Sulisoqarnermut siunnersorti

Sulisoqarnermut siunnersorti, Sulisoqarnermut ingerlatsivik – Nuuk

Royal Greenland-imi sulisoqarnermut immikkoortortaqarfimmi sulisoqarnermut tunngatillugu pingaarutilimmik kivitseqataanikkut, pisariitsumik aammalu suliamut tulluartumik suliffeqarfinni nunanilu assigiinngitsuni periuseqarnikkut sulisoqarnerup pitsaanerulernissaa anguniarlugu sinaakkutaleeqataagit.

Immikkoortortaqarfik

Sulisoqarnermut ingerlatsiviup qulakkeertarpaa sulisoqarnermut immikkoortortaqarfiup suliaqarfii aammalu suliffeqarfimmi aqutsisunut sulisunullu suliassat tunngasut tunngavissaqarluartumik akisussaassuseqartumillu nukittuumik isumannaassallugit.

Inuttassarsiuussinermut immikkoortortaqarfik aammalu Ingerlatsinermut immikkoortortaqarfik qanimut suleqatigalugit ingerlatsineq nukittorsartuarnissaa, inatsisinut maleruaaneq aammalu kisitsisit pingaarnerit atorlugit pitsanngorsaanerit pisariillisaanikkut assigiiaartumik Kalaallit Nunaanni suliaqarfinni qulakkeerneqarnissaat qitiutinneqassapput.

Ulapaartuaratt atorfimmut tulluartumik suleqatissatsinnik ujaasivungut.

AtorfikIngerlatsinermut immikkoortortaqarfimmi sulisoqarnermut siunnersortitut sulisunik aqutsineq, suliffeqarfimmi politikkit, sulisoqarnermut paasissutissat, aaqqissuussaanikkullu atortut akisussaaffigalugit sunniuteqarluartumik sulissaatit. Aqutsisunut aammalu sulisoqarnermut immikkoortortaqarfimmi suleqaternut siunnersortinngussaatit, paasissutissat pissarsiariuminartuunissaat aammalu aaqqissuussaalluakkamik, uppernarsalluakkamillu ingerlatitseqqiisinnaaneq torersumik suliffigissallugu.

Suliassat pingaarnerit

Sulisoqarnermut tunngasunik ilisimasaqarnerit misissueqqissaarsinnaanerillu ulluinnarni suleqatigiinnermi iluaqutigingaassavatit. Sulisoqarnermut immikkoortortaqarfiup nunat tamalaanni sulisunut aqutsisunullu tunngasut suliassat assigiinngiiaartut suliarisarpaat.

Akisussaaffissatit ukuussapput:

• Sulisoqarnermut immikkoortortaqarfimmi suliniutaasut aaqqissuusaanikkut pilersaarusiorneri, ilaatigut sinaakkutit aammalu periuutsit nutaat atuutsilerneri.
• Suliffeqarfiup iluani politikkinik, malittarisassanik najoqqutassianillu, soorlu isumaqatigiissutinik allakkanillu inatsisinut naapertuuttunik suliaqarneq, atuutitsineq nutartiterinerillu; aamma Sulisoqarnermut immikkoortortaqarfimmi ingerlatsinermi pisortat sulisullu e-mailikkut, oqarasuaatikkut inuttullu siunnersorlugit.
• Suliffeqarfinni paasissutissat tutsuiginartut tunngavilernissaat, paasissutissallu pissarsiarineqarsinnaanerat qulakkeerniarlugu sulisoqarnermut tunngasunik atortorissaarutit pitsanngorsarlugit aserfallatsaaliorlugillu, kiisalu atortorissaarutinut ataqatigiissaarinerit pitsaasut tulluartullu qulakkeerniarlugit, assersuutigalugu nunarsuaq tamakkerlugu sulisoqarnermut tunngasunik kisitsisinik pingaarutilinnik nalunaarusiorneq
• Akissarsiat akileraarutillu naleqqussassavatit aamma pisortat sulisoqarnermullu tunngasunik suliaqartut suleqatigalugit isumaqatigiissutinik isumaqatiginninniarnerni ikiuuttassaatit. Ukiumoortumik piareersarnerit akissarsianik akileraarutinillu nalimmassaanerit.
• Immikkoortortaqarfinni aqutsisut sulisunik atorfinititsinermi ikiortassavatit.
• Sulisoqarnermut immikkoortortaqarfiup suliffeqarfik tamakkerlugu suliniutai peqataaffigisassavatit.

