Tasiilami inuusuttut kulturikkut illuat ilinniartitsisunik piginnaasaqarluartunik pissarsiorpoq

Igdlo – Tasiilami inuusuttut kulturikkut illuat ilinniartitsisunik piginnaasaqarluartunik pissarsiorpoq

Igdlo ineriartortinneqarnissaa pillugu inuusuttunik sulisutullu suleqatigisassanik suleqatigiinnissamik soqutiginnippit? Igdlo tassaavoq Tasiilami inuusuttunut illuat, tassani ataatsimoorneq ineriartortitsisumillu sammisaqartarneq periarfissaralugit. Sulisoq pædagogiskiusumik ingerlatsinermik nukittorsaasinnaasoq, inuusuttullu inuunerannik nukittorsaasinnaasoq, siunissaminnullu periarfissanik pilersitsisinnaasoq pissarsiorneqarpoq.

Atorfik pillugu

∙Pædagogiskiusumik ingerlatsinermik akisussaaffimmik tigusisinnaasumik ujaasivugut, ilaatigut makkuninnga:

∙Illumi pædagogiskiusumik ingerlatsineq pitsaasumik ingerlateqqissallugu, pitsaasumik eqqarsarnermik tunngaveqartumik.

∙Inuusuttut suleqatigalugit sammisaqartitsinerit ilinniartitsisarnermillu pilersaarusiornerit ineriartortillugit.

∙Inuusuttut piginnaasaat ilinniarnissamullu kajumissuseqarnerannut nukittorsarsinnaasumik suliniutinik aqutsissinnaasoq.

∙Inuusuttut inuunermikkut unammilligassaqartut siunnersorlugit, inuttut ilinniarnermilu ineriartortinneranni tapersersorlugit.

∙Kommunimi, nunatsinni nunanilu allani suleqatigisat, soorlu atuarfik, BFA/BFC, kajumissutsimik suliallit peqatigiiffiit ilinniartitsisullu avataaneersut suleqatigiinnernik aaqqissuussisassaaq.

∙Silami sammisaqartitsinerit isumagissallugit, soorlu qimusserneq, umiatsiamik angalaneq, piniarneq, aalisarneq, qajaq, pisunneq Mountain Leader-imik sungiusarneq.

∙Illup atortorissaarutai, soorlu illut/umiatsiaaraq, aserfallatsaalisarnissaat peqataaffigalugit.

∙Aqutsisup sulinngiffeqarnerani angalaneranilu taarserlugu.

Neqeroorutigaarput suliffik:

∙Inuusuttut siunissaat pillugu anguniagaqarluartoq.

∙Suleriaatsinik sunniuteqarsinnaanermik akisussaaffeqarluartumillu.

∙Ataatsimoorfiusumik attaveqatigiinneq, ammasumik oqaloqatigiinneq.

∙Kommunimi suliffeqarfiit nunanilu allani suleqatigisat akornanni suleqatigiinneq.

∙Piginnaasatigut inuttullu ineriartortarnissamut periarfissalik.

Naatsorsuutigaarput:

∙Inuusuttunik sulinermik pædagogiskiusumik ilinniagaqarsimanissat imaluunniit misilittagaqartutit.

∙Silami sammisaqartitsinerit aserfallatsaaliinermillu suliaqarnermik misilittagaqartutit.

∙Pædagogiskiusumik anguniakkanik akisussaaffimmik tigusisinnaasutit.

∙Suleqatikkuminartuullutit attaveqariaatsinillu pitsaasumik.

∙Suliniutinik aqutsinermik ilinniartitsinermillu misilittagaqarlutit.

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Igdlo pillugu:

Igdlo tassaavoq inuusuttunut 14–30-nik ukiulinnut kulturikkut illu. Sammisaqarnerit assigiinngitsut neqeroorutigineqarput, illullu toqqissisimanartumik ineriartortitsisumillu ataatsimoorfiusuuvoq, tassani inuusuttunut peqataatitsineq akisussaaffeqartitsinerlu pingaartinneqarlutik.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Hans Poul Andersen, oqarasuaat +299 36 77 73 imaluunniit e-mail: hpan@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 953-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 2.-at, 2025

Atorfik una qinnuteqarfigiuk