Timmiaaqqanut Meeqqerisutut Isumaginninnermi ikiortilluunniit pingasut

Meeqqerisutut / Isumaginninnermi ikiortitut ilinniagallit pingasut aalajaatsut akuleriinnik meeqqerivik Timmiaaqqani sulilersinnaasut pissarsiariumaneqarput.

Meeqqanut ineriartortitseqataarusuppit?

Ingerlatsinermik, attassinermut ineriartortitsinermullu suleqataarusuppit?

Maani qanimut attaveqatigiinnerit pingaartinneqaqaat, meeqqallu eqimattaqatigiit ataasiakkaat ineriartornerat atugarissaarnerallu ukkatarineqarput. 

Taava suliffissaqartippatsigit.

Meeqqat alapernaatsut, tatitussusillit, peqqissut nuannaartullu Kommunitta anguniagai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.

Anguniakkat aallaavigalugit sulineq makkununnga:

∙Meeqqat toqqissisimasumik ineriartornissaanut periarfissinneqarnissaat

∙Meeqqat assigiinngitsunik suliaqarsinnaanerannut kaammattuineq tapersersuinerlu

∙Pisariaqartitsineranni piareersimaffiginninneq

∙Meeqqat oqaloqatigineqartarnissaat soorlu oqaloqatigineqarusuttarnitsitut

∙Meeqqat namminiussuseqarlutik inuiaqatigiit akornanni inuunissaannut piareersarneqarnissaat, ikiorneqarnissaat

∙Inuttut kinaassusiisa inerikkiartortinneqarnissaat, inuttut qanoq ittuunerisa akuersaarnerisigut ataqqinerisigullu, nukittuffiini sanngiiffiinilu nukittorsarlugillu tapersersorlugit

Timmiaaqqat pillugu:

Meeqqerivitsinni meeqqat ukiui akuleriiaartuupput, meeraaqqerivimmi meeqqat 36-t ininut pingasunut agguataagaapput, meeqqerivittaani meeqqat 64-t ininut sisamanut agguataagaallutik.

Inini ataasiakkaani tamani perorsaasoqarpoq ataatsimik, isumaginninnermilu ataatsimik ikiorteqarluni aammalu ataatsimik ikiorteqarluni. Taakku saniatigut igasoqarpoq igaffimmilu ikiorteqarluni ataatsimik, eqqiaasoqarlunilu ataatsimik.

Suliffik qanoq ittoq neqeroorutigisinnaavarput:

∙Uagutsinnut pingaaruteqarpoq meeqqat ulluinnarnik ataqatigiissunik toqqissimanartunillu misigisaqarnissaat inunnut pitsaasumik attaveqarneq aqqutigalugu

∙Naatsorsuutigaarput illit paaqqinnittarfiup anguniagaanut sinaakkutissanik pilersitseqataassasutit taakkununngalu tapersersuissasutit

∙Suliffimmi ulluinnarni sammisanut annertuumik sunniuteqarfigisinnaasat neqeroorutigaarput

∙Meeqqeriviuvungut 1973-mi sanaajusoq, taamaammat torsuusaq meeqqaanut atisaajartarfiullunilu katerisimaartarfigivarput

Qinnuteqartumut naatsorsuutigineqartut:

∙Meeqqerisutut/Isumaginninnermi ikiortitut ilinniarsimasuunissat

∙Nammineq akisussaaffimmik tigusisinnaavutit namminersorlutillu sulisinnaallutit

∙Suleqatinut angajoqqaanullu suleqatiginnikkumavutit

∙Allanngortitsinissamut piareersimasuuvutit

∙Meeqqanut ineriartuutaasunik sammisaqartitsinernik pilersaarusiorsinnaavutit

∙Perorsaasoq peqanngitillugu akisussaaffimmik tigusisinnaassasutit.

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisuugallartoq Karen Lundblad, oqarasuaat +299 36 68 70 imaluunniit e-mail: kaad@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 257-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 30.-at, 2026