Supportimut immikkoortortamut nutaatut pilersinneqartumut aqutsisoq

Kommuneqarfik Sermersooq pikkorissumik kajumissuseqarluartumillu supportimut immikkoortortamut nutaatut pilersinneqartumut aqutsisussarsiorpoq.

Supportimut immikkoortortaq Qarasaasialerinermut immikkoortortap ilaatut nutaatut pilersinneqarpoq aamma Kommuneqarfik Sermersuumi sulisunut, aqutsisunut suliassaqarfinnilu innuttaasunut sammisunut suliassaqarfimmut pingaarutilittut qitiusumik atuuffeqassalluni. Immikkoortortaq toqqaannartumik toqqaannanngitsumillu ikiuunnermik suliaqartassaaq kommunimi sulisunit saaffiginnissutit qarasaasialerinermut, systeminut, atortunut, sulinermi sakkut digitaliusut assigisaasalu passunneqarnerannik.

Immikkoortortami aqutsisutut supportimut immikkoortortaqarfimmik ingerlatsineq, ineriartortitsineq aamma aqutsineq akisussaaffigissavatit. Illit suliffeqarfimmi kulturimut akisussaassaatit immikkoortortaqarfimmillu ilusileeqataasinnaavutit, supportimut suliassat pitsaanerpaamik naammassineqarsinnaaqqullugit.

Atorfik ulloq naallugu suliffiuvoq, Qarasaasialerinermut pisortaq toqqaannartumik aqutsisoralugu.

Atorfiup imarisaa:

Supportimut immikkoortortami aqutsisutut illit akisussaaffigaat sanarfineq, aaqqissuussineq aamma immikkoortortamit ikiuunnermik suliassat ingerlanneqarnerisa qulakkeerneqarnerat, taamaalilluni Kommuneqarfik Sermersuumi innuttaasut tamarmik kiffartuunneqarsinnaaqqullugit. Akisussaaffigisassatit ilaatigut makkuupput:

·Supportimi sulisunik aqutsineq (sulisussarsiorneq, nalerisimaneq, piginnaasanik ineriartortitsineq aamma suliamik ingerlatsinerit).

·Immikkoortortami nutaami aaqqissuussamik, ingerlatseriaatsinik suleriaatsinillu pilersitsinerit

·Ikiuunnernik tunniussinerni ingerlatsinermik patajaatsumik qaffasissumillu pitsaassusilimmik qulakkeerinninneq

·Sullissinermi periusissanik, SLA-nik aamma pitsaassutsimut akissuteqarnermullu sivisussutsit uuttuutissaannik ineriartortitsinerit

·Sullissinermik ileqqumik pitsaasumik pilersitsineq atuisut misigisassaannik ukkassaqarluni

·Suliassat nukissallu pingaarnersiornerat ataqatigiissaarnerallu

·Kommunimi suliassaqarfinnik, aqutsisunik aamma avataani pisiniartarfinnik qanimut suleqateqarneq

·Pitsanngorsaanermut periarfissat suussusersinerat pitsanngorsaanermillu suliaqartuarneq

Qinnuteqartunit naatsorsuutigisat:

Naatsorsuutigaarput illit ilinniakkatigut tunuliaqutaqartutit, supportimut immikkoortortap ineriartortinneranut aaqqissuunneqarneranullu piginnaaneqartitsisunik. Saniatigut pingaartitaraarput:

·Aqutsinermik misilittagaqartutit - ajornanngippat supportimik, qarasaasialerinermik, sullissinermik atuuffimmit assigisaannilluunniit

·Pilersitsinermik atuuffimmi nalerisimasinnaasutit, aamma aallartinnermi suliassat tamarmik nassuiaateqanngikkaluartut

·Aaqqissuussaasumik suleriaaseqartutit aamma tamakkiisumik sammivissamillu takunnissinnaanerit piginnaaneqarfigigitit

·Suleqatigiinnermut aamma attaveqaqatigiinnermut pitsaasumik piginnaasaqartutit

·Ingerlatsinerup, sullissinerup ineriartortitsinerullu akornisa oqimaaqatigiissinnissaannut paasinnittaaseqartutit

·Inunnit, ingerlatseriaatsinik pitsaassutsimillu takunnissinnaasutit

·Aaqqiissuteqarnissamik siunnerfeqartuuvutit, eqqissisimasinnaallutit tamakkiisumillu isiginnittaaseqarlutit - aamma ulapaarfinni

∙Suliffeqarfimmit politikkikkut aqunneqartumit imaluunniit pisortanit misilittagaqartutit iluaqutaavoq piumasaqaataanngilarli.

Ilanngullugit pingaartippavut:

∙Aalajaatsuunerit, pitsaassutsimik ilisimasaqarluartuunerit immikkuualuttunillu takunnissinnaasutit

∙Tamakkiisumik isiginnittaaseqarnerit annaanngikkaluarlugu suliassanik amerlasuunik ingerlatsisinnaavutit

∙Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaavutit

∙Nammineersinnaassuseqarlutit, akisussaaffeqarlutit sullisserusullutillu sulisarputit

∙Suliassanut aamma suliassat agguataarneqarneranni aaqqiissuteqarfigiuarnissaat eqaassuseqarfigaatit

∙Ullormi ulapiffimmi ukkassillutit aaqqissuussaasumillu sulisinnaavutit

∙Suliassanik ingerlatsinitsinni ingerlaavartumik ineriartortitsinermut pitsanngorsaanermullu peqataasutit

∙Arlalissuarnik suleqateqallaqqinneq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigivagut:

Suliffik unammilligassaqarfiusoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartipparput patajaatsumik suliassanut suliffimmullu pulatikkiartortinneqarneq, pimoorupparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartinneqarnerat. Taakkua saniatigut neqeroorutigaavut:

·Kommunimi suliassaqarfimmik pingaarutilimmik pilersitsiartuaarnermi pingaarutilimmik atuuffik

·Aaqqissuussaanermut, suleriaatsinut kulturimullu annertuumik sunniuteqarneq

·Ulluinnaat pilersaarusiornermik sulianillu ingerlatsinernik imallit

·Suliffimmi avatangiisit suleqatigiinnermik, suliamut piginnaassutsinik ineriartornermillu pingaartitsisut

·Suliniutinik aqutsinermik, systeminut imaluunniit pikkorissarnerni naleqquttuni allani uppernarsaatitaarnissamut periarfissat

·Sulianut inuttullu inerikkiartornermut periarfissat

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Qarasaasialerinermi pisortaq Jóhan H Dam-Davidsen, oqarasuaat +299 52 91 02 imaluunniit e-mail: jdda@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 200-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 17.-at, 2026