ataatsimoortuni peqataatitsinermik pitsaasumik nukittorsaasussaq saqqummiunneqarpoq. Suliniut nuna tamakkerlugu ingerlanneqarpoq, illoqarfiit ilaannut nunaqarfinnullu minnerusunut angalanissanik ilaqarluni.

Atorfik

Suliniummik aqutsisussamik misilittagalimmik iliuuseqarsinnaassusilimmillu, paasilertoruminaatsumik, ilinniakkat akimorlugit nunalu tamakkerlugu suliniummik susassaqaqaterpassualimmik, akisussaaffimmik tamakkiisumik tigusisinnaasumik pissarsiorpugut. Aaqqissuussaanikkut UNICEF Kalaallit Nunaanni suliniummi pisortap ataani inissisimassaatit, Kalaallit Nunaanni Timersoqatigiit Kattuffiata allatseqarfianik, Paarisamik Innuttaasullu Peqqissusiannik Ilisimatusarfimmik qanimut suleqateqarlutit. Ataqatigiissaarisuuinnarnak pingaarutilittut ingerlatsisuussaatit, siunnerfiliinissat, ajornartorsiutinut siusissukkut aaqqiissuteqarnissat, suliniummilu piffissap aningaasaliissutillu iluini tigussaasunik naammassisaqarnissamik qulakkeerinissat natsorsuutigineqarlutik.

Atorfik ukiunik sisamanik killiligaavoq suliniummik aallaavilinnissami qaammatit pingasut arfinillillu akornanni sivitsorneqarsinnaavoq Nuummilu UNICEF-ip allaffiani inissisimassalluni. Nunatsinni angalakulanissaq naatsorsuutigineqassaaq.

Akisussaaffiit suliassallu pingaarnerit

Suliniut tamakkiisumik akisuussaaffigissavat suliassatillu pingaarnerit tassaassapput:

● Suliniummik aqutsineq: Aallaqqaataaniit naggataanut suliniummik pilersaarusiorneq, aqutsinerlu – tamatumunngalu atatillugu pilersaarusiorneq, killiffissiuinerit, ajornartorsiutinngorsinnaasunik naliliineq, iliuuseqarfiginninneq suliallu sumut killinneranut malitseqartitsiuarneq.

● Aaqqissuussaaneq akimorlugu ataqatigiissaarineq: UNICEF, Kalaallit Nunaanni Timersoqatigiit Kattuffiat GIF, Paarisa, Innuttaasullu Peqqissusiannik Ilisimatusarfik, timersoqatigiiffiit, kommunit susassaqaqatillu allat, nuna tamakkerlugu nunallu tamalaat akimorlugit kinguneqarluartussamik suleqatigiinnissamik ersarittumillu attaveqatigiinnissamik qulakkeerineq.

● Aningaasaqarneq nalunaarusiortarnerlu: Aningaasartuutissatut missigersukkat tunngavigalugit aningasartuutissanut missingersuusiorneq, aningaasaateqarfimmut suleqatigisanullu aningaasartuutissatut missingersuusiukkanut malitseqartitsisarneq nalunaarusiortarnerlu ilanngullugit, tamakkiisumik akisussaaffeqarneq.

● Inerisaaneq piviusunngortitsinerlu: Meeqqat pisinnaatitaaffii pillugit nuna tamakkerlugu ilinniartitsinermi ilinniartitsisup ilinniartullu atugassaannik inerisaanermik timersoqatigiinnullu peqataatitsinissamik aqutsineq, piviusunngortitsinermillu nunarput akimorlugu aqutsineq.

● Ilinniartitsineq piginnaasatigullu inerisaaneq: Nunarput tamakkerlugu sungiusaasunut, piumassutsiminnik sulisunut timersornermilu aqutsisunut ilinniartitsinissanik suleqatigiissitsinernillu (workshop) pilersaarusiorneq ingerlatsinerlu.

● Angajoqqaanik suleqateqarneq: Timersorneq tamakkiisumik isigalugu angajoqqaanik peqataatitsinermut periutsinik nutaanik inerisaaneq piviusunngortitsinerlu.

● Attaveqatigiinneq ersarissuunerlu: Suliniummik avammut saqqummiussineq – tamatumunngalu atatillugu tusagassiorfitsigut, inuit attaveqatigiittarfiisigut suleqatigisanut politikerinullu saqqummiussinikkut ingerlatitseqqiineq.

● Siusissukkut ajornartorsiutinik aaqqiineq: Unammilligassanik siusissukkut suussusersineq akornusiissussanngortinnagillu nammineerluni aaqqiissuteqarniarneq.

Ilinniagaqassutsikkut piginnaasat piumasaqaatillu

Suliniutinik paasilertoruminaatsunik aqutsinermik uppernarsaatissartalimmik misilittagaqarluartuuvutit makkulu piginnaasaralugit:

● Ukiuni arlalinni suliniutinik annertuunik, paasilertoruminaatsunik aqutsinermik– ajornanngippat ilinniakkat akimorlugit aamma /imal. nuna tamakkerlugu suliniutinik misilittagaqarneq.

● Aningaasartuutissanik missingersuinermik misilittagaqarneq, tamatumunngalu atatillugu pisortanut aamma/imal. aningaasaateqarfinnut nalunaarusiorneq.

● Pisortatigoortumik suliniutinik aqutsinermik ilinniarsimaneq iluaqutaassaaq

● Susassaqaqatinik suussusersilluni paasinnillunilu soqutiginninnermik takutitsinermut aaqqissuussaanerillu akimorlugit suleqatigiinnermut piginnaaneqarluarneq.

● Ilinniartitaanermik imal. nukissanik piginnaasanillu siunnerfilimmik inerisaanermik piviusunngortitsinermillu misilittagaqarneq.

● Meeqqat pisinnaatitaaffiinik ilisimasaqarneq, Naalagaaffiit Peqatigiit meeqqat pisinnaatitaaffii pillugit isumaqatigiissutaannik aamma/imal. timersornerup aaqqissuussaaneranik ilisimasaqarneq iluaqutaassaaq.

Inuttut piginnaasat

Pissarsiariniagarput:

● Siusissukkut iliuuseqartarpoq suliassanik aallartitsiumatuujulluni – suliassat takkukkumaarnissaat utaqqinagu, nammineq ujartuisuuvoq.

● Akornutaasinnaasunik ujartuinani periarfissanilli kinguneqarluartussanillu  ujartuisuuvoq suleqateqallaqqissuullunilu.

● Siunnerfilimmik ataatsimut isiginneriaaseqarpoq, anguniakkallu tigussaasunngortinnissaat angusaqarfiunissaallu piginaaneqarfigalugu.

● Attaveqatigiinnermik nukittuffeqarpoq, oqariartuutinik saaffigisanut assigiinngilluinnartunut – nunaqarfimmi piumassutsiminnik sungiusaasuniit nunani tamalaani suleqatinut naleqqussaasinnaasoq.

● Paasilertoruminaatsunik sulianillu amerlasuunik ataatsikkut ingerlatsinermik iluarinnippoq, pingaarnersiuillaqqillunilu.

● Sanngisuujuvoq, uteriitsoq – assoralisimaaraluarluni imal. aaqqissuussaanermi unammilligassinneqaraluarluni angusaqartartoq

● Ajornanngippat kalaallisut danskisullu oqaatsinik atuisinnaavoq. Kalaallisut oqalussinnaaneq iluaqutaassaaq.

● Kalaallit kulturiannik pissutsinillu ilisimannittoq, najukkami inuiaqatigiinnut suliffigisanut ataqqinnillunilu alapernaattoq.

Neqeroorutigaarput

Meeqqat nunatsinni timersornermi pisinnaatitaaffiinut nalerisimaarnerannullu ataavartumik sunniuteqarnissamut periarfissaq asseqanngitsoq. UNICEF Kalaallit Nunaata Kalaallit Nunaannilu Timersoqatigiit Kattuffianni suliniummik aqutsisoqatigiinnut pimoorussisunut akuulissaatit, Paarisa Innuttaasullu Peqqussusaannik Ilisimatusarfik peqatigalugit nukittuumik suleqataalerlutit. Suliniutip qanoq ilusilernissaanut ingerlanneqarnissaanullu ilinniagaqassutsikkut annertuumik nammineersinnaanissat sunniuteqarsinnaanissallu misigissavat.

Paasissutissat nalinginnaasut

Qinnuteqarfissaq kingulleq:  23/8- 2026

Atorfiniffissaq:  1/10-2026 immikkulluunniit isumaqatigiissuteqarnikkut

Suliffissaq:  Nuummi UNICEF Kalaallit Nunaanni allaffik

Atorfininneq: Ukiunik sisamanik killilikkami atorfeqarneq, nutaamut ikaarsaarnermi qaammatit pingasut arfinillillu akornanni sivitsorneqarsinnaasoq. Atorfimmut atatillugu inissamik innersuussisoqarsinnaanngilaq.

Akissarsiat atorfininnermilu atugassarititaasut: Piginnaasat misilittakkallu tunngavigalugit  immikkut aalajangersaavigineqassapput.

Ima qinnuteqassaatit

Qinnuteqaatit, CV, soraarummeernermut uppernarsaatit naapertuuttut peqaruillu piginnaasatit pillugit oqaaseqaatit ilanngullugit uunga nassiuguk: tdam@unicef.dk. Qinnuteqaat kalaallisut imal. danskisut allagaassaaq.

Apeqqutissaqaruit

Atorfik pillugu apeqqutissaqaruit, Tina Dam, UNICEF Kalaallit Nunaanni suliniutinut pisortaq attavigisinnaavat:

E-mail: tdam@unicef.dk

Oqarasuaat: +299 27 35 52