Sullissinermut Katsorsaanermullu immikkoortortami pisortaq

Ingerlatsivik: MI- siusinaartumik sullissivikSuliffiup sumiiffia: Siunnersuinermut Ilaqutariinnermullu Katsorsaanermut Sullissivik

Meeqqat ilaqutariillu sullinneqarnissaannut siuttoorusuppit? Immikkoortortami psykologit katsorsaasullu sullissinissaminnut tunniussimalluartut meeqqanut ilaqutariinnullu, taakkununnga pitsaasumik atugassaqartitsilerusullutik ullut tamaasa anguniagaqartut suleqatigissavatit.

Sullissinermut Katsorsaarnermullu immikkoortortaqarfik inerisaalluarusuttumik pitsaasumillu sullisserusuttumik pisortassarsiorpoq, taanna suliffiup suliffigiuminarnissaanut nukittorsaassaaq, immikkoortortat allat suleqatigalugit inerisaassalluni aamma sukumiisumik sullissinermik pitsanngorsaaqataassussamik.

Atorfik pillugu:

Immikkoortortamut ulluinnarni ingerlatsineq akisussaaffigissavat, aamma Sullissinermut Katsorsaanermullu imikkoortortaqarfik aqussavat ineriartortillugulu. Immikkoortortami pisortatut Siunnersuinermut Ilaqutariinnermullu Katsorsaanermut Sullissivimmi aqutsisut ilaattut qitiussaatit psykologit pisortaat aamma suliassanut pisortaq, fagchef, suliassanut ataatsimoortumik sammiveqartitsissaasi, immikkoortortaqarfiit assigiinngitsut suliaat tunngavigalugit

Sulisut arfineq marluk akisussaaffigissavatit – suleqatigiit nukissaqarluartut tassaasut psykologit aamma katsorsaasut - suliffiup pitsaasumik avatangiiseqarnissaanut toqqissisimanartuunissaanullu sulissuteqassaatit, suliffimmi atugarissaarnissaq ukkatarissallugu, sulianut tunngatillugu siunersiueqatigisagaqarnissaannik sulissuteqassallutit, aamma suliat pitsaasumik inerneqarnissaannut anguniagaqartoqartassalluni.

Pingaarnertut suliassatit tassaassapput:

∙Sullissinermut Katsorsaanermullu immikkoortortamik aqutsisuullutillu ineriartortitsineq, suliassanik agguataarineq suliassanillu ataqatigiissaarineq

∙Suliassatut innersuunneqartut suleqatigiissutigalugit sulianik qulakkeerinninneq suliassatullu innersuunneqartut

∙Missingersuutinut akisussaasuullutit, aningaasanik atuineq nakkutigalugu psykologit pisortaat suleqatigalugu nalunaarusiortoqartassallusi

∙Sulianut erseqqissumik ineriartortitseqataassaatit immikkoortortamilu aaqqissuulluakkamik ataatsimiititsisassallutit

∙Immikkoortortat allat suleqatigalugit sullissiviup immikkoortortaannik nukittorsaaneq immikkoortortat ilisimasaannik avitseqateqartarnissaq

∙Pitsaassummik qulakkeerinninneq, sullissinermik ineriartortitsineq periuutsinik nutaanik atuutsitsilerluni

∙Sulisut ineriartortinneqarnissaannut oqaloqatiginnittarneq, MUS, sulisut piginnaasaasa ineriartortinneqarnerinut ikorfartuineq

∙Sulisut ineriartortinneqarnerinut aamma suleriaasiinut, soorlu pikkorissartitsarnikkut, ineriartortitsinermut siunnersorti suleqatigalugu, ineriartortitsineq

∙Sulisut atugarissarnissaannut akisussaassuseqartoq, suliarpassuaqarsinnaaneq aamma suliassanik agguataarineq, sulisunut psykologillu pisortaannut akunnermiliuttartussaasinnaasoq

∙Ataatsimiinnernut saqqummiusseqataasartoq, immikkoortortat allat sulisullu allanik sulisut suleqatigalugit ineriartortitsineq aamma anguniaqarluni suliaqarneq

∙Oqartussat sulianut killiffigineqartut pillugit ataatsimeeqateqartarneq

Sulisinniagarput tassaavoq:

∙Pyskologitut imaluunniit katsorsaasutut ilinniarsimasoq – ilinniakkani ilallugit perorsaanermut inunnulluunniit isumaginninnermut tunngasunik Ilinniaqqissinnaasimasoq

∙Aqutsisutut misilittagaqarluartoq aamma meeqqanut ilaqutariinnullu sullissinermik ineriartortitseqataasoq. Sulianik ataqatigiissaarisutut misilittagalik. Pisortani namminersortuniluunniit aqutsisutut aamma misilittagaqartuunissaq

∙Sulisut suliassaminnut nukissaqarluartut aqutsisuuffigalugit suleqatigiinnissamullu tunngavilersuisinnaasoq, suliffigisaallunilu sulianik pitsaasunik sullissisinnaasoq

∙Ataqqinnippaluttumik aamma akuutitsiniartuusutut aqutsisuusoq, attaviginnillaqqissuulluni aamma erseqqissunik sammiviliiniartuussaaq

∙Suliffiup pitsaasumik avatangiiseqarnissaa qulakkiissallugu, sulisut suliffigissaarnissaat anguniarlugu, allallu kissalaartumik saaffigisassallugit, inuit misigissusaannik paasinnittuulluni aamma ataqqinnittuulluni

∙Ineriartortitserusuttoq, nukissaqarluartoq aaqqiissutissanillu ukkataqartartoq - suliassat pillugit aaqqissuussiniartoq, taakkulu timitalissallugit pingaartitsisoq

∙Suliassat tamaasa ilisimaareqqissarai, immikkoortortat allat suleqatiginerisa nukittorsarnissaannut piumassuseqartoq, aamma sullivimmi ataatsimut kultureqarnissamut nukittorsaaqataarusuttoq

∙Suleriallaqqissoq, allannguinissamut piareersimasoq aamma allanik isumassarsiullaqqissoq

∙Kalaallisut qallunaatullu oqalussinnaaguit iluaqutigissavat, piumasaqaataanngilarli

Neqeroorutigaarput:

∙Sullissivimmi pisortatut atorfik siunertaqarluarluni isumaqarluartoq pissanganarlunilu, inuiaqatigiinnut isumalerujussuaq

∙Suleqatigiit nukissallit, suleqatit tunniusimasut aamma suleqatigiinnissamut pitsaassutimillu ukkatarinnittut

∙Suleriaatsinut katsorsariaatsinullu sunniinissaminut periarfissaqartoq, suliffimmi susoqartuartumi

∙Aqutsisoqatigiit, tatiginneqatigiinnermik, siunersiueqatigiittarnermik aamma ataatsimut akisussaaffeqarnissamik pingaartitsisorujussuit

Atorfeqarnermi atugassarititaasut

Atorfininnermut isumaqatigiissutit naapertorlugit aamma isumaqatigiissutit tunngavigalugit aningaasarsiaqartitsisoqassaaq atorfeqarnermilu atugassarititaasut tunngavigalugit atorfeqartitsisoqassalluni.

Pisortarineqartussaq: psykologit pisortaat, chefpsykolog

Suliamut tunngasunik attavigineqartussaq: Siusinaartumik sullissivimmi fagchefi

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef-i Maliina Junge Jørgensen, oqarasuaat +299 52 32 86 imaluunniit e-mail: mjuj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1171-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 1.-at, 2025

Atorfik una qinnuteqarfigiuk