Sulisoqarnermut siunnersorti

HR-mi allaffissornikkut ingerlatsinerup pitsaasuunissaanik qulakkeerinninnissamut aammalu Royal Arctic Linemi suliffeqarfimmik tapersersuinissamut peqataarusuppit?

Misilittagalimmik tunniusimasumillu HR-konsulentissarsiorpugut, aqutsisunik suleqateqarnissamik nuannarisaqartumik aammalu suliffeqarfiup ingerlatsineranut qanittumik naleqalersitsisinnaasumik.

Uagut pilluta

Royal Arctic Linemi Nuummi qullersaqarfimmi HR-imi suleqataalissaatit. Suleqatigiit pikkorissut ilagilissavatit, ullormut ingerlatsineq aammalu inuit, aqutsineq suliffeqarfillu pillugit ineriartortitsineq eqqarsaatigalugit suliffeqarfiup aqutsisuinik qanittumik suleqateqartut. Akornatsinni siunnersoqatigiittarneq, ilisimasanik avitseqatigiittarneq suleqatigiittarnerlu ulluinnarni atorluartarpagut.

Atorfik pillugu

HR-imi misilittagalimmik inuttut ammasumik pissusilimmik ujartuivugut, aqutsisunik sulisunillu qanittumik suleqateqarnermik nuannarisaqartumik. Suliffeqarfiup aqutsisuinut pingaarutilimmik siunnersortitut inissisimassaatit kiisalu HR-ip allaffissornikkut ingerlatsinerani pingaarutilimmik inissisimassallutit.

Suliassat ilaatigut makkuussapput:

• Sulisup atorfeqarnerata ingerlanerani tamakkerlugu suliassanik peqataaffiginninneq.

• Aqutsisunik siunnersuineq.

• Workshopinik, saqqummiussinernik aammalu HR-imut tunngasunik ataatsimiititsinernik ingerlatsisarnissaq.

• Sulisut akornanni naammagisimaarinninnermik misissuinerit aammalu APV-mik ingerlatsinerit pilersaarusiornerinut naammassinerinullu peqataaneq.

• HR-ip allaffissornikkut suleriaasiinik aammalu ingerlatseriaasianik ineriartortitsinermut pitsanngorsaanermullu peqataaneq.

Illit pillutit

HR-konsulentitut misilittagaqarputit aammalu suliffeqarfiup ingerlatsineranut qanittumik sulinissaq nuannaralugu. Attaveqaatinik pitsaasunik pilersitsisinnaavutit, aqutsisunik siunnersuisinnaallutit aammalu HR pillugu paasissutissiinerit suliffeqarfimmut naleqalersillugit ingerlassinnaallugit. Workshopinik, ataatsimiinnernik saqqummiussinernillu aqutsinissat toqqissisimaffigaatit aammalu suliassat isumassarsiamit piviusunngortinneqarnissaasa tungaanut akisussaaffigisarpatit.

Naatsorsuutigaarput:

• HR, aaqqissuussaanermut imaluunniit assingusumut tunngatillugu naleqquttumik ingerlaqqiffiusumik ilinniagaqarsimassasutit.

• HR-konsulentitut imaluunniit assingusumik suliaqarsimanermik misilittagaqassasutit.

• HR-systeminik atuisinnaalluartuuvutit misilittagaqarlutillu

• Aqutsisunik siunnersuinermik sparringeqartitsinermillu misilittagaqassasutit.

• Paasissutissanik ingerlatitseqqiilluarsinnaassasutit, workshopinik saqqummiussinernillu aqutsilluarsinnaassasutit aammalu suliffeqarfimmi tamarmi pitsaasunik suleqatigiinnermik pilersitsisinnaassasutit.

• Namminersorlutit sulisinnaassasutit, nammineq suliniuteqartarlutit aammalu suliassat aallartinneqarnerminniit naammassinissaasa tungaanut ingerlatittarlugit.

Uagutsinnit suna naatsorsuutigisinnaaviuk?

Royal Arctic Linemi inuit suliffeqarfillu pillugit pitsaasumik sunniuteqarnissamut periarfissaqassaatit. Suleqatigiit pikkorissut akornanniilissaatit, siunnersoqatigiinnissamut, ineriartornissamut aammalu akisussaaffimmik tigusinissamut pitsaasunik periarfissaqarluni.

Neqeroorutigaavut:

• Suliffeqarfimmi inuttullu ineriartornissamut periarfissat pitsaasut.

• Sulinermut piffissat eqaatsut.

• Akissarsiat atorfinitsitaanermilu atugassarititaasut piginnaasatit misilittakkatillu naapertorlugit.

Oqaloqatiginninnerit

Piukkunnaatillit ingerlaavartumik oqaloqatigisassavagut, piukkunnarnerpaamillu utaqqisinnaalluta.

Soqutiginnippit?

Atorfik pillugu apeqqutissaqaruit Teamleder Karl-Peter Kristensen attavigisinnaavat, oqarasuaat +299 34 91 09.