Tunisinermut pisortaq B2B

Tusassip B2B immikkoortortaqarfiani tunisinermut immikkoortortami aqutsillutillu ineriartortitserusuppit, tamatumalu saniatigut tunisinermi aammalu angallassinermut ataqatigiissaarinermi sulisunut akisussaasuullutit?

Taamaappat Tusass A/S-imi amigaatigaatsigit.

Atorfik pillugu

Tunisinermut pisortatut B2B tunisinermut periusissiat pilersaarutillu, suliffeqarfiup anguniagaannut takorluugaanullu naleqqiuttut, ineriartortinneri aammalu piviusunngortinneri akisussaaffigissavatit. Tamatuma saniatigut suleqatigiit qulit, tuniniaasartut 9-t aammalu angallassinermut ataqatigiissaarinermut pisortaq ingerlallugit ineriartortitassatut akisussaaffigilissavatit.

Tusass suliffeqarfinnut sullitanut atuisuuffinnik assigiinngitsorpassuarnik neqerooruteqarpoq, tamatumani suliffeqarfinni oqarasuaateqarneq aammalu interneteqarneq. Taakkulu saniatigut suliaqarfiusuni pingasuusuni, nunatsinni suliffeqarfinnut digitaliseeriinermut tunngaviusunik suliaqartunik ukkatarisaqartoqarpoq. Ukuuppullu Attaviit, Hosting aammalu Cloud IT. Tusassip aamma suliffeqarfiit minnernut, akunnattunut aammalu anginerusunut qarasaasiakkut isumannaatsuunissamut tunngatillugu neqerooruteqarpoq. Atuisuuffiit taakku aallaavigalugit Tusassip suliffeqarfiit pisariaqartitaannik qulakkeereqataalluni suliaqartarpoq, suliffeqarfiusut taamaasillutik namminneq suliassatik ukkatarisinnaalertarpaat.

Suliassaq qitiusut:

Atorfimmi akisussaaffiusut annertullutillu siammasipput. Akisussaaffigissavammi suleqatigiinni aqutsineq aammalu ineriartortitsineq, tamatumanilu atugarissaarnissaat, pilersitsisinnaanerulernissaat aammalu sulerusussusaannillu annertusaaneq, inernigissaarnerulerneq, suleqatigiilluarneq aammalu ataavartumik piginnaanngorsaaneq.

Tamatumalu saniatigut:

• Sullitat salliussat aammalu suleqataasunut ilisimanninneq ineritsikkiartorneri aammalu nukittorsarneri aammattaaq angallassinermut ataqatigiissaarinermut aammalu suliffeqarfinnut sullissinermut isertitanik anngussinnaanissaq aammalu atuisut ilorrisimaarnissaat anguniarneqassaaq.
• Niuernermi unammillertoqarnermilu periuutsit misissornikkut, tunisinissamut annertusarnissamullu periarfissanik nutaanik ujartuineq aammalu neqeroorutinik sanalluakkanik pilersitsisinnaaneq.
• Tunisinermut- aammalu isertitassanut anguniakkanik tamatumunngalu ilanngullugit missingersuusiorneq aammalu taakku anguniarneranni periusissiorneq.
• Ataatsimiinnerit atuisut pingaartut aammalu tunisisartut akornganni isumaqatigiissusiornerit pingaarutillit ilaaffigineri.
• Tunisinermut inerninik, niuernermi ineriartorneq missingersuutinillu nalunaarusiorneq aammalu saqqummiineq.
• Ingerlaavartumik immikkoortortaqarfimmi suleriaaseq aammalu pisariaqartillugu atortorissaarutinik inerisaaneq aammalu pitsanngorsaaneq.

Naatsorsuutigaarput illit:

• ilinniagaqartutit soorlu,inuussutissarsiornikkut aningaasarsiorneq, nittarsaassinermut, tunisineq, assartuinermut ataqatigiissaarinermut imaluunniit allamik assingusumik.
• tunngatillugu suliffeqarfinni imaluunniit suliffeqarfinni allani assingusuni tunisinermi tunisinermilu aqutsinermik annertuumik misilittagaqartutit.
• tunniusimallutit isummersuillaqqittutit, ataqatigiinnernik nukittuunik pilersitsisinnaallutit, taamatullu suleqativit sulisuillu akornganni atugassarissaanermik ineriartortitsinermillu pilersitsisinnaallutit. Attaveqallaqqissuusutit, piginnaasaqarlutillu piumassuseqarlutit suleqatinnut piumassutsimik sulerusussutsimillu pilersitsisinnaasutit – tassa imaappoq suliffimmi pissuserissaarnissamut, atugarisanut pitsaasunik innarligassaanngitsunik pilersitsisinnaassuseqartutit.
• ilisimasaqartutit aammalu allanik tunisinermut atortorissaarutaasuni ilisimasaqarluartutit aammattaaq attaveqaasersuinermut atortunik atuisuuffinnillu naliginnaasumik ilisimasaqartutit.
• tuluttullu allattariarsornikkut oqaluttariarsornikkullu piginnaaseqarluartutit aammalu Kalallisut piginnaasaqaruit iluaqutaassaqaaq.

