Fakta
Atorfiup suussusaa: Teknikeri
Suliffeqarfik: Tusass A/S
Qinnuteqarfissamut killigititaq: Ingerlaavartumik
Attavissaq: Mikisuluk Hammeken, oqarasuaat +299 38 93 94
Nuna tamakkerlugu attaveqaqatigiinnerup patajaatsup tutsuiginartullu ingerlanneqarnera peqataaffigerusuppiuk? Tusass-imi Aasianni teknikkeritut atorfik pissanganartoq neqeroorutigaarput.
Kalaallit Nunaanni attaveqaateqarnermik ingerlatsinermi ineriartortitsinermilu Tusass pingaaruteqarluni inissisimavoq. Teknologimik atuinerup iluani ineriartortitsiuarnerup nalaani sulivugut, attaveqaannaavinnissaq, pitsaassuseq isumannaatsumillu attaveqaqatigiinnissaq piumasaaqaataallutik.
Taamaattumik pissarsiarerusupparput teknikeri namminersorsinnaassusilik, akisussaassuseqartoq teknikkikkut suliassanillu paasisimasaqarluartoq, Tusass-ip Aasianni teknikkerinut immikkoortortaqarfiani sulisussaq.
Immikkoortortaq Operate-p atuuffianut ilaavoq, T&I-p ataani teknikkimut immikkoortortap ataaniittoq. Immikkoortortami suliarineqartarput pitsaaliullunilu aserfallatsaaliuineq, iluarsartuussineq Upernavik-miit Sisimiut-nut sumiiffinni attaveqaatit atortuinit, aammalu najukkani illoqarfinni nunaqarfinnilu suliaqartartussaq.
Atorfik pillugu
Aasianni teknikkeritut qitiusumik atuuffeqassaatit, Tusass-ip attaveqaataasa ingerlajuarnissaat tutsuiginartuunissaallu qulakkeerniarlugit. Atorfimmi tassani pingaarnertut suliassaq tassaavoq Aasiaat Radioanik ingerlatsineq aserfallatsaaliuinerlu, aammalu timmisartunut attaveqaatit paaqqutaralugit. Suliassat immikkoortortatta transmission-iutaat aammalu Kunde Teknik-ip atortuutai tamakkerlugit ulluinnarni ingerlatsinermut aserfallatsaaliuinermullu tunngasuupput, radiokkut attaveqaatinut tunngasuni suliassanut upalungaarsimanissamillu suliaqarnernut peqataanermut tunngatillugu.
Suliassatit ilaatigut makkuupput:
Radioanik ingerlatsineq aserfallatsaaliuinerlu, aammalu timmisartunut attaveqaatit paaqqutaralugit
attaveqaatit LH aamma Minilink aserfallatsaaliunissaat (piumasaqaataangilaq, suliffiup iluani ilinniartitsissutigineqassaaq)
suliassanut peqataanissaq suliassanullu minnernut aqutsisuunissaq
akimorlugit suliassaqarfiup iluani ajoqutinik nassaarniarnermi iluarsartuussinermilu ataqatigiissaarinissaq
ajutoornermi upalungaarsimatinneranut peqataanissaq
allani ajoqutinik iluarsartuussinermi ikiortaaneq aamma nukingernartunik suliaqarneq, ingerlatsinermi eqqarsaatigisassat eqqarsaatigalugit
Atorfik angalasarnissamik piumasaqaateqarpoq, pingaartumik qulimiguullit angallatillu attartukkat atorlugit, angalanerillu sivisussusaat assigiinngisitaartuusarput.
Illit ujartugarput tassaavutit …
Teknikkikkut tunuliaqutigissaartoq aamma nalunaarasuartarnermi attaveqaatinilu atortunik atuinissamik misilittagalik. Aaqqissuussaasumik suleriaaseqarputit, akisussaassuseqartuullutit aamma eqqumaarillutit - aamma ilungersunartunik pisoqartillugu.
