Tiimimusiaqartussamik, Service Økonominut Guidenngornianullu ilinniartitsisussarsiorneq – Campus Kujalleq

Campus Kujallermi Takornarialerinermik immikkoortortaqarfik tiimimusiaqartussamik Service Økonominut aammalu Guide-nngornianut ilinniartitsisumik tunniusimasumik ujaasivoq. Sulilernissaq: 15. august 2025 imaluunniit isumaqatigiissuteqarnikkut.

Ulluunerani atuartitsinermut immikkut piginnaanillit ilinniartitsisut immikkut salliunneqassapput, makkuninnga suliaqarsinnaasut:

• Social Science & Methodology
• Service Management & Customer Relations
• Organization & Management
• Creativity & Innovation

Tiimimusiaqarluni ilinniartitsisumut atorfik

Suliassatit ukuussapput:

• Atuartitsinermut pilersaarusiorneq, atuartitsineq taavalu misilitsitsineq
• Atuartitsinermi atortunik ineriartortitsineq aammalu ilinniartitsinermi periaatsinik atuartunut naleqqussaanissaq
• Suliassat suliniutillu pillugit atuartunut siunnersuisarnerit
• Ilinniartitsisunut allanut suleqateqarneq – immikkut ilisimasallit akimorlugu
• Atuarfik ilikkagaqarnissamut inissaqartitsisoq aammalu kajumilersitsisoq pilersinnissaanut peqataaneq

Naatsorsuutigineqartut:

• Attuumassutilimmik ilinniagaqarsimaneq – immikkut takornariaqarnermut aammalu sullissinermut tunngasuugunik iluaqutaassaaq
• Ilinniartitsinermut misilittagaqarneq – assersuutigalugu ilinniarnertuunngorniarfimmi imaluunniit ilinniarfinni allani
• Kalaallisut, danskisut aammalu tuluttut oqalussinnaaneq allassinnaanerlu
• Pædagogiskimik eqqarsarsinnaaneq aammalu inuusuttut ilinniagaqarnerannut ineriartortinnissaannullu soqutigisaqarluartoq
• Suleqatikkuminartoq aammalu ilinniartitsisutut ataatsimoorfiusumi suleqataarusuttoq

Neqeroorutigaagut:

• Suliffik pissanganartoq aammalu isumaqarluartoq – atuartunut qanittumik suleqatigiiffiusoq
• Suleqatit pitsaasut aammalu ilinniarnermi avatangiisit nukittuujusut
• Inuttut aammalu ilinniartitsisutut ineriartortarnissamut periarfissat pitsaasut

Campus Kujallermi Takornarilerinermik immikkoortortaqarfik Campus Kujallermut ilaavoq, tassani EUD aamma Ilinniarnertuunngorniarfik immikkoortortaqarlutik. Takornarialerinermik ilinniarfimmi suliffeqassaatit, kisianni pisariaqartitsisoqartillugu immikkoortortani allani suliassinneqartarsinnaavutit.

Atuarfimmi suleqatigiinneq pingaaruteqartoq aammalu ataatsimoornermik pilersitsiffiusoq pingaartillugu sulerusukkuit– taava illit uagut ujarpatsigit.

Qinnuteqarnissamut killigititaq:

Tallimanngorneq 8. august 2025 nal. 13:00. Oqaloqatiginninnerit ataavartumik ingerlanneqarsinnaapput.

Sulilernissaq: 15. august 2025 imaluunniit isumaqatigiissuteqarnikkut.

Paasissutissanik pisariaqartitsiguit, attaveqarfigisinnaavat Ilinniartitaanermik pisortaq Aaju Simonsen, e-mail: as@cak.gl imaluunniit oqarasuaatikkut: +299 647886.

Oqaloqatigiinnerit Teams atorlugu imaluunniit Campus Kujallermi ingerlanneqassapput – kingusinnerpaamik ulloq 13. august 2025 naammassineqarnissaat naatsorsuutigineqarpoq.

Akissarsiat aammalu atorfininnermut atugassarititaasut

Ilinniartitsinermut tunngatillugu akissarsiat Namminersorlutik Oqartussanit atuutsinneqartut naapertorlugit ingerlanneqassapput, tassa lønart 6042 Timelønnet undervisning sats B naapertorlugit. Suliassat allat immikkut isumaqatigiissuteqarnikkut lønart 6044 lønsats D-t naapertorlugit akissarsiaqartinneqassapput. Suliassanik annertussusilerneq pisassaaq aqutsisumik attaveqarnikkut, pisariaqartitsineq tunngavigalugu.

Ineqarneq

Atorfininnermut atatillugu ineqarnissamut imaluunniit pisattanik tikisitsinissamut periarfissaqanngilaq.

Qinnuteqaat nassiuguk

Qinnuteqaat, CV, ilinniarsimanermut uppernarsaatit aammalu allanik naleqquttunik uppernarsaatit ”Send ansøgning” toorlugu nassiuguk. E-mail atorlugu qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk