Tarnimikkut nappaatilinnut qitiusumik immikkoortoq nakorsat allattaattut/allaffissornermi pilersaarusiornermilu ataqatigiissaarisutut taartaasussamik pissarsiorpoq

Nuummi Dronning Ingridip Napparsimmavissuani tarnikkut nappaatilinnut qitiusumik immikkoortumi nakorsat allattaannik/allaffissornermi pilersaarusiornermilu ataqatigiissaarisumik imal. allaffissornermik suliaqartussamik erninermut atatillugu sulinngiffeqartumut taartaasussamik pissarsiorpugut.

Nakorsat allattaat pikkorissoq erninermut atatillugu sulinngiffeqassammat, qaqutigut neqeroorutaasartumut, Nuummi tarnimikkut nappaatilinut immikkoortortami nakorsat allattaannut taartaasussamik pissarsiorpugut.

Nakorsat allattaattut ilinniarsimasumik imal. allaffissornermi pilersaarusiornermilu ataqatigiissaarisumik, suleqatinik misilitagartuunik, allaffimmi ataatsimooqatissaminik, qanimut suleqateqarluni sukumiisumik ilinniartinneqarnissamut assissaqanngitsumik periarfissinneqartussamik, pissarsiorpugut.

Neqeroorutigaagut:

• Sukumiisumik ilinniartinneqarneq.

• Tarnikkut nappaatilinnik immikkut ilisimasaqarfimmi ulluinnaat annertuumik allanngorartut.

• Annertuumik paasissutissiisarnermik suleqatigiilluarnissamillu qulakkeerinissamut sunniuteqaqataaneq.

• Ilinniakkat akimorlugit suleqatigiinneq sullivimmilu avatangiisinik pingaartitsineq.

• Atorfik pigaartuuffiusanngitsoq, ulluinnarni suliffissaq nal. 8-16.

• Sulisut peqatigiiffiat eqeersimaartoq angallammik angalaarnernik, ataatsimuualaarnernik il.il. aaqqissuussisartoq.

Ulluinnarni suliassat ilaatigut napparsimasut aqqusaartugassaannik makkunuunatigut qulakkeerneq:

• Innersuussutinik, nakorsanit takuniagassanik, qularnaveeqqusiinernik, nakorsat uppernarsaasiaannik, allattugaatinut allanneq.

• Immiussanik allattuineq/misissuinissanik inniminniineq nalunaarsuinerlu.

• Uninnganermut atatillugu nalunaarsukkanit eqikkakkanik isumaginninneq.

• Allakkanik mailinillu ilutsinneersunik avataaneersunillu isumaginninneq, allakkianik assigiinngitsunik allatugaatinut atugassanik scannerineq.

• Maleruagassat atuuttut naapertorlugit napparsimasut pillugit paasissutissanik nalunaarsuineq.

• Oqarasuaatikkut attaveqartunik oqaloqateqarneq apeqqutinillu ingerlatitseqqiineq.

• Avataaneersunik ilutsinneersunillu naapertuuttunik suleqateqarluni, sulianik eqqartuussivinnut tunngasunik ataqatigiissaarineq.

• Pinngitsaaliissummik iliuuseqarnernik nalunaarsuineq Nunatsinnilu Nakorsaaneqarfimmut nalunaarutiginninneq.

• Napparsimasut uninngasut nakorsiallu aqqusaartugassaannik isumaginninneq.

• Napparsimasunik qanigisaasunillu qaffasissumik pitsaassusilimmik kiffartuussineq, tamatumunngalu atatillugu ilinniagalinnut naapertuuttunut attaveqalersitsineq.

• Pisariaqarpat pisortaqarfinniit paaasissutissanik pissarsiniarneq.

• Allagaatinik takunnissinnaanissamut qinnuteqartunik siunnersuineq assigissaallu

• Sulilerlaanik paasisutissiinermi akisussaaqataaneq.

Pissarsiariniagarput:

• Nakorsat allattaattut imal. allaffissornermi pilersaarusiornermilu ataqatigiissarisutut ilinniarsimavoq imal. alaffissornermi allatsigut tunuliaqutaqarpoq

• Ajornanngippat napparsimasut pillugit qarasaasiakkut nalunaarsuiffimik ilisimaarinnippoq COSMIC-ilu ilisimasaqarfigalugu (COSMIC misilittagaqarfigineqanngippat ilinniartinneqassaaq).

• Oqaatsinik arlalinnik atuisinnaaneq iluaqutaassaaq.

• Eqaatsumik suleriaaseqarpoq allannguinissamullu piareersimalluni – suleqatiginnillaqqissuuvoq namminersorlunilu sulineq piginnaaneqarfigalugu.

• Ulapaarfimmissaaq eqqissisimasinnaavoq.

• Suleqatigiinnermi avatangiisinut pitsanngueqataasarmat, suliartortuassaaq.

Uagut:

• Tarnikkut nappaatilinnut immikkoortortami allatseqarfik, tarnikkut nappaateqartut aqqusaartortagaannik tamanik sullissiviusoq, ilinniagaqassutsikkut atituumik inissisimavoq.

• Aaqqissuussaanikkut Dronning Ingridip Napparsimmavissuani tarnikkut nappaatilinnut qitiusumik immikkoortup- allatseqarfiup saniatigut makkunanngattaaq immikkoortortallip: Tarnikkut nappaatilinnut najukkaminniittunut sullissiviit (Ikaarsaarfik aamma Pakkaluaq), nakorsiartitsivik, nakorsaanerit nakorsiartitsiviat, immikkoortortaq uninngavik A1, inunnik isumaginninnermi siunnersortit (Sana-Social), tamarmik nuna tamakkerlugu sullissiviusunik immikkortortallit- ataani inissisimavugut.

• Eqimattakkuutaarluta ilinniakkat akimorlugit suleqatigiippugut

• Ulluinarni nal. 08:00 – 16:00 sulisarpugut

• Immikkut ilisimasaqarfitsinnik akisussaaffeqarpugut.

• Pisariaqarpat ikiuuttarneq sulinitsinni ileqqoraarput.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: 2/11-2026 immikkulluunniit isumaqatigiissuteqarnikkut

Qinnuteqarfissaq kingulleq: 18/9-2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Immikkoortortami aqutsisoq ataqatigiissarisorlu Pia Rasmussen oqarasuaatikkut: 34 41 20 imal. mailikkut: PIRA@PEQQIK.GL imal. immikkoortortami peqqissaasutut qullersaq Helle Mougaard oqarasuaatikkut: (+299) 34 41 20 imal. mailikkut: HEMF@PEQQIK.GLattavigalugit pissarsiarineqarsinnapput

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Allaffissornermik tunuliaqutalimmut:

Atorfininnermi atugassarititaasuni iliniakkap suunera apeqqutaassaaq.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.