Sulisoqarnermut siunnersorti

Nunatsinni attaveqaasersuutit pingaarutillit pillugit suliffeqarfiusumi inuit aqutsisullu sullisseqataaffigerusuppigit suleriutsillu ingerlanneqartarnerinut tapertaallutit?Suleqatitsialapput Nuup avataani nutaanik unammilligassaminik misileerusulluni suliunnaartussanngorpoq, taamaattumillu HR-imi siunnersortimik pikkorissumik suliassaqarfitta iluani periusissiornermut ulluinnarnilu niuernikkut ingerlatsinermik tunniussaqarsinnaasumik pissarsiorpugut.

Uagut pilluta: 

Royal Arctic Linep allaffeqarfiani Nuummiittumi suleqatitaarigutsigut suliffeqarnermut tunngasunik sulialinnut tunniusimasunut akuulissaatit. Immikkoortortaqarfipput qaffasissumik piginnaaneqarfiusumik ingerlavoq suliallu qaffasissumik pitsaassusilimmik ingerlanneqartarlutik, taamaattorli aamma qiimaneq suleqatigiinnerlu pitsaasoq pingaartitaraavut. Inuttut suleqatitullu ilorrisimaarfiusumik sulinermi atugaqarnissat pingaartitaraarput. Immikkoortortaqarfitsinni anguniakkatit tassaapputtaaq ataatsimoorluta anguniakkavut. Ikioqatigiinneq tunngavigalugu sulisarpugut, tamannalu aamma iluatsilluartumik angusaqarnissamut pitsanngoriartuinnartumillu ineriartorfiusumik ingerlanissatsinnut aqqutissaasutut isigaarput.

Atorfik pillugu 

HR-imi siunnersortitut peqatigaluta aaqqiissutissat qaffasissumik pitsaassusillit atorlugit suliffeqarfiup immikkoortortaqarfiisa iluini tamani ingerlanneqarnissaat qulakkeerinneqataaffigissavatit. Ulluinnarni sulinermi suliassat pissanganartut suliarisassavatit taamatuttaarlu immikkoortortaqarfitsinni suliffeqarfiullu iluani tamakkiisumik ineriartortitseqataaneq peqataaffigalugu. HR-ip ingerlatseriaasiani suleriutsit peqataaffigalugillu tapersersimallugit suliassanik ingerlatseqataalissaatit.

Suliassatit makkuninnga ilaqassapput 

• Siunnersuinerit suliffeqarfimmilu aqutsisunut suliat pillugit avitseqatigiissutiginnittarnerit
• Periusissiatsinnut atasunik suliniutinik ineriartortitsinernillu suleqataanerit
• Iliuuserisassanik piviusunngortitseqataanernut peqataanerit aammalu ataavartumik suleriutsinik pitsanngorsaaqataanerit. 
• Suliffeqarfiup ilorrisimaarfiunissaanik pitsanngorsaataasussanik iliuusissanik ingerlatseqataanerit, matumani APV-mik aamma MTU-mik misissuinernik suliaqarnerit
• Ulluinnarni HR-imut saaffiginnissutinik suliaqarnerit

Illit pillutit 

Aaqqissuussaalluartumik suleriuseqassaatit, suleqatiginnissuseqarlutit suliffeqarfimmilu HR-ip pingaarutilimmik atuuffeqarnerani niuerneq inuillu atassusersinnaallugit kiisalu ulluinnarni sulinermi suliassat nalinginnaasuniit ineriartortitassanut peqataaffigisinnaallugit.

Naatsorsuutigaarput: 

• HR-ip iluani, suliffeqarfiit aaqqissuussaanerannik, allaffissornermik assingusumilluunniit ilinniagaqassasutit. 
• Suliassat nutaat ajornakusoorsinnaasullu pitsaasumik periuseqarfigisinnaassagitit 
• Sulinermi inatsisinik, isumaqatigiissutinik imaluunniit systeminik ilisimasaqassasutit. 
• Erseqqissumk attaveqariuseqassasutit suliffeqarfiillu iluani pitsaasumik atassuteqarsinnaassusermik pilersitseqataallutit.
• Siumut eqqarsartoq nammineersinnaassusilik, suleqatigiinnili aamma avitseqatigiinnerni ataqatigiissumillu kivitseqatigiissinnaanerni peqataalluarsinnaasoq.

Suut naatsorsuutigisinnaavigit? 

Suliffeqarfik suleqatigiillu pitsaasumik ataatsimoortumillu ingerlariuseqarsinnaanerminnik, suliffeqarfimmilu ilikkagaqarfiusumik avatangiiseqarsinnaanermik pingaartitsisut. Suliffeqarfik illit iluatsinnissannik aamma pingaartitsisoq piginnaaninnillu ineriartortitseqqittussaq. Neqeroorutigaavuttaaq:

• Piffissaq suliffiusoq kippaarissuunngitsoq, suliffimmi inuttullu atukkani oqimaaqatigiissumik attassinissamik ukkassineq
• Aningaasarsiat pitsaasut ajunngitsorsiassallu misilittakkannut piginnaasaqarninnullu naleqquttut
• Suleqatigiit ataqatigiissut suliffitsialallu

Oqaloqatiginninnerit

Oqaloqatiginninnerit ataavartumik eqqortumillu nassaarnissatta tungaanut ingerlanneqassapput.

Soqutiginnippit? 

Qinnuteqaatit CV-llu kingusinnerpaamik apriilip 26-anni 2026 nassiukkit. 

Atorfik pillugu apeqqutissaqassaguit Teamlead People Operationsimi Karl-Peter Kristensen saaffigisinnaavat +299223933