Timitalittut pilersaarusiornermut, inuiaqatigiillu ineriartornerinut soqutigisalittut inatsisileritooq. Aningaasaqarnermut Akileraartitsinermullu Naalakkersuisoqarfik ilaatigut naammagittaalliuutitut suliassanut inatsisilerinermi suleqammik pimoorussalimmik inuttassarsiorpoq

Timitalittut pilersaarusiornermut, inuiaqatigiillu ineriartornerinut soqutigisalittut inatsisileritooq. Aningaasaqarnermut Akileraartitsinermullu Naalakkersuisoqarfik ilaatigut naammagittaalliuutitut suliassanut inatsisilerinermi suleqammik pimoorussalimmik inuttassarsiorpoq

 Tassaarusuppit Aningaasaqarnermut Akileraartarnermullu Naalakkersuisoqarfimmi inatsisilerinermik suliaqarnermi pingaarutilittut ilaasoq? Inatsisilerinerup nunamullu tamarmut pilersaarusiornerup akornanni sunniivigeqatigiiffimmi sulinissamut piginnaaneqarlutillu piumassuseqarpit?

Immikkoortoqarfitsinnut Inatsisileriffimmut Nunamullu tamarmut pilersaarusiorfimmut suleqatigiinni inatsisilerisartumik inuttassarsiorpugut. Immikkoortoqarfimmi ilaatigut suliagut tassaapput akileraarutit, akitsuutit, akiliisitsiniarnerit, nunamut tamarmut pilersaarusiornerit, aamma pisortani aningaasaqarnermik aqutsinerit.

Suliffik assigiinngiiaartunik suliassartalik, aamma immikkoortoqarfimmi inatsisilerisartut sulisullu sinnerinik ataatsimoorfeqarlunilu illit inatsisilerisutut piginnaasavit ineriartortinnissaannik periarfissalik neqeroorutigaarput. Nunamik tamarmiusumik pilersaarusiornermut suliassaqarfimmut ataveqassaatit, ingammillu nunami namminermi inissisimaffimmi pingaarnertut timitalittut pileraarusiornermut attuumassutilinnik suliassanik suliaqassallutit. Suliassaniipput nuna tamakkerlugu nalunaarusianik suliaqarlunilu nutaanik ilalersuisarnerit, kommunit pilersaarutaannik ataqatigiissaarisarnerit, timitalittut pilersaarusiornerit pillugit siunnersuisarnerit, kiisalu illoqarfinni inoqarfinnilu piujuartitsisutut ineriartortitsinerup isumannaarnissaa. Tamakku saniatigut nunaminertanik aqutsinerit, kommunit aalajangiussaannut naammagittaalliuutinik suliaqarnerit, nunaminertanik atuisarnernut inatsisinik malittarisassianillu, ilaallutik tusarniaanerit, aamma sanaartornermik suliniutinut anginerusunut akuersissuteqartarnernut ingerlattakkanik suliarisassaqartassaaq. Malittarisassiornernut peqataaqataasassaatit.

Pingaarnertut nunami tamarmi pilersaarusiornermik suliassaqarfiup iluani suliassat isumagisassavatit, aammali immikkoortoqarfimmi suliassaqarfiit allat iluini, soorlu pisortat aningaasaqarnermik aqutsineranni inatsisilerinikkut suliassanik allanik isumagisaqartarnissat naatsorsuutigissavat.

Sulianut tunngatillugu pimoorussisuuvutit, aammalu suliassannut nukissaqarlutillu nutaanik sammisaqarusussuseqarlutit tikitaqartarputit. Imminut najoqqutassaqartillutit sulisarputit, aammali ulluni atukkanni pingaarnersiugaasut allanngorsinnaaffiini iluarinnissimaartartuuvutit.

Suleqatigiit nukittuujunissarput assut pingaartuutipparput, tamaanilu immitsinnut ikiortarlutalu isumasioqatigiittarpugut, aammali najoqqutassialigaanngitsumik oqaloqateqarnissamut, aammalu suleqatinik kaffisoqatigiinnissamut inissaqartitsisoqarpoq.

Suut naatsorsuutigisinnaavigit?

Tassaavutit …

• Namminersorlutik Oqartussani inatsisilerinermik immikkoortoqarfiit annerpaat ilaanni ilaalersoq – aammalu illit inatsisilerinermik piginnaasannik ineriartortitsisoq,

• Aningaasaqarnermut Akileraartitsinermullu Immikkoortoqarfimmi ilaalersoq, taassumalu ilisarnaatigai najoqqutassialigaanngitsumik akunnermi oqaluusereriaaseqarneq, naalakkiisarfiit qanimut ittut, aamma suleqatigisat pimoorussisut,

• taakku suliaqarfigisartakkamik iluini pikkorilluinnartunik suleqateqartussaq,

• suliassanik, innuttaasunut assigiinngissuseqartitsisunik iluarsiinerni peqataasartoq,

• namminersuutigisannik sulianik isumaginninnermik suliaqartartoq,

• nunamut tamarmut pilersaarusiornerup aningaasaqarnerullu iluini inatsisilerinermik siunnersuisarnermik suliaqartartussaq, ilallutik malittarisassioqataasarnerit, aamma kommuninut, pisortanilu oqartussaasoqarfinnut allanut tusarniaanermut akissutinik suliaqartarnerit,

• pisortanik qullersarisanik siunnersuisartussaq.

Ilinniagarisatit misilittakkatillu

Tassaavutit …

• cand.jur.-itut imaluunniit cand.merc.jur.-itut ilinniagalik,

• ajornanngippat ukiualunni misilittagaqartoq, aammali nutaamik ilinniagaqarlaaq pikkorissoq pimoorussisorlu isumaliutigineqarsinnaavoq, aamma

• suliarisatsinni ataatsimik, imaluunniit arlalinnik ilisimasalik soqutigisalillu. Pitsaasumik ilinniartitsinissaq isumasioqatigiittarnerlu qulakkeerparput, taamaattumillu tamakku piumasaqaataanngillat.

