Sullitanik Ikiuisartumik Nuummi suleqatissarsiorpugut
Nuummi suleqatigiinnut Sullitanik Ikiusartumik inussiarnersumik kiffartuussillaqqissumillu pissarsiorpugut.
Saaffiginnittunik sullissivik Royal Arctic Linemi pingaarutilimmik inissisimavoq – sullitatta sukkasuumik, eqqortumik inussiarnersumillu sullinneqarnissaat qulakkeertarparput.
Nuummi suleqatigiinni suleqataalernissannut maanna periarfissaqalerputit, tassanilu ulluinnarni sulinermi pissanganartunik assigiinngisitaartunillu suliaqassaatit.
Uagut pilluta
Sullitat Royal Arctic Linemut saaffiginninnerminni siulliulluta attaveqarfigisarpaatigut – nassiussallu tamarluinnarmik pissusissamisut ingerlanneqarnissaat isumagisarparput.
Nunarput tamakkerlugu sullitavut inniminniinermik, ilitsersuinermik assartuussinermillu ikiortarpugut, qungujulaarlutalu suliassavut ingerlattarpagut.
Suliassatit pingaarnerit tassaapput:
Usissanik inniminniinerni sullitanik ikiuineq
Assartuineq, malittarisassat, akit assartuinermullu periarfissat pillugit ilitsersuineq
Akiligassiissutinik isumaginninneq eqqortumillu uppernarsaasiortoqarnissaanik qulakkeerinninneq
Oqarasuaatikkut mailikkullu saaffiginnissutinut akissutit
Assartuinermut akinik naatsorsuineq
Sullitanik kiffartuussinermik pitsaasumik suliatigullu pikkorissuseqartumik tunniussaqarnissamut suleqataaneq
Kinaavit?
Inussiarnersumik, akisussaassusermik pingaartitsisumik allanillu ikiuinermik nuannarisalimmik suleqatissarsiorpugut.
Sullitanik kiffartuussineq, allaffimmi imaluunniit pisiniarfimmi sulineq, assartuineq assigisaalluunniit misilittagaqarfigisinnaavatit – ilinniarusussuseqarnissalli sullitatsinnullu allanngueqataarussuseqarnissat pingaarnerpaavoq.
Suleqatissarput ima takorloorparput:
Kiffartuussillaqqissoq
Namminersorluni sulisinnaasoq ataatsimullu isiginnissinnaalluartuulluni, aamma ulapiffiusumi
Immikkuualuttunik isumaginnissinnaasoq aaqqissuulluakkamillu suleriaaseqartoq
IT atuisutut paasisimasalik
Kalaallisut danskisullu attaveqaqateqarsinnaasoq – tuluttoorsinnaaneq aamma iluaqutaassaaq
Neqeroorutigisagut
Royal Arctic Linemi pissanganartumik atorfeqalissaatit suliarisartakkavit allanngueqataanerat malugineqarsinnaasarluni – suleqatitsinni aammalu inuiaqatigiinnut atassuteqarnitsinnut.
Neqeroorutigaagut:
Suliffeqarfik allanngorarfiusoq, suleqatit tunniusimasut unammilligassallu pissanganartut.
Akissarsiat unammillersinnaassuteqartut, piginnaaneqarfigisannut naapertuuttut.
Inuttut suliatigullu ineriartornissamut periarfissat pitsaasut.
Suleqatigilernissatsinnut piareersimavit?
Atorfik pillugu paasisaqarnerorusukkuit Kiffartuussinermi Aqutsisoq Cecilia Olsen-Heilmann +299 349131-imut imaluunniit mailikkut ceoh@ral.gl-imut attaveqarfigisinnaavat.
Atorfininneq: piaarnerpaamik, eqqortulli atorfinitsinnissaa salliutinneqassaaq
Qinnuteqaatit: ingerlaavartumik suliarineqassapput
Oqaloqatiginninnerit: ingerlaavartumik ingerlanneqassapput