Naatsorsuutigaarput illit:
iluani teknikeritut ilinniarsimasuunissat, assersuutigalugu elektronikfagteknikeritut imaluunniit elektroniktenologitut imaluunniit assingusuni ingerlatsinermik teknikkikkullu aaqqissuussinerni ajoqutinik nassaarniartarnermi attuumassutilimmik piginnaanngorsarsimasuullutit misilittagaqarlutillu
teknikkikkut atortunik ikkussuinermik ingerlatsinermik misilittagaqarputit
Radioa pingaarnerutillugu attaveqaatirik misilittagaqarputit imaluunniit soqutigisaqarputit (sakkortusaaviit/radiokæde piumasaqaataanngillat, sulilernermi ilinniarneqarsinnaapput)
tekniskiusuni piuminaatsuni ataqatigiissutsinik misissuisinnaasuuvutit
IP-mik tunngaveqartut attaveqaqatigiinnermullu tunngasut pingaarnertigut paasisimavatit
peqqissaarlutik akisussaaffeqarlutillu sulisinnaavutit
ilaatigut ulapaarfiusartuni piffissamik paarsisinnaavutit, nikerartumik sulisarsinnaavutit sulinerillu nuannaralugu
aamma suliassaqarfiit akimorlugit ataqatigiissaasinnaasuuvutit
tuluttullu allassinnaallutillu oqalussinnaavutit (kalaallisoorsinnaaguit iluaqutaassaaq piumasaqaataanngilarli)
Neqeroorutigaagut
tekniskiusuni ineriartortuartuusuni atorfik pissanganarlunilu inuiaqatigiinnut pingaarutilik
naammassinninniarnermi kiffaanngissuseqarluarneq akisussaaffeqarnerlu
inutullu ineriartornissamut periarfissagissaarneq
avatangiisit nuannersut eqaatsullu, suleqatit tunniusimasut piginnaasallillu akornanni
naapertorlugit akissarsiarissaarneq
Soqutiginnippit?
Atorfik qinnuteqarfigineqarsinnaavoq CV aamma qinnuteqaat nassiullugit, attataasaq talerpiatungaaaniittoq toorlugu.
Qinnuteqaatit e-mailikkut nassiussat tiguneq ajorpagut.
Qinnuteqaatit takkuttut ataavartumik suliarisarpagut taamatullu oqaloqatigiinnerit ataavartumik ingerlattarlutigit. Atorfik inuttalerneqassaaq qinnuteqartoq eqqortoq nassaarineqarpat.
Atorfik pillugu apeqqutissaqaruit attaveqarfigisinnaavat immikkoortortami aqutsisoq Mikisuluk Hammeken, uunga sianerfigalugu +299 38 93 94.
Tusarfiginissat qilanaaraarput!
Tusass pillugu
Tusass tassaavoq Kalaallit Nunaat tamakkerlugu nalunaarasuartaaseriviullunilu allakkerivik, Nuummi qitiusumik qullersaqarfeqartoq. Inuit, suliffeqarfiit inuiaqatigiillu najukkaminniittut mobilikkut attaveqaatit, internettikkut attaviup sukkasuup, internettip, allakkeriveqarnerup aaqqissuussaanerullu attaveqatigiissippaat – aamma Kalaallit Nunaanni najugaqarfiit tamaasa imaatigut kabelit, radio aamma satellit atorlugit attassuteqartippagut.
Nuna akimorlugu suleqatigiit 350-it missaanniippugut attaveqaqatigiinnermi aaqqiissutissanik suliaqartartut, ulluinnarni inuiaqatigiillu kalaallit ineriartorneranni pingaaruteqarluinnartumik.
2025-mi suliffeqarfik atuunnermini ukiunik 100-nngortorsiorpoq, ”Tusass” -ili taaguutitut aatsaat 2021-mi atuutilersinneqarpoq isumaqarluni ”tusassaagut”. Atitta siunertarput ersersippaa: ataqatigiissinneqarneq – teknikkikkut inuttullu.
