Tarnip pissusiinik ilisimasalik Qeqqani MISImi (PPR) Sisimiuni

Qeqqata Kommuniani Sisimiuni inissaqarnissamik periarfissaqarluni Qeqqani MISI (PPR) tarnip pissusiinik ilisimasalimmik pissarsiorpoq.

Angajoqqaat, atuarfiit meeqqeriviillu suleqatigalugit meeqqanut inuusuttunullu 0 - 18 ukiulinnut Qeqqani MISI susassaqarfiuvoq siunnersuillunilu aqqutissiuisartoq. Meeqqat inuusuttullu atugarissaarnissamut, ineriartornissamut ilikkagaqartarnissamullu periarfissaannik qaffassaanissaq suliatsinnut siunertaavoq.

Qeqqani MISI-mi akimortumik suleqatigiiffiusumi ukuninnga inuttaqartumi tarnip pissusiinik ilisimasallit, perorsaanikkut tarnikkullu siunnersortit kiisalu allaffimmi ikiortaaneq, ilaalissaatit. Suleqatigiit arfinilinnut amerlassusilikkat Sisimiuni inissisimapput. Taassuma ataani Maniitsoq nunaqarfiillu arfinillit ilaapput, pisariaqartitsineq aallaavigalugu ukiumut marlussoriarluta tikeraartakkagut. Tamanna isumaqarpoq suliffimmut atatillugu angalasoqartassasoq.

Qeqqani MISI-mi tarnip pissusiinik ilisimasalittut suliassatit assigiinngiiaartuupput, ilaatigut makkuninnga imaqarlutik:

Perorsaanikkut tarnikkullu suleriutsit atorlugit meeqqat inuusuttullu atugarisaannik, ineriartornerinik aammalu ilikkagaqarnissaannik tapersersuineq, inuit ataasiakkaanik eqimattakkaanillu, meeraqatigiittut ilaqutariittullu.

• Perorsaanikkut tarnikkullu misissuinernik ingerlatsineq, matumani tarnip pissusiitigut misileraaneq ilanngullugu
• Meeqqap/atuartup ineriartorneranut malunnaatilimmik suliniarneq pingaartillugu angajoqqaanut, ilinniartitsisunut, perorsaasunut imaluunniit inunnut attuumassuteqartunut allanut nalinginnaasumik kiisalu immikkut perorsaanermik siunnersuineq ilitsersuinerlu.
• Perorsaanikkut Tarnip pissusiinik Naliliinernik (PPV) suliaqarneq
• Suleqatigiiusugut avataani suliaqarfinnik allanik suliat akimorlugit suleqatigiinneq (matumani ilinniartitsisut, perorsaasut, pillorissaasut, timimik sungiusaasut isumaginninnermilu siunnersortit il.il.)
• Qeqqata Kommuniani meeqqanik inuusuttunillu sullissinermi anguniagalimmik ineriartortitseqataaneq.

Misilittakkatit soqutigisatillu aallaavigalugit ima aamma suliaqarsinnaavutit:

• Suliaqarfinnut allanut innuttaasunullu saqqummiineq/ilinniartitsineq
• Suliaqarfiit allat imaajaasillugit oqaloqatigineqartarneri,
• Meeqqanik inuusuttunillu sivikinnerusumik oqaloqatiginnittarnermik ingerlatsineq

Naatsorsuutigaarput:

• Namminersinnaassuseqarlutit sulisinnaasutit, aallartitsisinnaasutit ineriartortitserusuttuusutillu
• Meeqqanut, angajoqqaanut illoqarfimmilu atuarfinni paaqqinniffinnilu suliaqartunut kiisalu suleqatigiit iluini suleqatigiilluarnissamik piginnaasaqartutit
• Meeqqat pillugit inersimasunik systeminillu nukittorsaanissamik suliaqarusuttuusutit
• Inunnut allanut akuutitsisumik akuersaartumillu isiginnittariaaseqartutit
• Allattariarsornikkut oqaatsitigullu attaveqallaqqissuusutit, avatangiisinilu arlalinnik oqaatsinik atuiffiusumi sulerusussuseqartutit

Neqeroorutigaagut:

• Suliffik sapaatip akunneranut akunnerni 40-ni suliffiulluni uummaarissoq ammasorlu.
• Atorfik unammillernartoq, tamatigoortoq pissanganartorlu
• Suliffeqarfik anginngitsoq ataqatigiilluarfiusorlu, ulluinnarni attaveqarfiulluartoq immikkoortortamilu siunnersiueqatigiiffiusoq
• Suliassavit aaqqissuunnissaannut annertuumik kiffaanngissuseqarneq aammalu perorsaanikkut tarnikkullu immikkoortumi suliaqarfiusumi peqqissaarussamik kiffaanngissuseqarneq (ilaatigut eqqarsartaatsimik, misileraanernik malinnaanernillu kiisalu ilisarsisinnaaneq pissusilersuutillu aallaavigalugit periutsinik suliaqarneq).
• Suleqatigiiusuni suleriaatsimik peqqissaartumik atuutilersitsineq
• Suliatigut ineriartornissamik piginnaanngorsarnissamillu periarfissalik
• Suleqatigiinni suliaqarfinni tamani imaajaasinnaaneq
• Pisariaqartitsinermi nutserisoqarneq
• Pinngortitami pisuttuarnissamut, imaatigut angalaarnissamut, qimmeqarnissamut, sisoraartarnissamut, piniariartarnissamut aalisariartarnissamullu periarfissagissaarluni pinngortitarsuaq kusanarluinnartoq
• Kulturikkut sunngiffimmilu sammisaqarnissamut assigiinngitsunik neqerooruteqarfiulluni Kalaallit Nunaanni illoqarfiit annersaasa tullia

Piukkunnaateqarluni qinnuteqartoq:

• Cand.psych-itut Cand.pæd.psych-itulluunniit ilinniagaqarsimanissat.
• Kalaallit Nunaanni kulturi naapertorlugu sulinissaminut piareersimasoq
• Meeqqanik inuusuttunillu perorsaanikkut tarnikkullu sullissinermik misilittagartuusinnaavoq
• Tatitooq, suliassallu assigiinngitsorpassuit eqqarsaatigalugit nammineerluni eqaatsumillu sulisinnaasoq.
• Allanngortoqaratarsinnaaneranut piareersimasoq, aammalu ulluinnarni innuttaasunik tamanik kiisalu illuatungerisatut suleqatinut assigiinngitsorpassuarnut annertuumik attaveqarfiusumi sulisinnaasoq

Akissarsiat atorfininnermilu atugassarititaasut:

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat Kalaallit Nunaannilu meeqqat atuarfiini ilinniartitsisut kattuffiata IMAK-ip akornanni isumaqatigiissutit atuuttut naapertorlugit pissapput.

Atorfimmut atatillugu inissaqartitsisoqarsinnaavoq, inigisamullu akiliutit qularnaveeqqutillu qaqugukkulluunniit malittarisassat atuuttut malillugit ingerlanneqassapput.

Meeqqanut innarliisimannginnermut uppernarsaat:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

1.Oktober 2025 isumaqatigiissuteqarnikkulluunniit atorfinittoqassaaq.

Atorfik pillugu paasissutissat sukumiinerusut Atuarfimmi tarnip pissusaanik immikkut ilisimasalik Marianne L. Olsen, oqarasuaat (+299) 38 12 40 email: olsm@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik nassiunnessaaq

Qinnuteqarnissamut killissarititaasoq: septembarip 12.-at, 2025

Atorfik una qinnuteqarfigiuk