Tusass pillugu

Tusass A/S Namminersorlutik Oqartussanit pigineqarpoq Nunatsinni oqarasuaateqarnikkut attaveqaqatigiinnermi assartuinermut ataqatigiissaarinermilu pilersuisuulluni, 350-inik pimoorussisunik piukkunnaateqarluartunillu sulisoqarpoq kiisalu DKK 823 mio.-inik kaaviaartitaqarluni. Nuummi qullersaqarfeqarpoq nunalu tamakkerlugu oqarasuaateqarnermi attaveqaqatigiinnermut kabelimik, ledningeqanngitsumik qaammataasakkullu atortorissaarusersuisuulluni, kiisalu allakkeriveqarnermi assartuinermut ataqatigiissaarinermik suliaqartuulluni. Tusassip suliassaasa pingaarnerit ilagaat atortulersuutinik piujuartitsisunik isumannaatsunillu ineriartortitsinissaq, inuiaqatigiinnilu digitalikkut pisariaqartitanik tapersiinissaq.

Neqeroorutigaarput:

Tusassimi suliffinnaannassanngilatit – immikkuullarissumik inuiaqatigiinni allanngueqataasinnaavutit. 

Atorfimmik ineriartorfiusumik pissanganartumillu atorfittaassaatit, ulluinnarni suleqatit piginnaasagissaartut sulerusussuseqartullu ilagalugit ineriartoqataassallutit. Suliffeqarfimmi eqqissisimasumik qiujasulaarinartartumillu ataqatigiilluartumik suleqatigiiffeqarpugut, suliffimmilu inuttut suleriaatsitsigullu ineriartorfiulluarsinnaasumik.

Nunatsinni inuiaqatigiinni pitsanngorsaaqataarusuttuuit aammalu nunarsuarmi qeqertat annerpaani attaveqaasiinermut aammalu assartuinermut ataqatigiissaarinermi periarfissanik ajornakusoornassusaannillu paasinnillutit isiginnillaqqissuuit.

Piginnaasaqaruit aammalu piumassuseqarluarlutit taava suliffissannik inuiaqatigiinni allanngueqataaffiusinnaasumik aammalu suliffimmi ineriartortitsinermi sinaakkutissanik pilersitsiniarnermi isumassarsiat killeqanngitsumik atuiffiusinnaasumik piareersimasuuteqarpugut.

Atorfik Nuummi Tusassip qullersaqarfiani inissisimavoq, Nuummeeriinngikkuillu Tusassip nuunnissamut paasissutissanik pisariaqartunik tunissavaatit.

Soqutiginnippit?

Tusassimi nalunngilarput, sulisugut isumalluutitsinni annersarigaat, aammalu assigiinngissutsigut iluaqutigigivut. Qinnuteqarsinnaasut tamarmik kikkuugaluarunik, qanorluunniit suiaassuseqaraluarunik, qassinilluunniit ukioqaraluarunik, sumiuugaluarunik allanilluunniit assigiinngissuteqaraluarunik qinnuteqarnissaannut innersuuppagut.

Momentum Consultingip Tusassi sulisussarsiornermut ikiorpaa, atorfillu qinnuteqarfiginiaraanni Momentum Consultingimi suleqataasumut Annbritt Tummasdóttir Andersenimut, maana LinkedInikkut Easy Apply aqqutigalugu CV-mik allanillu uppernarsaatinik pisarialinnik nassiussinikkut qinnuteqartoqarsinnaavoq. Atorfillu pillugu paasisaqarnerorusukkuit Annbritt, oqarasuaatikkut +45 2483 1412 attavigalugu saaffigisinnaavat.

 Salgschef | Tusass A/S | LinkedIn

Qinnuteqaatit ingerlaavartumik suliarineqarumaarput, soorluttaaq oqaloqatigiinnerit taama piumaartut, taamaammat sukkanerpaamik qinnuteqarit. Atorfik inuttassaanik tulluartumik nassaartoqartillugu inuttalerneqarumaarpoq.