Fakta
Atorfiup suussusaa: Teknisk chef
Suliffeqarfik: Royal Greenland
Qinnuteqarfissamut killigititaq: 16. december 2025.
Attavissaq: Hans Lars Olsen ugguuna haol@royalgreenland.com imaluunniit +299 52 26 20.
Royal Greenland A/S Teknikkikkut aqutsisumik nukittuumik pissarsiorpoq
Sisimiuni – aqutsinikkut unammilligassaq pissanganartoq
Teknikkimut aqutsisutut teknikkimut immikkoortortami sulisut 15-it akisussaaffigissavatit. Peqatigiillusi Sisimiuni, nunaqarfiinilu Sarfannguami Itillimilu, teknikki, illuutit qamutillu assakaasullit qaqugukkulluunniit ajunngitsumik isumannaallisaanikkullu illersorneqarsinnaasumik ingerlasinnaanerat isumagissavarsi.
Sisimiuni tunisassiorfiup pisortaanut attaveqassaatit, tunisassiorfimmilu aqutsisoqatigiinnut ilaassallutit.
Suliassatit pingaarnerit makkuussapput:
- Teknikkimut immikkoortortamut 15-nik sulisulimmut aqutsisuuneq
- Ingerlatsinermut, ataqatigiissaarinissamut aserfallatsaaliuinissamullu pilersaarusiorneq aamma tunisassiorfiup maskiinaanik atortuinillu ingerlatsineq
- Teknikkimut tunngasunik tamanik iluarsaassineq aserfallatsaaliuinerlu, Sisimiuni, Sarfannguani Itillimilu tunisassiorfinni
- Tunisassiorfiit atortullu pisortat piumasaqaataannik naammassinnissimanissaannik qulakkeerinninneq
- HACCP-imi paasissutissanik uppernarsaasersueqataaneq
- Suliffeqarfik akimorlugu pilersaarutinut peqataaneq, suliffeqarfissuarmi pilersaarutinut aqutsisut qanittumik suleqatigalugit
- Aningaasaliissutinut allanngortiterinernullu akisussaasuuneq – ingerlatsinermi aserfallatsaaliuinermilu aningaasartuutinik aqutsineq malittarinninnerlu
- Missingersuutinik malinninniarluni sukumiisumik malittarinninneq
Ilisarnaatigaatit:
- Maskinmesteritut, el-installatøritut assigisaanilluunniit ilinniarsimasuuvutit
- Du har solid teknisk erfaring fra fødevareindustrien, produktion og ledelse
- Kisitsisinik pingaarnernik KPI-nik suliaqarnermik misilittagaqarputit, anguniakkanik nassuiaasinnaaneq taakkualu atortuulersinneqarnissaannik malitseqartitsivigineqarnissaannillu qulakkeerisinnaallutit
- Namminersorsinnaassuseqatorujusuuvutit
- Aqutsisutut pisinnaasaqarluarputit suleqatikkuminartuullutillu
- Nalilersuilluarlutit, aaqqissuussaalluartumik tamanillu isiginnillutit sulisarputit
- Pissutsit piviusut misilittakkallu tunngavigalugit aalajangiisarputit
- Nammineq suliffeqarfillu sinnerlugu anguniagartuujuvutit
- Kissaatiginarpoq kalaallisut qallunaatullu oqaaseqartuunissat, aammali pisariaqarpoq tuluttut oqallorissuunissat
Neqeroorutigaagut
Suliffik pissanganartoq unamminartortaqartorlu suleqatigiinnik pimoorussisunik inuusuttunik inuttalik, aammalu pikkorissorpassuarnik suleqateqarfiusoq, aammalu inuttut suliamullu tunngatillugu ineriartoqqinnissamut pitsaasumik periarfissalik.
Akissarsiat atorfinitsitaanermilu atugassarititaasut pisinnaasarnut naapertuupput. Pequtit assartorneqarnerat malittarisassat atuuttut naapertorlugit nassiunneqassapput, atorfinikkiartorninnut atatillugu illit inoqutigisatillu angalanersi akeqanngitsoq.
Atorfimmut atatillugu inissaq neqeroorutigineqarsinnaavoq. Ineqarnermut akiliut il.il. Kalaallit Nunaanni sulisunut inissianut akilersuisarnermi malittarisassat atuuttut malillugit akilerneqartassapput.
Sunngiffik Sisimiuni eqqaanilu asseqanngitsumik periarfissaqarpoq. Pinngortitami misigisassarpassuit utaqqipput.
Royal Greenland suliffeqarfittut
Royal Greenland nunarsuarmi issittumi qalerualinnik aalisakkanillu tunisassiortut annersaasa ilagaat. Suliffeqarfissuaq Namminersorlutik Oqartussanit pigineqarpoq, ingerlataqarlunilu tunisassiorfinnik 40-nik amerlanerusunik aammalu nutaaliaalluinnartunik kilisaataateqarluni. Nunarsuaq tamakkerlugu 2.200 miss. sulisoqarnitsigut Issittoq nunarsuarmi niuerfinnut atassuteqartipparput aammalu siunnerfilimmik piujuartitsineq, pitsaassuseq naleqarnerulersitsinerlu sulissutigiuarlugit.
Nunat tamalaat akornanni suliffeqarfissuarmi aqutsisutut atorfeqalissaatit, ullut marluk assigiinngisaannangajattut suliffigilissallugit.
Paasissutissat annertunerusut
Atorfik pillugu apeqqutissaqaruit Sisimiuni tunisassiorfiup pisortaa, Hans Lars Olsen attavigisinnaavat haol@royalgreenland.com -imut imaluunniit oqarasuaat +299 52 26 60 atorlugu. Aamma attavigisinnaavat Søren Olsen Damgaard sold@royalgreenland.com -imut imaluunniit oqarasuaat + 299 54 75 87-imut.
Kingusinnerpaamik qinnuteqarfissaq inissinneqarpoq 16. decembari 2025-imut.
Tusarfiginissat qilanaaraarput.
Qinnuteqarnissamut killissarititaasoq: decembarip 16.-at, 2025
Atorfik una qinnuteqarfigiuk
