SULLITANUT SIUNNERSORTI– INI SISIMIUT

Oqarasuaatinik nuutsitsisarfitsinni Sisimiuniittumi najugaqartunut siunnersortimik ujaasivugut.

INI-mi inissianik piginnittut inissiani atukkat inuunerinnissamut toqqammavilersuinissaata qulakkeernissaat tapersersorpagut.

Digitaliseeriineq ukkapparput, taamaammat allanngortiterinermi naleqqussarsinnaaneq pingaaruteqarpoq, ilutsinni periutsigut ingerlaavartumik pitsanngorsartaratsigit.

Allaffissuussinermut tunngasumik tulluartumillu ilinniagaqarnerit naatsorsuutigaarput. Suleqateqallaqqissuuvutit, iliuuseqartartuullutit, suliannullu pimoorussisinnaallutit. Pingaaruteqarpoq attaveqallaqqissuunissat sullissilluarusussuseqarnissallu.

Suliassavit ilaat ukuupput:

· Allakkat kiisalu INIp qitiusumik mailianut isertut agguaallugillu immikkoortiternissaat

· Suleqatit allat suleqatigalugit INIp oqarasuaataaniit sullissineq

· INIp nittartagaatigut imminut kiffartuussinnaanissamut siunnersuineq

· Matuersaatiliorneq matuersaatinillu ataqatigiissaarineq

· Utaqqiisigalugu inissianik isumaginninneq ataqatigiissaarinerlu

· Suliffeqarfiup pisiniarnermi akiliutaanik ataqatigiissaarineq

Naatsorsuutigaarput ataani piginnaasat taaneqartut ilisarisinnaassagitit:

· Nassuiaallaqqissuuvutit aammalu kalaallisut qallunaatullu allakkatigut oqalunnertigullu piginnaasaqarfigaatit

· Allanngortitsinissamut piareersimasuuvutit

· Tamanut sullissilluarnissaq pingaartitarivat, allaffimmi sulisut akornanni sullitanullu avataaneersunut

· Aningaasaqarnermut paasisimasaqarluartuuvutit kisitsisilerillaqqissuullutillu

· Inatsisit pulaffigilluarsinnaavatit allakkiorsinnaallutillu

· Qarasaasiatigut sakkussat assigiinngitsut atorsinnaalluarpatit

· Aaqqiissutissanut tappipputit, akisussaassuseqarputit ataqatigiilersitsisinnaallutillu

Taakku saniatigut aamma naatsorsuutigaarput:

· Suliassat piffissaq eqqorlugit suliarisinnaassagitit

· Suliffiup aaqqissuussaaneranut akuulluartutut imminut isigissasutit taamaattumillu suleqatikkuminartuullutit

· Pitsaasumik suleriuseqarnermik pingaartitsisuusutit

· INI peqatigalugu ineriartornissannut piareersimasutit

Suliffeqarfik pilerinartoq

Ataavartumik suliffeqarfitsinni pilerinarsaaruteqartarpugut, soorlu immikkut sulinngiffeqarfissiilluta, qasujaallisarnernut peqqinnissakkullu sillimasiinernut tapiissuteqartarluta.

2025-mi piareersaatitut sammivarput sulinermik sivikillisaanissarput, sap.ak. sulisarnissaq akunnerit 37-iinnanngorlutik.

INI-mi piginnaanngorsaanissanut ukkissisorujussuuvugut pimoorussilluta taamaattumik neqeroorutigaarput suliffeqarfik sulinikkut inuttullu ineriartornissamut periarfissiisoq.

Suliffeqarfik neqerooruterput sulisoqarpoq suliffimminnik iluarisimaarinnittunik. Sulisutta akornanni nuannersumik silaannaqarnissaa pingaartipparput akimortumillu suleqatigiittoqarluartarnissaa.

Naleqartitagut ukkassagut: Akisussaaffeqarneq, pimoorussisuunissaq, ataqqinnittuunissaq, pikkorissuunissaq.

Atorfimmi atugassarititaasut:

Kontorfuldmægtigitut qaffasissusilimmik Namminersorlutik Oqartussat SIK-llu akunnerminni isumaqatigiissutaat malillugu atorfinitsitsisoqassaaq. Atorfimmut atatillugu inatsisit naapertuuttut malillugit inissamik innersuussisoqarsinnaassaaq.

Sulilernissaq:

2025-mi juunip aallaqqaataa isumaqatigiissuteqarnikkulluunniit.

Atorfik soqutigaajuk?

Atorfik pillugu annerusumik paasisaqarsinnaavutit Sullissinermut pisortaq Henni Jensen attavigalugu, oqarasuaat +299 86 10 23 imaluunniit mailimut hvi@ini.gl

Qinnuteqaatit, CV, pinerluuteqarsimannginnermut uppernarsaat pappilissallu attuumassuteqarsinnaasut allat tigoreersimassavagut kingusinnerpaamik 25. maj 2025.

Tusarfiginissat qilanaaraarput.

INI

Sulisoqarnermut Immikkoortortaq

Postboks 1020

3911 Sisimiut

E-mail: job@ini.gl