Sulisoqarnermut Inatsisilerinermullu Immikkoortortaqarfimmi sulisunut siunnersorteqarfik allaffimmi pisortassarsiorpoq

Aningaasaqarnermut Sulisoqarnermullu Aqutsisoqarfik (ASA) allaffimmi pisortassamik ataatsikkut ataatsimoortumik takunnissinnaasumik aamma atorfinitsitsisarnermut suliassaqarfimmi sukumiisumik immikkuualuttunik suliaqartarsinnaasumik pissarsiorpoq. 

Allaffimmi pisortatut ASA-mi sulisunut siunnersortit taakkulu suliassanik suliarinnittarnerat, inatsisilerinermi allaffimmi pisortaq qanimut suleqatigalugu, pingaarnertut akisussaaffigissavatit.  Suliassat pillugit suleqatigiissinnaallusilu ataqatigiissaarisinnaassaasi, taakkununnga ilanngullugit suleriaatsinik aaqqissuussisinnaallusilu immikkoortortamik inerisaasinnaassaasi. Siulleq sulinngippat allaffimmi pisortap aappaata Sulisoqarnermi Inatsisilerinermilu aqutsinermi suliassat isumagissavai. Ingerlatsineq, pitsaassutsimik ineriartortitsinissamillu anguniagaqarneq, tassunga ilanngullugu Namminersorlutik Oqartussani immikkoortortaqarfiit immikkoortortallu tassunga atasutut atorfinitsitsisuusut suleqatigalugit  piffissaalluartillugu atorfinitsitsinermut isumaqatigiissutinik suliaqarnissaq qitiutinneqassapput.

Sulisoqarnermut Inatsisilerinermullu Immikkoortortaqarfimmi ullumikkut siunnersortit arfineq-pingasut kiisalu sulisoqarnermut inatsisilerituut tallimat, tamarmik immikkut allaffimmi pisortaqartut sulisuupput. Immikkoortortaqarfiit allat ASA-p iluaniittut avataaniittullu aaqqissuussaanikkut, suliassatigut ikorfartoqatigiinnikkullu qanimut suleqatigineqartarput, tamanna pillugu uani paasisaqarnerugit www.asa.gl

Immikkoortortaqarfimmi suliassat ilaatigut tassaapput:

• Atorfinitsitsinerni isumaqatigiissusiornerit akissarsiassanillu eqqortunik innersuussisarnerit

• Isumaqatigiissutinut atuuttut aamma Namminersorlutik Oqartussat qitiusumik allaffeqarfiannut taassumalu ataani immikkoortortaqarfinnut isumaqatigiissutinut tunngatillugit apeqqutit ilaannik suliaqarneq

• Sulinngiffeqarfissanik, atuuffiusussanik, ernisimasut nalunaarsorneqarnissaannik, nalliuttorsiornermik il. il. isumaginninneq 

• Suliunnaarnermik, nuussinernik assigisaannillu suliaqarneq

• Immikkoortortaqarfiit sulianut attuumassutilinnik suliaqarnerannut ikiuunnerit

Allaffimmi pisortap suliassai:

• Sulisunut siunnersortinik aqutsineq, tassunga ilanngullugu suliassanik isumaqatigiissutinillu piffissaagallartillugu agguaassineq, isumaginninneq pingaarnersiuinerlu

• Namminersorlutik Oqartussat kommunillu immikkoortortaqarfiini immikkoortortaqarfiullu iluani suleriaatsinik ataqatigiissaarinerit, pitsanngorsaanerit atortorissaarutitigullu ikorfartuinerit

• Sulisunut siunnersortinik aqutsisoqarfimmilu aqutsisunik allanik siunersiueqateqartarnerit

• Immikkoortortaqarfimmut attuumassuteqartunik aqutsisunut ilisimatitsisarnerit

• Allaffimmi inatsisilerituunut pisortaq suleqatigalugu suliassanik erseqqinnerusumik nassuiarneqarsimasunik ataqatigiissaarinissamut akisussaaneq

Ilinniakkatigut imatut tunngaveqarnissat naatsorsuutigaarput:

• Cand.jur/Cand.merc.jur-itut assigisaanilluunniit ilinniagaqarsimasutit

• Aqutsinerup tungaatigut uppernarsarneqarsinnaasumik soqutigisaqartutit imaluunnit misilittagaqartutit

• Inatsisit malillugit atorfinitsitsisarnernik sulisoqarnerlu pillugit inatsisilerinermik ukiuni arlalinni misilittagaqartutit