Kinaassutsit

Suliassat eqqaaneqareersut ilarpassui sulisunik aqutsinermik ilisimasaqarluartariaqarnermik piumasaqarfiupput — annertuumik aamma annikitsualuit tamaasa maluginiarsinnaasariaqarnerannik. Taamaattumik sulisoqarnermut tunngasunik ilinniagaqarsimasariaqarputit (bacheloritut kandidatitullu ilinniagaqarneq) imaluunniit tamatumunnga assingusumik misilittagaqartariaqarlutit – suliffimmi tamatumunnga assingusumi

Illit:

Nammineerlutit suliassatit naammassillugit sulisinnaassaatit, pisariaqaraangallu suleqatit suliamut tunngatillugu attuumassuteqartut peqataatittassuatit.

• Isumassarsianik pitsaasunik aaqqissuussinikkut paasiuminartumik piviusunngortitsisinnaaneq aammalu sulisoqarnermut immikkoortortaqarfimmi, Kalaallit Nunaannilu suliffeqarfik tamakkerlugu – pisariaqartinneqarpallu nunat tamalaani suliniutinik atuutitsilersinnaaneq.
• Sulilluarsinnaallutillu suleqatitit tapersersoqatigiinnikkut nukissaqalersittarpaatit
• Pissutsinik ilisimmaarinnilluartuuneq, najuussinnaaneq, piareersimajuarneq aammalu saaffigiuminartuuneq inuttut pingaatit.
• Immikkoortortaqarfimmi ingerlatsilluarsinnaaneq ineriartortitsisinnaanerlu, sulianik tulleriiaarisinnaaneq suliassanillu arlalinnik ataqatigiissaarisinnaanermik piginnaaneqarneq
• Sulisoqarnermut immikkoortortaqarfimmiik periutsit paasissutissallu paasiuminartut naleqarnerulersitsisullu ineriartortillugit aaqqissuussaasumik suliffeqarfiup iluani atuutsilersinnaallugit aammalu misissueqqissaarnikkut sulilluarsinnaaneq
• Isumalluartuuneq, siulliulluni iliuuseqarneq aaqqiissutissanillu ujartuisinnaaneq — isumassarsiamit atuutilersinneqarnissaanut tamanut piginneqataallunilu akisussaasuuneq
• Microsoftip programmiinik, ilaatigut Excelimik, misilittagaqarluarpoq IT-mullu tunngasunik nalinginnaasumik ilisimasaqarluni
• Tuluttut qallunaatullu qaffasissumik allannikkut aammalu oqalussinnaanikkut pinginnaasaqarluartuuneq, aammalu kalaallisut pitsaasumik attaveqarluarsinnaneq
• Sulisoqarnermut immikoortortaqarfimmi ineriartornikkut pisunullu malinnaalluarsinnaaneq

Neqeroorutigaarput

• Sulisoqarnermut immikkoortortaqarfimmi suleqataasuni pimoorussisuni qitiusumik inissisimaffik, nunami maani nunanilu allani siuariartornermut iliuutsinullu sunniuteqarnissamut periarfissaqarneq
• Qanimut immikkoortortaqarfiit tamaasa suliffeqarfiup iluani attaveqatigiilluarnikkut sunniuteqarluartuunikkullu suleqatigisinnaaneri

Paasissutissat

• Suliffiuk sumiiffia: Nuuk
• Attavissaq: Sulisoqarnermut immikkoortortaqarfimmi aqutsisoq

Sulisoqarnermut aqutsinerup pisariillisarnissaanut naleqarnerulersitsinissamullu piareersimavit?Sulisunik sullissinermi immikkoortortaqarfiup pingaarnersaanni pitsanngorsaanikkut ineriartortitseqataaneq aammalu suliassanut tunngatillugu ataatsimut isingalugu anikitsuaqqanik isiginnissinnaanguit, qinnuteqaatit piaarnerpaamik nassiuguk. Qinnuteqaatit tamaasa nassiunneqartut nalilersortarpavut, atorfinititsinerlu pisarpoq inummik tulluartumik nassaarsimaleriaraangatta. Qinnuteqaatit tingunissaanut qilanaarpungut.

Apeqqutissaqarpit?

Atorfik pillungu apeqqutissaqaruit, sulisoqarnermut immikkoortortaqarfimmi aqutsisuusoq, Kamomilla Rasmussen kara@royalgreenland.com imaluunniit sulisoqarnermut siunnersorti, Hans Rasmussen hara@royalgreenland.com. aqqutigalugit attaveqarit.

Royal Greenland-imi Sulisoqarnermut immikkoortortaqarfik – Kalaallit Nunaanni aammalu nunat tamalaani

Royal Greenland suliffeqarfiuvoq nunarsuaq tamakkerlugu ingerlasoq Nuummi qullersaqarfeqartoq 2.200-llu missaannik allaffinni, fabrikkini, tuniniaasarfinnilu Kalaallit Nunaanni, Europami, Asiami Amerikamilu Avannarlermi suliffissuarni sulisulik. Sulisoqarnermut immikkoortortaqarfik suliffeqarfimmi pilersaarusiornikkut periuutitsigut suliniuteqarnikkut pingaaruteqarluinnartumik inissisimavoq, immikkoortortaqarfinnilu sinaakkutaliussat pisariitsumik aammalu naleqartitsinerulersumik atuutsilertinnissai tunngavilersuinikkut isumannaassallugit akisussaasuulluni. Sulisoqarnermut immikoortortaqarfik ullumikkut pingasunik pingaarnertut suliaqarfeqarpoq; Sulisoqarnermut ingerlatsivik (Sulisoqarnermut immikkoortortaqarfik, aningaasarsialerivimmi/atorfinititsinermilu immikkoortortaqarfimmi qulaaluanik sulisoqarpoq) Sulisoqarnermut ingerlatsinermi aqutsinermi immikkoortortaqarfik qulaaluanik sulisoqarpoq aammalu Sulisoqarnermut ineriartortitsinermi immikoortortaqarfik arfineq marlunnik sulisoqarpoq. Sulisoqarnermut ingerlatsinermi immikkoortortaqarfiup akisussaaffigaa sulisoqarnermut tunngatillugu immikkoortortaqarfiit aammalu aqutsisut sulisullu tunngavissaqarluartumik sullissallugit. Qitiutipparput suliffeqarfimmi ingerlatsineq isumannaassallugu, saniatigullu sulinitaasunik pilersitsinikkut piviusunngortitsineq, pisariillisaanikkut pitsanngorsaaneq aqqutigalugu.

Sulisoqarnermut immikkoortortaqarfimmi suleriuserput:Royal Greenlandimi sulisoqarnermut immikkoortortaqarfimmi sulisut aalisakkerinermiit tuniniaanermut tunngasunik suliaqarput, suliffiullu ataqqeqatigiinnermik, tatigeqatigiinnermik kajumissusermillu ilisarnaateqarnissaa sulissutigiuarlutigu. Kalaallit Nunaanni suliffeqarnitsinnik nunarsuarmut tamanut sunniuteqarluartumik isiginnittaaseqarluta sulisutta ingerlalluarnissaannik, ineriartornissaata sulisoqarnermilu periutsit atortullu pisariitsullu atorlugit suliaminnik naammassinnissinnaanissaat qulakkeertarparput. Suliffeqarfik piorsarsimassutsikkut nukittooq pilersinniarlugu suliffeqarfik kajungernartoq, qanimut aqutsisut sulisullu suleqatigalugit nunat tamalaat ilanngullugit pilersinnissaa suliniutigiuarpaat.

Atorfik una qinnuteqarfigiuk