Fakta
Atorfiup suussusaa: Customer Supporter
Suliffeqarfik: Royal Arctic Line A/S
Qinnuteqarfissamut killigititaq: 2025 oktobarip 30
Attavissaq: Julie Heilmann Jensen, email: jhej@ral.gl imaluunniit tlf. +299 228909 / +299 349215
Sullitanik Siunnersortimik Nuummi suleqatissarsiorpugut
Nuummi suleqatigiinnut Sullitanut Siunnersortimik inussiarnersumik kiffartuussillaqqissumillu pissarsiorpugut.Sullitanik Siunnersuisarfik Royal Arctic Linemi pingaarutilimmik inissisimavoq – sullitatta pilertortumik, eqqortumik inussiarnersumillu sullinneqarnissaat qulakkeertarparput.Nuummi suleqatigiinni suleqataalernissannut maanna periarfissaqalerputit, tassanilu ulluinnarni sulinermi pissanganartunik assigiinngisitaartunillu suliaqassaatit.
Uagut pilluta
Sullitat Royal Arctic Linemut saaffiginninnerminni siulliulluta attaveqarfigisarpaatigut – nassiussallu tamarluinnarmik pissusissamisut ingerlanneqarnissaat isumagisarparput.Nunarput tamakkerlugu sullitavut inniminniinermik, ilitsersuinermik assartuussinermillu ikiortarpugut, qungujulaarlutalu suliassavut ingerlattarpagut.
Suliassatit pingaarnerit tassaapput:
- Usissanik inniminniinerit aamma tunniussinermut aallernermullu tunngatillugu sullitanik ikiuineq
- Assartuineq, malittarisassat, akit assartuinermullu periarfissat pillugit ilitsersuineq
- Akiligassiissutinik isumaginninneq eqqortumillu uppernarsaasiortoqarnissaanik qulakkeerinninneq
- Sullitat oqarasuaatikkut, mailikkut ornigullutillu saaffiginnissutaannut akissuteqarnerit
- Usissat uuttortarnerinik nakkutiginninneq assartuinermullu akinik naatsorsuineq
- Karsip nalunaarsukkallu naapertuunnerinik qulakkeerinninneq
- Sullitanik kiffartuussinermik pitsaasumik suliatigullu pikkorissuseqartumik tunniussaqarnissamut suleqataaneq
Kinaavit?
Inussiarnersumik, akisussaassusermik pingaartitsisumik allanillu ikiuinermik nuannarisalimmik suleqatissarsiorpugut.Sullitanik kiffartuussineq, allaffimmi imaluunniit pisiniarfimmi sulineq, assartuineq assigisaalluunniit misilittagaqarfigisinnaavatit – ilinniarusussuseqarnissalli sullitatsinnullu allanngueqataarussuseqarnissat pingaarnerpaavoq.
Illit:
- Kiffartuussillaqqissuuvutit
- Namminersorlutit sulisinnaavutit ataatsimullu isiginnissinnaalluarlutit, aamma ulapiffiusumi
- Immikkuualuttunik isumaginnissinnaavutit aaqqissuulluakkamillu suleriaaseqarlutit
- IT atuisutut paasisimasaqarfigivat (LIMA aamma E-track misilittagaqarfigigaanni iluaqutaassaaq)
- Kalaallisut danskisullu attaveqaqateqarsinnaavutit – tuluttoorsinnaaguit aamma iluaqutaassaaq
Neqeroorutigisagut
Royal Arctic Linemi pissanganartumik atorfeqalissaatit suliarisartakkavit allanngueqataanerat malugineqarsinnaasarluni – suleqatitsinni aammalu inuiaqatigiinnut atassuteqarnitsinnut.Neqeroorutigaagut:
- Suliffeqarfik allanngorarfiusoq, suleqatit tunniusimasut unammilligassallu pissanganartut.
- Akissarsiat unammillersinnaassuteqartut, piginnaaneqarfigisannut naapertuuttut.
- Inuttut suliatigullu ineriartornissamut periarfissat pitsaasut.
Suleqatigilernissatsinnut piareersimavit?
Atorfik pillugu paasisaqarnerorusukkuit Sullissinermut pisortaq Julie Heilmann Jensen +299 349215-imut imaluunniit mailikkut jhej@ral.gl-imut attaveqarfigisinnaavat.
Atorfininneq: piaarnerpaamik, eqqortulli atorfinitsinnissaa salliutinneqassaaq
Qinnuteqaatit: ingerlaavartumik suliarineqassapput
Oqaloqatiginninnerit: ingerlaavartumik ingerlanneqassapput
Atorfik una qinnuteqarfigiuk
