FAKTA
Atorfiup suussusaa: Sulisoqarnermut tunngasunik suliaqartussamik Siunnersorti
Suliffeqarfik: Pinngortitamut Avatangiisinullu Naalakkersuisoqarfik / Kiffartuussinermut, Aningaasaqarnermut Sulisoqarnermullu Immikkoortortaqarfik
Qinnuteqarfissamut killigititaq: 26. maaji
Attavissaq: Paninnguaq Kristiansen oqarasuaatikkut 345416.
Pinngortitamut Avatangiisinullu Naalakkersuisoqarfimmi/Sullissinermut, Aningaasaqarnermut Sulisoqarnermullu immikkoortortami sulisoqarnermut tunngasunik suliaqartussamik siunnersorti
Sullarissuuit ataatsikkut arlalinnik suliaqarnermik inuppassuarnillu assigiinngitsunik suleqateqarnissamik nuannarisalik? Taava Pinngortitamut Avatangiisinullu Naalakkersuisoqarfimmi, tassungalu ilanngullugu Sullissinermut, Aningaasaqarnermut Sulisoqarnermullu immikkoortortami siunnersortinngornissannut periarfissaqarputit, tassanilu ilaatigut suliarissallugit atorfinitsitsinerni suliunnaartoqarneranilu sullissinerit, nutsikkat pitsaassusaannik qulakkeerinninnerit kiisalu aningaasaqarnikkut sulisunullu tunngatillugu allaffissornikkut sullissinerit.
Uagut tassaavugut:
Pinngortitamut Avatangiisinullu Naalakkersuisoqarfik tassaavoq Naalakkersuisoqarfik pingasunik immikkoortortalik ataatsimillu aqutsisoqarfilik. Suliffeqarfik tassaavoq inunnik assigiinngissitaartunik piginnaasanillu assigiinngitsunik sulisulik. Sullissinermut, Aningaasaqarnermut Sulisoqarnermullu immikkoortortami inissisimassaatit.
Sullissinermut, Aningaasaqarnermut Sulisoqarnermullu immikkoortortami atorfinitsitsinerit, suliunnaarsitsinerit, aningaasaqarnerup, pitsaassutsimik qulakkeerinninnerup kiisalu inuttut ineriartornerup iluani siammasissumik suleriaaseqarpugut.
Suliffik tassaavoq:
Immikkoortortami Naalakkersuisoqarfiup allaffissornerup ulluinnarni ingerlanneqarneranik politikkimilu pingaartitanik sullissiffiullunilu kivitsiffiusumi suleqataassaatit. Suliffeqarfimmut suleqatitsialannik sulisulimmut, sulisut akornanni persuarsiorpalaartumik pissusilersorfiusuunngitsumut aammalu sulinerup nalaani atugarissarititaasunut inuttullu ineriartornissamik pingaartitsiffiusumut akuulissaatit.
Suliassavit annertunersaat tassaassaaq sulisoqarnermut ingerlatsivimmi sulisunik ataasiakkaanik sullissiffiusoq. Taamaattorli immikkoortortanit allanit suliat akimorlugit suleqateqartarnissaq naatsorsuutigineqassaaq assersuutigalugu sulinngiffeqarnerit nalaanni, immikkoortortani sulianut ingerlasunut ikiuuttarnissaq naatsorsuutigineqassaaq.
Ilinnut tunngasut:
Naleqquttumik ilinniagaqassaatit, assersuutigalugu atorfinitsitsisarnernut piumasaqaatit tunngaviusut iluanni, AU-mi akademikeritut ilinniagaqarneq imaluunniit TNI-mi ilinniagaqarneq.
Pisortat suliffeqarfiini sulisoqarnerup / HR-ip iluani sulinermik misilittagaqarneq iluaqutaassaaq, ilinniartinneqarnenissarli periarfissaassaaq.
Pitsaassutsimik qulakkeerinninnermik pikkoriffeqassaatit ajornanngippallu kalaallisut qallunaatullu allakkianik pitsaassutsimik qulakkeerinninneq.
Namminersullaqqittuussaatit namminerlu iliuuseqarnissamut piumassuseqassallutit.
Pisussaaffeqarnermik piginnaneqassaatit aalajaatsuussallutillu.
Sulianut tunngatillugu aalajaatsuussaatit, piffissanillu killiliussanik eqquutitsillaqqissuussaatit.
Akisussaaffimmik tigusinissat tunuarsimaarfiginagu allat isumasiorsinnaasassavatit.
Suliassat naammassiniarnissaannut akisussaassutsimik annertuumik takutitsisinnaassaatit.
Eqqissisimasuussaatit piffissallu ilaanni ulapaartarnissaq piareersimaffigalugu.
Suliassat assigiinngitsut takkussuuttut isumaginissaat piareersimaffigissavat aamma qarasaasiatigut suliakkiissutaasunut tunngassuteqartunut
Akuersaartumik isiginnittaaseqassaatit.
Kalaallisut qallunaatullu oqaaseqassaatit.
Tamatuma saniatigut naatsorsuutigaarput sullissilluarnissaq siunertaralugu piukkunnartuusutit, sungiussiasoq kiisalu suliassanut nutaanut paasinnillaqqissoq paatsiveerutiasuunngitsorlu.
Akissarsianut atorfininnermilu atugassarititaasut
Akissarsianut atorfininnermilu atugassarititanut tunngasut, tassunga ilaalluni atorfininnermut soraarnermullu atatillugu angalanerit, atorfininnerup nalaani Namminersorlutik Oqartussat Kattuffiullu Isumaqatiginninniarsinnaatitaasup akornanni isumaqatigiissutaasut naapertorlugit aalajangersarneqassapput.
Ineqartitsineq
Atorfimmut atatillugu sulisunut inissiamik neqerooruteqartoqassanngilaq. Qinnuteqartup Namminersorlutik Oqartussani atorfeqarnerminut atatillugu sulisunut inissiami najugaqareersimaguni sulisumut inissiamut innersuunneqarsinnaatitaaneq pigiinnassavaa. Sulisunut inissiaq atorfeqarnermut atasuuvoq, atorfeqarnerullu naanerani qimanneqassalluni.
Annertunerusumik paasisaqarusuppit?
Atorfik pillugu annertunerusumik paasisaqarusukkuit Pisortap tullersortaa Paninnguaq Kristiansen-ip oqarasuaat 345416 atorlugu attaviginissaanut tikilluaqquatsigit.
Kalaallit Nunaanni Namminersorlutik Oqartussat pillugit annertunerusumik paasisaqarusukkuit tamanna uani atuarsinnaavat: www.naalakkersuisut.gl
Qinnuteqaat paasissutissanik CV-mik, soraarummeernermi allagartanik il.il. ilalik uani quppernermi nassitsivissaq atorlugu nassiunneqassaaq.
Qinnuteqarnissamut killiliussaq
Qinnuteqaat paasissutissanik, soraarummeernermilu allagartat assilinerinik ilalik uani quppernermi nassitsivissakkut nassiunneqassaaq kingusinnerpaamik 26.05.2025
Qinnuteqaat paasissutissanik kiisalu soraarummeernermi pikkorissarnernilu allagartat assilinerinik paasissutissanillu naleqquttunik allanik ilalik “Qinnuteqaat nassiuguk” toorlugu nassiutikkit.
Qinnuteqaatinik e-mail aqqutigalugu tigusineq ajorpugut.
Qinnuteqaat nassiuguk
