Avatangiisinut Eqqagassalerinermullu allaffimmi erninermut atatillugu sulinngiffeqartumut taartaasoq

Kiffartuusserusussuseqartuuit, aaqqissuulluakkamik sulisarpit aamma innuttaasut qanimut ullut nikerarsinnaasut ajornartorsiutiginagit sulisinnaavit? Taava immaqa tassa illit suleqatissarput nutaaq.

Eqqagassaleriffimmi erninermut atatillugu sulinngiffeqartumut taartaasussamik allaffimmi fuldmægtigimik ulloq 01-01-2026-mi imaluunniit erseqqinnerusumik isumaqatigiissuteqarnikkut sulilersinnaasumik pissarsiorpugut. Suleqatigiit allaffissornermik suliaqartut arfinillit aamma eqqagassanik tigooraavimmi sulisut qulit ingerlalluartut akornanni sulilersinnaavutit. Immitsinnut ataqqilluta aamma immikkoortortap ingerlatsiviullu siuarsarneqarnissai pillugit ataatsimut anguniagaqarluta qanimut suleqatigiippugut.

Suliassatit pingaarnerit ilaatigut makkussaapput:

·Eqqagassat pillugit innuttaasunik attaveqartarneq

·Suliniutini peqataaneq, ass. eqqakkanik angisuunik katersineq

·Eqqagassalerineq pillugu inuussutissarsiornermi atuisunik attaveqarneq

·Ingerlatsinermut aningaasartuutinik naatsorsuutinut nalunaarsuineq

·Innuttaasunut inuussutissarsiuteqartunullu akiligassaliornerit

·Nuup avataani kommunip immikkoortortaanik suleqateqarneq

·Eqqakkat annertussusai pillugit nalunaarusiorneq

·Eqqagassalerinermi atortorissaarutit nutarterneri innuttaasunullu eqqortumik akiligassaliornerit

·Ulluinnarni ingerlatsinermi suliassat takkussuuttut

Naatsorsuutigaarput illit:

·Allaffimmiutut ilinniagaqartutit ajornanngippallu kommunimi suleriutsimik misilittagaqartutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

·Kiffartuusserusussuseqartutit, ammasuullutit ilakkuminartuullutillu

·Qiimasuusutit pisariaqartinneqartillugulu immikkut suliatigut tunniussaqarnissamut piareersimasassasutit

·Atortorissaarutinik digitaliusunik suleriutsinillu siuarsaaqataasinnaasutit

Neqeroorutigaavut:

·Suliffik pissanganartoq tamatigoortorlu namminersuuteqarluni akisussaaffeqarnermik periarfissalik

·Suliffeqarfik ineriartortoq, ilaatigut suliniuteqarsinnaanermut nutaanillu eqqarsartariaatsinik inissaqartitsisoq

·Sukumiisumik sungiusarneqarneq aqutsisutigullu qanimut siunersiueqatigiinneq

·Atugarissaarneq suliatigullu ineriartorneq qitiutillugit oqitsumik suleqatigiinneq

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchefi Margrethe Rosing Hegelund, oqarasuaat +299 36 74 13 imaluunniit e-mail: mroh@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1090-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: novembarip 13.-at, 2025

Atorfik una qinnuteqarfigiuk