Tikiusaaq Perorsaasumik sulisussarsiorpoq

Akuleriinni Meeqqerivik Tikiusaaq-mi pædagogimik sulisussarsiorpugut

Illiusimassaaq meeqqamut-/nut isumassuinermik, qanilaassusermik eqqissisimatsitinissamillu piginnaasaqarlutillu pikkoriffeqarnerpaaq. Taammaalillutit meeqqap meeqqerivimmiinermini ullorisaa toqqissisimanartuutinnissaanik anguniagaqartarlutit.

Taammaappat atorfik ilinnut naleqqussimassaaq. Soqutigigukkuli;

Naatsorsuutigaarput:

∙Pædagogitut assingusumilluunniit ilinniagaqartutit.

∙Meeqqap pisariaqartitaanik eqqummaarissuusutit iliuuseqartarlutillu.

∙Kikkunnulluuniit akuersaarlutillu inissaqartsitisuusutit.

∙Periarfissarsiullaqqissutit nutaaliorusussuseqartutillu.

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaarput:

∙Suleqatit tikilluaqqusisut

∙Suleqatit ammasut nuannaartullu

∙Inuttut sulisutullu ineriartornermik periarfissaqartsitisoq.

∙Atuisut akornanni attaveqatigiilluarnermi periuseqarneq.

Meeqqerivik Tikiusaaq Kommuneqarfik Sermersooq-miit ingerlanneqarpoq. Arsaatarfiup Inussivik-ullu eqqaani eqqissisimanartumi inissisimavoq.

Ulluinnarni nal. 7:00-17:00 ammasarpoq.

Akuleriinni Meeqqerivik Tikiusaaq meeqqanut 96-nut inissaqarpoq. Immikkoortortanillu marlunnut avinnikuulluni. Meeraaqqerivittaani meeqqat 36-t, ininut pingasunut agguataarnikuulluti. Meeqqerivittaanilu meeqqat 60-t ininut pingasunut agguataarnikuullutik.

Sulisut 22-put, imalu agguataarnikuullutik; aqutsisoq, tullersorti, immikkoortortami aqutsisoq, pædagogit 4-t, inunninnik isumaginninnermi ikiortit 6-t, ikiortit 6-t, igasoq, eqqiaasoq, igaffimmi/eqqiaanermilu ikiorti.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Elisabeth Sikemsen, oqarasuaat +299 36 67 20 imaluunniit e-mail: elsi@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1081-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: novembarip 11.-at, 2025

Atorfik una qinnuteqarfigiuk