Suliniuteqarnermut Aqutsisoq

Suliniuteqarnermut Aqutsisoq Royal Greenland A/S-mi

Teknikkikkut sunniuteqarluarsinnaasumik aqutsineq pikkoriffigaajuk? Suliniummik aallaqqaataaniik ingerlatsineq pitsaasumillu naammassinnissinnaaneq isumannaarsinnaaviuk? Isumaqatiginninniarneq aammalu aningaasaqarnikkut aqutsineq nukittuumik inissisimaffigisinnaaviuk?

Qulaaniittut tamaasa akuerisimagukkit, Royal Greenland A/S-imi Suliniuteqarnermut aqutsisutut atorfineriaannaavutit.

Sulerisarpat?

Suliniuteqarnermut aqutsisutut akisussaaffigissavat, suliniutit aallartisarneqartut naammassinissaata tungaanut pisariitsumik, isumassarsiamiik ingerlatsinikkut piviusunngortillugit timitaliiffiginissai. Suliffeqarfiup iluani pingaarluinnartumik ersarissumillu inissisimalissaatit, suleqatit qanimut ataatsimut, fabrikkini arlalinni aammalu allani suliffinni suleqatigisassallugit.

Royal Greenland A/S-I Kalaallit Nunaanni arlalinnik fabrikkiuteqarpoq. Pingaarnertut suliassatit ukuussapput, fabrikkini pisariitsumik suliniutit naammassineqarnissai isumannaassallugit. Kalaallit Nunaata avataani aamma suliassaqartarumaartoq naatsorsuutigineqassaaq.

Suleqatit pikkorilluinartut pingasut aqutsinikkut akisussaaffigissavatit.

Sulinikkut akisussaaffik

Suliffeqarfiup ingerlatsinerani ersarissumik suliniuteqartoqartillugu inissisimalissaatit. Pingaarnertut akisussaaffeqarfiit ukuussapput.:

• Aningaasaqarnikkut peqqissaartumik sukangasumillu piffissamik aaliangiussami aqutsisinnaaneq sulisinnaanerlu.
• Pisiortorfiit isumaqatiginninniarsinnaaneri
• Teknikkikkut, tunisassiornikkut, aserfallatsaaliuinikkut aammalu aqutsinikkut ataqatigiissaarinermi pingaarluinnartumik inissisimalissaatit
• Immikkoortortaqarfimmi sulisut ineriartornissaat aammalu pitsaasumik aqunneqarnissaat akisussaaffigissavat
• Suliffeqarfiup tunisassiorfiini ukiumoortumik aningaasaliinermi pingaarnersiuineri sunniuteqarluartumik isumannaassavatit
• Isumannaallisaanermut, avatangiisinut, aammalu pitsaassusermut tunngatillugu malittarisassat atuutsinneqarneri akisussaaffigissavatit

Kina ujarparput

Suliniuteqarnermut aqutsisumik ujaasivugut – suleqatikkuminartumik aammalu suliffeqarfiup iluani suleqatigiit iluanni ilakkuminartumik.

 Ukua misilittagaqarfigaatit:

• Atortorissaaruteqarnikkut qajannaatsumik misilittagaqarneq
• Maskinilerisut, ingeniøritut, maskinmester-itut, assigisaanilluunniit ilinniagaqarnikkut tunuliaqutaqarneq
• Suliffeqarfissuarni annerusuni aammalu allanngorartuusunilu sulisinnaaneq misilittagarfigalugu
• Suleqatitit peqatigalungit sammivimmik ersarissumik siunniussisinnaaneq, aammalu inernerissaartumik naammassisaqarsinnaaneq
• Attaveqaqatigiinnikkut aammalu piorsarsimassutsikkut nukittuumik paasisimasaqarluarneq
• Suliffeqarfiup niuernikkut ingerlatseriaasaanut pitsaasumik aammalu naapertuuttussarsiorluartumik paasisimasaqarluarneq
• Allattorsimasumik uppernarsaataasinnaasumillu aqutsinikkut misilittagaqartuuneq
• Aaqqissuussillaqqissumik, inernerit tungaatigut angusaqarluarusuttumik aammalu anguniagaq aalajangiusimallungu sulisinnaavutit
• Tuluttut qaffasissumik, kalaallit aammalu/imaluunniit qallunaatut oqalussinnaavutit

Royal Greenland suliffeqarfittut

Royal Greenland-i nunarsuaq tamakkerlugu issittumeersunik aalisakkanik qalerualinnillu tunisassiornikkut niuerfik annersaavoq. Suliffeqarfik Namminersorlutik Oqartussaniik pingineqartoq, suliffeqarfiilu 40-it tunissassiornikkut ingerlatsiviit ilanngullugit, kilisaatit imarsiutit nutaarsuit aqutsinikkut ingerlappai. Sulisut 2.200 miss. peqatigalungit issittumi niuernikkut suliffeqarfiit qanimut suleqatigaagut. Minnerunngitsumillu piujuartitsinikkut, pitsaassusermut tunngatillugu aammalu naleqartitsinikkut pilersitsineq aallutissallugit siunnerfigaagut.

Akissarsiat aallarniutit neqeroorutigisinnaavagut aammalu atorfinitsitinermut patsisissaasitat piginnaasat naapertorlugit isumaqatigiissutigineqassapput.

Suleqatit pikkorissut aammalu suliffimmut akuliusimalluartut, suliffeqarfimmi pissanganarluinnartumi suleqatigilissavatit, sapaatip akunneranut ullut marluk qaqutikkut assigiinngiffeqarsinnaasumi.

Immikkut paasissutissat

Atorfik Nuummi qullersaqarfimmi inissisimavoq, allatigut Sisimiuni imaluunniit Ilulissani, arlaat taakku sumiiffiit aalajangersimasumik najugaqarfigineqassapput. Ukiumut ullut angalaffiusinnaasut 100-t naatsorsuutigineqassapput. Atorfik pillungu apeqqutissaqaruit Preben Sunke, +45 40597202 prsu@royalgreenland.com imaluunniit Søren Olsen Damgaard, +299 547587 sold@royalgreenland.com attavigeriaannaapput.

15. novemberi 2025-imut atorfimmut qinnuteqarsinnaaneq killigitinneqarpoq. Tusagaqarfiginissat qilanaaralutigu.

Qinnuteqarnissamut killissarititaasoq: novembarip 15.-at, 2025

Atorfik una qinnuteqarfigiuk