Ilassutitut piginnaasatit

Tassaavutit …

• oqaluttariatigut allattariatigullu oqaasiliullaqqissoq,

• kalaallit oqaasiinik oqalussinnaallunilu allassinnaasuunerit ajorineqassanngilluinnarpoq,

• inatsisilerinermik piginnaasaqanngitsumut oqariartuummik paasisaqartitsilluni attaveqaqatiginnissinnaasoq,

• sulianut tunngasunut eqimattoqarfinnik – gruppinik – arlalinnik suleqateqarsinnaasoq,

• suleqatiginninnermut tunngasuutitaminik tikitsisartoq,

• allataasunik misissueqqissaarinermik piginnaasaqarluartoq, ajornanngippallu kisitsisinik paasinnillaqqissoq, aamma

• ajornanngippat kalaallit kulturiannut, kalaallillu inuiaqatigiivinut ilisimasalik.

Makku neqeroorutigaagut …

• pikkorissartitsinerit aamma ilinniartitaanerit, taamaalillutit Namminersorlutik Oqartussani atorfilittut inissisimaffissannut piginnaasaqarlualissagavit,

• nutserneq aamma inissiaqarneq. Illit, ajornanngippat ilaquttatit pigisatillu Nuummut nutsertinniarlugit, kiisalu ilinnut imaluunniit ilissinnut inissiamik innersuussiniarluni Namminersorlutik Oqartussat isumaginnittuupput,

• sulisunut peqatigiiffik suliaqarfiusoq, kajungernartunik neqerooruteqartoq, inooqatigiiffimmi aaqqissuussisartoq, aammalu sulisunut iluaqutissanik pilik,

• kantiinami aaqqiissutitsialak, nunatta pisuussutaanik sammisalik.

Aningaasarsiaqarnermut atorfinitsitaanermilu pissutsit

Sulinerup nalaa tassaavoq sapaatip akunnerani nal. akunneri 40-t.

Aningaasarsiaqarnermut atorfinitsitaanermullu atugassarisat atorfiniffiup nalaani Namminersorlutik Oqartussat, pineqartullu isumaqatiginninniarsinnaatitaasutut kattuffiata akornanni isumaqatigiissut atuuttoq najoqqutaralugu.

Atorfik aallaaviatigut AC-fuldmægtigimut tunngavoq. Qinnuteqartoq attuumassutilimmik naammattumik misilittagaqassappat, aammalu special- imaluunniit chefkonsulentitut atorfinitsitaanissamut sulianut tunngasutigut piginnaasaqassappat taamatut atorfinitsitsinissaq oqaluuserineqarsinnaassaaq.

Naalagaaffimmi atorfilittat, aammalu AC-mi isumaqatigiissutit arlallit malillugit atorfillit, ilaatigut DJØF-ip aamma Finansministereqarfiup akornanni isumaqatigiissut malillugu, Namminersorlutik Oqartussani atorfeqarnermut atatillugu aningaasariaqarfiginngisamik sulinngiffeqarnissamut pisinnaatitaaffeqarput. Taamatuttaaq Namminersorlutik Oqartussani atorfeqarnerup nalaani aningaasarsiaqarfiginngisamik sulinngiffeqarnissamut qinnuteqaatinut naapitsiniartarnissaq pillugu Indenrigsministereqarfik kommuninut nunallu immikkoortuinut innersuussisimavoq. Sulinngiffeqarnissaq pillugu aalajangersakkani aamma ilaapput Namminersorlutik Oqartussani inunnut atorfeqartunut nuliarisat-uigisat/inooqatigisat.

Suiaassuseq, inuiattut tunuliaqutaqarneq, upperisat, imaluunniit innarluuteqarnerit apeqqutaatinnagit naligiissitsinissamik siuarsaaneq Naalakkersuisoqarfiup kissaatigaa. Taamatuttaaq inuttut inuunermi misilittagaqarneq, inuttullu inerisimassuseq iluaqutaasutut isigisaraavut.

Najugaq

Atorfiup aappaanut atatillugu atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Nuuk pillugu

Naalakkersuisoqarfik Kalaallit Nunaanni illoqarfimmi pingaarnerpaami Nuummi inissisimavoq. Issittumi illoqarferujussuartut, nunatallu pinnersup akulerusimanerini illoqarfiup neqeroorutigai nipilersortunik tusarnaartitsinerit, peqatigiiffileriffiit, cafénut neriniartarfinnullu periarfissat, pisiniarfissat, aamma eqqumiitsulianik kultureqarnermilu misigisassat. Nuup eqqaani pinngortitamiipput timersornermi silamilu suliassanut periarfissatsialaat, soorlu sisorariartarfik, ujakkaarluni sisoraasersorfiit, aalisarnerit, piniarnerit, immakkut angalaarnerit pisuttuarfissallu.

Annertunermik paasissutissat

Atorfik pillugu erseqqinnerusumik paasissutissat pissarsiarissavatit immikkoortoqarfiup pisortaanut, Morten W. Selvejerimut saaffiginninnikkut, ukunatigut: oq. +299 34 65 28 imaluunniit e-mail: mws@nanoq.gl, imaluunniit specialkonsulentimut, Ingrid Mølgaardimut, oq. +299 34 67 13 imaluunniit e-mail: inml@nanoq.gl.

Qinnuteqaat aamma atorfiniffik

Qinnuteqarnermut killiliussaq tassaavoq ulloq 13. juni 2025.

Atorfiniffik tassaavoq 1. september 2025.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk