Sullivinnik Nakkutilliisoqarfik nakkutilliisussanik pissarsiorpoq

Nunatsinni suliffeqarfiit peqqinnartumik isumannaatsumillu sullivinni avatangiiseqalersikkumallugit suliaqarneq soqutigisarigukku peqatigaluta ineriartortitseqataanissamut periarfissaqalerputit. Suliassaqarfitta iluanittaaq nakkutilliisut peqatigalugit ineriartortitsineq periarfissaallunilu suliassat ilagissavaat.

Sullivinni avatangiiseq peqqinnarnerusoq

Nakkutilliisutut pingaarnertut suliassaraat Kalaallit Nunaanni suliffeqarfinni sullivimmi avatangiisinik nakkutilliinissaq. Sullivimmi avatangiisit pillugit ajornartorsiutit assigiinngitsorpassuit isummerfigisinnaassavatit ilusilersueqataasinnaassallutillu. Ajutoortoqarsimatillugu nalunaarsuinerit, sulitilluni timi eqqortumik atorneqarnissaa, akuutissat, nipi aammalu sullivinni tarnikkut avatangiisit suliassavit ilagisinnaavaat.

Ersarissumik anguniagaqartumik, akisussaaffilimmik unammillernartumillu suliffittaassaatit. Ulluinnarni suliassat nikerarfiusinnaapput suleqatigiinnullu suliassaqarfimminnik ilisimasaqarluartunut pimoorussisunullu suleqataalissaatit. Sulineq nammineerfiusorujussuuvoq nunatsinnilu angalangaatsiarfiusarluni.

Nakkutilliisutut ilaatigut makku suliassarissavatit:

· suliffeqarfinni sanaartorfinnilu nakkutilliineq

· nakkutilliiartornissamut atatillugu piareersarneq, assersuutigalugu suliffeqarfiup ilisarnaataanik oqaluttuassartaanillu misissuineq

· nakkutilliiartorsimanerit kingornisigut suliassartaannik suliaqarnerit, soorlu allaffissornikkut, nalunaarusiornikkut piumaffiginninnernillu allagaqaasiornerit

· suliffeqarfinni saqqummiussassannik suliaqartassallutit saqqummiiartortassallutillu

Allaffimmi nakkutilliisut aamma suliarisarpaat nunatsinni Sullivinni Avatangiisinut Ilinniartitaanerup ingerlanneqartarnera. Tamatumani pineqarluni Kalaallit Nunaanni sullivinni isumannaallisaanerup tungaatigut sinniisussanik atuartitsineq. Taamaattumik naatsorsuutigissavat suliamik tamatuminnga isumaginnissinnaanissat siunertaralugu ilitsersuunneqarlutillu ilinniartinneqarnissat.

Atorfeqalernerpit aallaqqaataani suleriaasinik sammisarineqartakkallu pillugit itisilikkamik peqqissaarussamillu ilinniartinneqassaatit.

Allaffeqarfimmi suleqataasut arfiniliuvugut pisortarlu, qitiusumillu allaffipput Nuummiippoq. Suleqatitta ilaat Sisimiuni najugaqarpoq. 

Peqqinnartumik uummaarissumillu suliffeqarneq anguniarparput

Sullivinnik Nakkutilliisoqarfik sullivinni avatangiisit pillugit kalaallit qallunaallu oqartussaasoqarfigivaat. Anguniarparput nunatsinni sulliviit peqqinnartumik, isumannaatsumik ineriartorfiusumillu sullivinni avatangiiseqalernissaat. Nakkutiginnittuuvugut suliffeqarfiit sulisuminnut avatangiiserissaartitsillutik suliffeqartitsinissaat, inuit nungullarsannginnissaat, ajoqusinnginnissaat uippakajaannginnissaallu siunertaralugu. Tamanna pissarsiaqaataassaaq sulisunut, suliffeqarfimmut inuiaqatigiinnullu. Taamaattumik suliffeqarfinnut qanimut attaveqarneq pingaaruteqarpoq anguniakkatsinnik iluatsitsissagutta.

Pinaveersaartitsinermik ilitsersuinermillu tunngaveqartumik suliaqarnerput suliassaqarfimmi paasisat kingulliit najoqqutaralugit ingerlanneqartarpoq - suleqatigiit suliassaminnut piginnaasaqarluartut isummersoqatigiittarnerisigut.

Annerusumik paasisassarsiorfigisinnaavatsigut ukunani www.at.gl aamma www.at.dk

Suleqatitaarisigut

Imaattuusutit takorloorpatsigit:

· allattariarsornermi oqaluttariarsornermilu tamakkiisumik qallunaatut atuisinnaasutit. Kalaallisut atuisinnaaneq aallaaviulluni salliunneqarumaarputit.

· ilinniagaqarputit ingeniøritut, maskinmesteritut, sanaartornermi siunnersortitut, allatulluunniit teknikkikkut tunuliaqutaqarlutit. Assersuutigalugu katsorsaasartutut psykologitulluunniit aamma ilinniagaqarsimasinnaavutit.

· suliassaqarfiit akimorlugit sullivinni avatangiisini ajornartorsiutaasinnaasunik soqutiginnittuussallutit, soorlu ajutoornernik pinaveersaartitsineq, imaluunniit suliffigissaanermi timip qanoq nungullarsaataanngitsumik atorneqarnissaanut periarfissarsiuussinernik, tarnimut tunngasunik akuutissalinnilluunniit imalinnik soqutigisaqarneq

· annertuumik nammineersinnaallutit ilusilersugaalluartumik suliamik isumaginnissinnaassaatit, taamaakkaluartorli suleqatigiinni suleqataalluarsinnaassallutit

· IT-mik atuisinnaassuseqarluartuussaatit

· Atuartitsisinnaanermik piginnaasaqassaatit, misilittagaqarlutit soqutiginnittuullutilluunniit

· tatiginartumik kiinnersinnaassaatit oqaloqatiginnillaqqissuullutillu

Akissarsiat atorfeqarnermilu atugassarititaasut

Atorfik piffissaq tamakkerlugu atorfiuvoq, sapaatip akunneranut akunnerni 40-ni suliffiusartoq. Kissaatigaarput novembarip aallaqqaataani 2025 aallartissinnaanissat.

Nakkutilliisutut atorfinitsinneqassaatit isumaqatigiissutit atuuttut naapertorlugit.

Atorfeqarnermut atatillugu Nuummi inissaqartitsisoqarsinnaavoq maleruagassat atuuttut tunngavigalugit akilersorneqartussamik.

Immikkoortortaqarfik aaqqissuussaanikkut Københavnip kangiani Nakkutilliisoqarfimmut atavoq, taamaattumillu piffissap ilaani Danmarkimut angalasarnissaq pisariaqassalluni.

Apeqqutit qinnuteqaallu

Apeqqutigiumasinnaasatit tamakkerlugit akissutissarsinngitsoorpigit? Taava tikilluaqquatsigit Immikkoortortami Kalaallit Nunaanni pisortaq Inúnguak Abelsen attaviginissaanut, oqarasuaat +299 55 26 00.

Akissarsiat atorfeqarnermilu atugassarititaasut pillugit apeqqutissaqaruit, taava tikilluaqquatsigit Sulisoqarnermut ministeriaqarfimmi HR-partner Lone Clausen attaviginissaanut, oqarasuaat +45 72 20 52 75.

Sullivimmi assigiinngiiaartunik tunuliaqutaqarneq nukittussutsitut isigaarput soqutiginnittullu tamaasa kaammattorpagut atorfik qinnutigeqqullugu, apeqqutaatinnagu inuttut qanoq tunuliaqutaqarneq. 

Qinnuteqaat, CV ilinniarsimanermullu uppernarsaatit ilanngullugit nassiutikkit, kingusinnerpaamik 15/9-25 qallunaat nalunaaqutaat najoqqutaralugu unnuap qeqqartinnagu.

Naatsorsuutigaarput sapaatip akunnerani 38/39-mi atorfinitsitsiniarluni oqaloqatigiinnerit ingerlannissaat.

Atorfik una qinnuteqarfigiuk