Tusagassiorfik Sermitsiami inuit pillugit tusagassiortoq

Kalaallit Nunaanni inuit isiginnittariaasaat aallaavigalugit siammartereqataarusuppit ?

Tusagassiorfik Sermitsiamit sammisartakkatsinni inuit pineqartut allaaserinerulerusuppagut. Taamaammat inuiaqatigiinni oqallisigineqartut pillugit inuit misigisaannik sammisaqarnissamik soqutiginnittumik tusagassiortussarsiorpugut. Pisut oqaluttuami pingaarutillit takusinnaasariaqarpatit – Kalaallillu Nunaanni pisuni inuit sunnerneqartut sammisinnaassallugit.

Tusagassiorfik Sermitsiaq digitaliuneruleriartorpoq. Allaffittaatsinni ineriartornermut tullermut ikaarsaarpugut – tusagassiivittut ataasiusutut, aaqqissuisoqarfinni allaffeqatigiiusuni pingasuni, ineriartorluta.

Atorfik pillugu

Tusagassiorfik Sermitsiami kulturimik pingaarnertut sammisaqarfiusumut tusagassiortutut ilanngutissaatit. Ukua ilaatigut suliassaralugit:

· Tusagassiuineq, ilisarititsineq misigisalikkersaarnerit, inuk qitiutillugu, allaaserinnittassaatit.

· Ulluinnarni pisut inuiaqatigiinnilu pisut annertuut immikkoortissinnaassavatit – suliffeqarfimmi ataqatigiinnermiit piffissami inuit unammilligassaannut tunngasuni.

· Oqaluttuat atuartartunut paasinninnermik, qanilaarnermik allallu tungaanniit takunnissinnaanermik pilersitsisunik sammisaqarneq.

Kinaavit?

Ukuninnga piginnaasalimmik tusagassiortussarsiorpugut:

· Inunnut takkualu oqaluttuassaannut eqqummaarittoq.

· Allat inissisimaviannik paasinninnermik tusagassiortutullu suliaqarnermik oqimaaqatigiissaarisinnaasoq.

· Pisunik alapernaassuseqartoq aamma inuiaqatigiinni arajutsineqartunik takunnissinnaasoq.

· Tusagassiorfimmi ineriartortumi isumassarsianik iliuuserisanillu naleqartitsiviusumi suleqataarusussusilik.

Neqeroorutivut

· Tusagassiorfimmi suleqatigiinneq ineriartornerlu pingaartillugit ineriartorfiusumi suleqataanissaq.

· Tusagassiorfimmi Sermitsiami digitalinngoriartortumi sunniuteqaqataanissamik periarfissaqarneq.

· Allaffeqarfimmi nutaami Tusagassiorfimmi Sermitsiami immikkoortortaqarfiit tamarmik ataatsimoortinneqarnerannut peqataaneq.

· Aningaasarsianut isumaqatigiissut atorneqartoq malillugu aningaasarsiaqarneq.

Atorfiup sumiinnera: Nuuk

Qinnuteqarnissamut killigititaq: 19. novembar 2025

Politikikkut aalajangiinerni inuiaqatigiinnilu oqallinnermi inuit pineqartut pillugit oqaluttuanik sammisaqaqataarusuppit?

Qinnuteqaatit suliffigisimasanniillu uppernarsaatit attuumassutillit uunga nassiutikkit:

📧 Jette Andersen, AG-mi aaqqissuisoq

📞: 38 39 52

✉️: jette@ag.gl