Tasiilami ikorfartorteqatigiinnut najugaqatigiiffinnullu aqutsisoq

Inunnut innarluutilinnut tarnimikkullu nappaatilinnut immikkoortortaqarfik Tasiilami ikorfartorteqatigiinnut najugaqatigiiffinnullu aqutsisussarsiorpoq

Inunnut innarluutilinnut tarnimikkullu nappaartilinnut immikkoortortaqarfik Tasiilami Ikorfartorteqatigiinnut Najugaqatigiiffinnullu tunniusimasumik aqutsisussarsiorpoq. Aqutsineq misilittagaqarfigaajuk aammalu sullitatsinnut allanngueqataarusussuseqarlutit, taamaappat illerpiaq aqutsisutut nutaatut pisariaqartippatsigit.

Atorfik sapaatip akunneranut akunnernik 40-nik atorfiuvoq. Piffissap annerpaartaani ullaakkuinnaq sulisassuutit, kisianni immikkoortortat tamarmik akisussaaffigalugit. Aqutsisutut susassaqarfiit tullersorti, siunnersortit, immikkoortortami aqutsisoq aammalu fagchef qanimut suleqatigalugit suliarisassuatit.

Najugaqatigiiffeeqqanik marluunik peqarpugut, katillugit arfinilinnik najugaqartoqarsinnaasut. Najugaqatigiiffinni najugaqartut tarnimikkut timimikkullu innarluuteqartuupput atuisuullutillu. Najugaqatigiiffiit saniatigut ikorfartorteqatigeeqarpoq innuttaasut angerlarsimaffimminni ikorfartoreqartariaqartut pisariaqartitai naapertorlugit ikorfartortinit orninneqartarlutik.

Atorfimmi sulisut tullersortilu peqatigalugit immikkoortortat ulluinnarni ingerlanneqarnissaat ineriartortinnissaallu qulakkiissavatit. Qanilaartumik aqutseriaaseqassaatit pisariaqartitsinermilu siuttuusinnaanermullu sapiissuseqarlutit. Aqutsisooqatigiit nukittuut immikkoortortarput akimorlugu ataatsimoorfeqarluartunut ilanngutissaatit aqutsisooqatigiit, immikkoortortami aqutsisoq fagchefilu peqatigalugit immikkoortortatta ineriartorneranut peqataallutit.

Uagut upperaarput misilittagaqassuseq, assigiinngissuseq ataatsimoornerlu ulluinnarni ingerlatsinitsinni kiviteqatigiinnikkut iluatsittarlutigit. Taamaammat massakkorpiaq nutaaliornerit aallutileruttorpagut susassaqarfinnut assigiinngitsunut aqutsisooqatigiittut qanillisaataasinnaasut. Aammattaaq uagut upperaarput pikkorissunik aqutsisoqarniarutta aqutseriiaaseq ullormut eqqartugassanngorlugu qaqittarnissaa.

Naatsorsuutigaarput:

·Nukittuumik tunngaveqarlutit misilittagaqarluarsimanissat aammalu peqatigaluta ineriartornermik suliaqarnissamut soqutiginnittutit

·Sulisunut oqaloqatigiinnissamut aammalu peqataatitserpalaartumik aqutseriaaseqartutit

·Ersarissumik attaveqariaaseqartutit aammalu suliffitta iluani avataanilu suleqatinut suleqatigiinneq nukittooq takusinnaassagit pingaaruteqartuusoq

·Inuiaqatigiinnut kalaallillu piorsarsimassusaannut ilisimasaqartutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Inuttut nnatsorsuutigaarput:

·Assigiinngissuseq ataatsimoorfiillu nukittuffittut tunngaviusumik isigigitit

·Amerlasuunik suliaqarnissat nuannarigit

·Nukittuujusutit oqaloqatigiinnissinnaasorlu

·Ilisimasaqalerusuttutit, alapernaattutit aammalu allat isumaannik akuersaartuusutit

Uagut pilluta:

Atorfimmi uani annertuumik ataatsimoorfiusumut ilanngutissuutit: Immikkoortortaavugut najugaqatigiiffiit arfineq-pingasut, ataatsimut najugaqatigiiffiit arfineq-pingasut, sammisassaqartitsiviit marluk aammalu ikorfartorteqatigiit pingasut illoqarfinni Nuummi, Tasiilami Paamiunilu agguataarlutik inissisimasut.

Atorfik pissanganarluinnartoq neqeroorutigivarput immikkoortortami annertuumik ineriartorfiusumi. Ineriartornerup ilagiinnarpaa pitsaasumik aqutsisutut nutaatut immikkoortortatsinnut ilisarititsineq, ataavartumik siunnersorneqarluni oqaloqatiginninneq aammalu ataatsimoorfik ilisimasaqarfiusoq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Signe Petersen, oqarasuaat +299 58 16 67 imaluunniit e-mail: spet@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 448-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 21.-at, 2026