Timimik sungiusaasut Pillorissaasullu pillorissaasumik pissarsiorpoq

Kommuneqarfik Sermersuumi Nuummi Timimik sungiusaasut Pillorissaasullu piginnaanngorsartarfimmi pillorissaasutut atorfik aalajangersimasumik atorfeqartussamik inuttassarsiuuppaat

Pillorissaasumik pissarsiorpugut, ajornanngippat 2026-mi februaarip aalaaqaataanii tamatumaluunniit kinguninngua atorfinittussamik.

Kalaallit angerlarsimaffiinut ornigullutit kulturiat oqaasiilu oqalutsi ikiortigalugu takusaqarfigerusuppiuk piginnaanngorsaanermillu suliaqarnikkut innuttaasup nammineersinnaanerulernissaanik ikiuukkusullutit? Taamaappat immaqa illit atorfissaqartippatsigit.

Suleqatigiiuvugut, timimik sungiusaanermut pillorissaanermullu tunngasunik suliallit, pinngortitaq kulturilu alutornaqisut misigerusullugit qangalilu takorluulernikuusatsinnik piviusunngortitserusulluta Kalaallit Nunaannukarnikuusut. Inuit ilassilluarnissaat pingaartitaraarput, innuttaasullu qassinilluunniit ukiullit timikkut, eqqarsartaatsikkut, maluginiutikkut aamma/imaluunniit tarnikkut piginnaasakillisimasut ulluinnarni nammineersinnaanerulernissaannut ikiuuttarluta.

Taamaaliortarpugut ilaatigut:

∙Piginnaanernik attassiinnartitsinermik sungiusaaneq, ataasiakkaarinikkut holdikkaartumilluunniit

∙Innuttaasut inuunerminni nammineersinnaanerunissamut, orniguteriaannaalernissamut peqataalluarsinnaalernissamullu iluaqusersuutinik mikisunik angisuunillu tunineqarnissaannut nalilersuineq, atukkiineq tunniussinerlu

∙Isumaqarluartunik sammisassaqartitsinikkut ulluinnarni piginnaasanik sungiusaaneq

Pillorissaasut aamma timimik sungiusaasut suleqatigiit suliassaat pingaarnernut sisamanut agguagaapput aamma immikkut ittumik suliaqarfimmik ataatsimik peqarpoq:

∙Meeqqat, Inersimasut, Piginnaanngorsaqqiineq aamma Innarluutilinnik Tarnimikkullu napparsimasunik suliassaqarfik kiisalu pillorissaasoq ataaseq teknologii atorlugu isumaginninnermi suliniutinut immikkut akisussaavoq. Suliassat nutaat pissanganartullu nalaanneqartuaannarput, maaniillunilu assigiinngitsutigut pissarsiaqarnartarpoq

∙Nuummi angerlarsimaffeqassaatit, angerlarsimaffimmi ikiortit tulleriissaarisartullu kiisalu oqilisaassisarfik Pillorissaavik qanimut suleqatigisassallugit

∙Atorfik Nuummi allaffeqarfimmi ataatsimoorussami ulloq naallugu sapaatip akunneranut 40 tiimit suliffiuvoq

Pillorissaasup suliassai:

∙Innuttaasunut napparsimavimmi uninngasimasunut, piginnaasakillisimasunut angerlarsimaffimmilu ikiorneqarnermik imaluunniit annertunerusumik angerlarsimaffimmi ikiortimik pisariaqartitsisunik suliassaqarfiit allat peqatigalugit piginnaanngorsaqqinnerit

∙Ulluinnarni suliassat pillugit piginnaanngorsaqqiineq sumiiffimmi pillorissaasoq angerlarsimaffimmilu ikiortit suleqatigalugit

∙Innuttaasup angerlarsimaffiani imaluunniit qasuersaartitsisarfimmi timip uninngatiinnannginnissaa siunertaralugu eqaarsaartitsineq

∙Qinnuteqaatinik suliaqarneq iluaqusersuutissanik aamma inigisami allannguutit

∙Iluaqusersuutinik pisiniarnerit, tunniussineq kiisalu iluaqusersuutinik sungiusaaneq/ilitsersuineq

∙Suliassaqarfinnut allanut, kommunip utoqqarnik paaqqinnittarfiini sammisassaqartitsiviinilu suleqatigilluartakkani paasissutissanik ingerlatitseqqiillaqqissoq

∙Allaffissornikkut suliassat

∙Susassaqarfiit arlallit suleqatigiinnerat

∙Pillorissaasut aamma timimik sungiusaasut suleqatigiinni suliassaannik kivitseqataaneq

Pisariaqartitarput tassaavoq:

∙Pillorissaasutut ilinniagalik

∙Ajornanngippat piginnaanngorsaanermik misilittagalik

∙Nammineersinnaassusilik sulinermilu nammineq aaqqissuussisinnaasoq

∙Iluaqusersuutinut tunngasunik ilisimasalik

∙Isumassarsiullaqqissuusutit, iliuuseqarusussuseqartoq sulianullu eqqarsallaqqissuseqarneq

∙Kulturini assigiinngitsuniissinnaaneq

∙Sungiussiasutit aamma allanngueriaannaassuseqartutit

∙Suleqatigiinnut suleqataalluarneq, ammasoq inissaqartitsilluarnerlu

∙Ingerlatitseqqiilluarsinnaasutit - suleqatigiinnullu allanut ilinniartitsilluarsinnaallutik

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigivagut:

∙Pitsaasumik ilisarititsineq

∙Suliffeqarfik pissanganartoq illit annertuumik sunniuteqarfigisinnaasat

∙Pillorissaasut aamma timimik sungiusaasut suleqatigiinni ingerlalluartuni sulianut tunngasunik siunnersueqatigiilluartarneq

∙Suliassat assigiinngiiaartut pissanganartullu

∙Suleqatit pikkorissut piumassusillillu

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Pillorissaasut aamma timimik sungiusaasut suleqatigiinni aqutsisoq Heidi Paneeraq Møller, oqarasuaat +299 36 73 68 imaluunniit e-mail: hepm@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1211-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 8.-at, 2025

Atorfik una qinnuteqarfigiuk