PAASISSUTISSAT
Atorfiup suussusaa: Peqqissaasup ikiortaa
Suliffeqarfik: Kalaallit Nunaanni Peqqinnissaqarfik
Qinnuteqarfissamut killigititaq: 30. juuli 2025
Attavissaq: Ina Kilime Mikaelsen, e-mail: INAM@PEQQIK.GL , oqarasuaat +299 98 12 11 imaluunniit Inuuti Fleischer e-mail: INF@PEQQIK.GL, oqarasuaat + 299 34 44 20
Tasiilami Sundhedsassistentitut sulilersussaq-illiuit?
Sundhedsassistentimik 15. august immikkulluunniit isumaqatigiissuteqarnikkut atorfinivissinnaasumik pissarsiorpugut. Sivikinnerpaamik qaammatini pingasuni taartaasoqarsinnaavoq.
Tasiilami peqqissaavimmi sundhedsassistentitut; pingaarnertut- immikkoortortami uninngavimmi peqqissaanermik suliallit allat peqatigalugit- peqqissaanermik aaqqissuussineq ingerlatsinerlu akisussaaffigissavatit. Tamatuma peqatigisaanik, suleqatit allat peqatigalugit, immikkoortortami ullormut suliassanik aaqqissuussineq isumagisassaraat.
Tasiilami peqqissaavimmi nikittaattunik pigaartuuffeqartassaatit sapaatillu akunnerisa naanerini angerlarsimaffinniillu aggersarneqarsinnaallutit pigaartuusinnaasassallutit.
Neqeroorutigaagut:
- Sukumiisumik ilitsersorneqarneq.
- Ulluinnaat pissanganartut assigiinngitsorpassuarnik unammilligassartallit.
Pissarsiariniagarput:
- Illugiinnik oqaaseqarpoq.
- Eqaatsumik pissuseqarpoq nammineersinnaallunilu.
- Ilinniakkattaaq akimorlugit suleqatiginnillaqqissuuvoq.
- Eqqissisimasuuvoq sanngisuujullunilu.
Uagut:
- Illoqarfipput 1.900-inik inoqarpoq nunaqarfittaalu tallimaasut katillugit 1100-inik inoqarlutik.
- Ullut tamarmik assigiinngillat.
- Inussiarneersuuvugut.
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput
Sulilerfissaq: 15. august 2025
Qinnuteqarfissaq kingulleq: 30. juli 2025
Qinnuteqartunik oqaloqateqarnerit ataavartumik ingerlanneqassapput
Attavissat:
Atorfik pillugu paasissutissat: Immikkoortortami peqqissaasutut aqutsisuugallartoq Ina Kilime Mikaelsen oqarasuaatikkut: 98 12 11 imal. mailikkut: INAM@PEQQIK.GL /imal. Peqqinnissaqarfik Sermersuumi peqqissaasutut pisortaq Inuuti Fleischer oqarasuaatikkut: +299 34 44 20 imal. mailikkut: INF@PEQQIK.GL attavigalugit pissarsiarineqarsinnaapput.
Paasissutissat akissarsianut atorfininnermilu atugassarititaasunut tunngasut nalinginnaasut e-mailikkut: PERSONALE@PEQQIK.GL saaffiginninnikkut pissarsiarineqarsinnaapputtaaq.
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
Atorfik una qinnuteqarfigiuk
