Fakta
Atorfiup suussusaa: Kundekonsulent
Suliffeqarfik: INI
Qinnuteqarfissamut killigititaq: 8. juli 2026
Attavissaq: Kundeservicechef Henni Jensen mailikkut uunga hvi@ini.gl
Sullitatsinnut attaveqaqqaarnissamut akisussaaffeqassaatit, taamaammalu sullissilluarnissat nuannarissavat piareersimaffigissallugulu utaqqisut allattorsimaffianut tunngasunut aamma attatornermut inatsisit pillugit apeqqutit akisarnissai.
Pingaarnertut suliassaraatit:
INImup ulluinnarni ingerlanneqarnera
Oqarasuaatikkut sullissineq
Attartortut saaffiginnissutaannik tigooraaneq, sullissineq suliaqarnerlu, inummiit inummut, allakkatigut, oqarasuaatikkullu
Attartortup najugaqarnerani suliassat
Apeqqutit sullissinermut tunngappata, ingerlatsinermut
Apeqqutit sullissinermut tunngappata, ingerlatsinermut inissialerinermulluunniit tunngappata ingerlateqqittarlugit
Ataatsimiittarnerni peqataasarneq
Immikkoortortaqarfimmi suliassat takkussuuttut suliarineri
Pitsaassuseqartumik akisussaassuseqartumillu pimoorussineq suliassap suunera apeqqutaatinnagu
Sullitanut siunnersortimik sullissilluarusuttumik, sullissinermullu misilittagalimmik pissarsiorpugut. Suliassanik ujartuisuuvutit, inussiarnersuuvutit, misiginneqataasinnaasuuvutit, naammagittarsinnaasuuvutit pimoorussisinnaallutillu. Aammattaaq:
Inummiit inummut, oqarasuaatikkut allaffissornikkullu inatsisit, malittarisassallu paasinartumik ingerlateqqissinnaavatit
Qtaatsimut anguniakkat allaavigalugit suliaqarsinnaavutit, akisussaaffimmillu tigusisinnaallutit
IT-nut tunngasunik ilisimasaqarputit
Sungiusseriaannaavutit, sullisserusupputit, qiimasuullutillu
Kalaallisut qallunaatullu oqalussinnaallunilu allassinnaassasoq
Piffissamik sulinermillu paarsilluartuuvutit
Suliffeqarfik pilerinartoq
Ataavartumik suliffeqarfitsinni pilerinarsaaruteqartarpugut, soorlu immikkut sulinngiffeqarfissiilluta, qasujaallisarnernut peqqinnissakkullu sillimasiinernut tapiissuteqartarluta.
2026-mi piareersaatitut sammivarput sulinermik sivikillisaanissarput, sap.ak. sulisarnissaq akunnerit 37-iinnanngorlutik.
INI-mi piginnaanngorsaanissanut ukkassisorujussuuvugut pimoorussilluta taamaattumik neqeroorutigaarput suliffeqarfik sulinikkut inuttullu ineriartornissamut periarfissiisoq.
Suliffeqarfik neqerooruterput sulisoqarpoq suliffimminnik iluarisimaarinnittunik. Sulisutta akornanni nuannersumik silaannaqarnissaa pingaartipparput akimortumillu suleqatigiittoqarluartarnissaa.
Naleqartitagut ukkassagut: Akisussaaffeqarneq, pimoorussisuunissaq, ataqqinnittuunissaq, pikkorissuunissaq.
Atorfininnermi atugassarititaasut:
Akissarsiassat atorfininnermilu atugassarititaasut pillugit Nunatta Naalakkersuisoqarfiata S.I.K-llu akornganni isumaqatigiissutaasut malillugit inissiisoqassaaq.
Atorfimmut atatillugu inissaqartitsisoqanngilaq.
Sulilernissaq:
Aggustip aallaqqaataani 2026, isumaqatigiissuteqarnikkulluunniit.
Atorfik soqutigaaguk?
Atorfik annerusumik paasisaqarfigerusukkukku Sullissinermut aqutsisoq Henni Jensen mailimut hvi@ini.gl -imut allaffigalugu attavigisinnaavat.
Qinnuteqaatit, CV, pappilissallu pisariaqartinneqartut, pinerlisimannginnermut uppernarsaat ilanngullugu, nittartakkatsinni qinnuteqaatinik immersuiffissaq aqqutigalugu tigoreersimassavagut kingusinnerpaamik 8. juli 2026.
Tusarnissat qilanaaraarput.