• Pisortat ingerlatsinerisa iluanni suliaqartarnermik ukiuni arlalinni misilittagaqartutit, Namminersorlutik Oqartussaniusinnaavoq

• Isumaqatiginninniartarnerit pillugit aaqqissussaanermik ilisimasaqartutit

• Kalaallisut danskisullu oqaatsitigut piginnaasaqartutit kiisalu kalaallit kulturiat aamma inuiaqatigiit kalaallit pillugit ilisimasaqartutit

Inuttut piginnaasatit makkununnga tunngappata pitsaanerpaassaaq:

• Tatiginartoq, ammasoq, kajumissaarisoq

• Peqatigiilersitsisumik suleqateqarsinnaanermik, ataqatigiissitsisinnaanermik oqaloqatigiissitsisinnaanermillu piginnaasaqarluartutit

• Suliniuteqallaqqissuusutit, qasujaatsuusutit sulianillu ingerlatsillaqqissuusutit

• Atuisut paasinnittariaasiat aallaavigalugu sullissisinnaasutit

• Eqaatsumik suleriaaseqartutit ulluinnarnilu allanngorartumi sulilluarsinnaasutit

Neqeroorutigivagut:

• Suliffeqarfik Qitiusumik Allaffeqarfissuarmi aamma pisortat suliffeqarfiini tamani ersarissoq.

• Suliffik erseqqissunik allannguutissatut anguniagalik aamma immikkoortortaqarfinnik sulisunilu ataasiakkaanik ineriartortitsinissamik qitiutitsisoq.

• Aqutsisoqatigiit aqutsisut ataasiakkaat ineriartortinneqarnissaannik qitiutitsisut aamma aaqqissuussaanermi assigiinngitsuni suliffeqarfimmi aqutsinissamut tunngavissamik atulersitsineq.

Atorfeqarnermi atugassarititaasut

Atorfik akissaateqarfimmi LR 36-p assingani maanna inissisimavoq.  Aningaasarsiat aalajangersimasunik aningaasarsianut ilallit LR 36-mi 1. april 2026-miit qaammammut 57.531 kr.-upput ukiumullu 690.372 kr.-ullutik.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Akissarsianut atorfeqartitaanermullu piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput. Naalagaaffimmi tjenestemand-it AC-tut isumaqatigiissutit arlalissuit naapertorlugit atorfillit, ilaatigut DJØF-ip Finansministeriallu akornanni isumaqatigiissutit naapertorlugit, Kalaallit Nunaanni Namminersorlutik Oqartussat ataanni atorfeqarnerminnut atatillugu aningaasarsiat pigiinnarlugit sulinngiffeqarallarsinnaatitaanermut pisinnaatitaaffeqarlutik. Aammattaaq Nunamut namminermut ministeriaqarfiup kommuninut nunallu immikkoortortaanut inassutigisimavaa, Kalaallit Nunaanni Namminersorlutik Oqartussat ataanni atorfinitsitaanerminnut atatillugu akissarsiaqaratik sulinngikkallarnissamut qinnuteqaateqartunut akuersaartumik pissusilersornissaq. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut katissimasaannut /aappaannut aamma atuupput.

Aallaavittut sapaatip akunneranut sulineq akunnernik 40-nik sivisussuseqarpoq, aamma ukiumut akunnerni 320-ini qaammatillu pingasuugaangata akunnerni 80-ini suliartoqquneqarsinnaaneq atorfininnermut attuumapput, ullullu sulinngiffiusussat annaaneqarsimasut ajunngitsorsiassaqarfiginissaat pillugu aalajangersakkat atuutinngillat. 

Inissaqarneq
Atorfimmut atatillugu sulisutut ineqarnissamut innersuussinertaqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq.
Sulisutut inigisaq atorfeqarnermut tunngasuuvoq, atorfeqarunnaarnermilu qimanneqartussaassalluni.

Qinnuteqarnissamut piffissarititaq atorfininnerlu

Qinnuteqaammik tunniussinissamut killigititaavoq ulloq 31. juli 2026.   Atorfinitsitsinissamut oqaloqateqarnissat sapaatip akunnerani 33-imi ingerlanneqarnissaat naatsorsuutigineqarpoq.

Atorfik pillugu itinerusumik paasisaqarusukkuit Allatseqarfiup pisortaa Rikke Frederiksen attavigisinnaavat, uku aqqutigalugit rifr@nanoq.gl imaluunniit oqarasuaat +299 346434 

Atorfininnissaq pissaaq ulloq 1. oktober 2026 imaluunniit isumaqatigiissuteqarnikkut.

Qinnuteqaat, imminut ilisaritinneq, CV, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.