Tusagassiorfik Sermitsiami tuniniaasoq

Tuniniaanermik, siunnersuinermik sullitanullu pitsaasumik attaveqarnissamik suliaqarusuppit – tuniniaanermilu illit akisussaaffigisavit kaaviaartitaanik Kalaallit Nunaanni kiffaanngissuseqarluni tusagassiortoqarsinnaanera qulakkeerinneqataaffigerusullugu?

Tusagassiorfik Sermitsiaq sullitanut attaveqarluarsinnaasumik, aaqqiissutissarsiorusussusilimik, sullitanut suliffeqarfitsinnullu naleqarnerulersitsisinnaasumik tuniniaasussarsiorpoq.

Kalaallit Nunaanni kiffaanngissuseqartumik tusagassiuisinnaanerup, inuiaqatigiinnilu oqallinnerup sunniuteqaqataaffiginissaanut, aningaasaqarnikkut toqqammaveqarnissaa tuniniaasut immikkoortotaat qulakkeerinneqataaffigissavat.

Sulisut suliaminnut tunniusimasut Kalaallit Nunaanniittut Danmarkimiittullu suleqatigilissavatit. Suleqatigiinneq, avitseqatigiinneq attaveqarluarnerlu ulluinnarissallugit.

Suliassatit

• Aviisini naqitani digitalikkullu saqqummersittakkatsinni annonciliinissamut nittarsaassinissamullu siunnersuinerit tuniniaanerillu

• Atorfinnut inuttassarsiuussanut allagarsiinissamut sammisanullu tunngasunut tuniniaaneq

• Suliffeqarfiit atuisuuffeqalernissaanut tuniniaanerit isumaginninnerillu

• Sullitat suleqatigiinnarnissaannik attassillunilu ineriartortitsineq

• Sullitassanut suleqatissanillu nutaanut ujartuineq

• Suliassanik ineriartortitassanut tuniniaanermullu tunngasunik allaffissorneq

Kinaavit?

Sullitanik oqaloqateqarnissamik, tuniniaanermik siunnersuinermillu suliaqarnermik toqqissisimaffeqartutut takorloorpatsigit.

Aamma makkuninnga piginnaasaqarnissat naatsorsuuteqarfigaarput:

• Tuniniaanermik, sullitanik kiffartuussinermik siunnersuinermik misilittagalik - piumasaqaataanngilarli

• Nutaanut attaveqallaqqissoq

• Sulianik nammineerussisinnaallunilu akisussaaffimmik tigusisinnaasoq

• Sullitat pisariaqartitaanik paasisaqarusuttuullunilu aaqqiissutissanik pitsaasunik suliaqarusussusilik

• Tuniniaaffigisinnaasanik ujarlersinnaallunilu sullitareriikkanik ikiuilluarsinnaasoq

• Programinik ukununnga atuisinnaasoq: Office 365 CRM-imit assigiinngitsut aamma/imaluunniit CMS-inik

• Kalaallisoorsinnaasoq qallunaatoorsinnaasoq aamma/imaluunniit tuluttoorsinaasoq. Arlalinnik oqaaseqartunik iluaqutaavoq, piumasaqaataananili

Neqeroorutivut

• Atorfik attaveqaaterpassuaqarlunilu assigiinngitsunik suliassaqarfiusoq

• Tusagassiorfimmi inuiaqatigiinni pingaarutilimmik inissisimasumi sunniuteqarsinnaaneq

• Kalaallit Nunaanni Danmarkimilu suleqatigiit pikkorissut ataqatigiilluartullu suleqatigilernissaat

• Nuummi allaffik nutaaliaasoq

• Aningaasarsiat pitsaasut, tapeqarsinnaaneq sulinermilu atortut pisariallit

• Suliffik inuunerlu oqimaaqatigiillutillu naleqqussarsinnaaneq

• Suleqatit tallimanngornerit tamaasa ullaakkorsioqatigisarlugit

Qinnuteqaat

Inuttut kinaanerit pingaarnertut paasisaqarfigerusupparput, suut piumassuseqalissutigisarpigit atorfimmullu suut tunniussinnaavigit.

Ilinniakkat uagutsinnut pingaarnerpaanngilaq. Ilinniartilluassavatsigit, suliffimmilu pitsaasumik angusaqarluarsinnaanngorlutit piginnaanngorsassallutit.

Taamaammat qinnuteqaatit CV-lu misilittakkannut piginnaasannullu atorfimmut iluaqutaasinnaasorisatit ilanngullutik nassiutikkit.

Isumaqatigiissuteqarnikkut atorfinittoqassaaq.

Tusagassiorfik Sermitsiaq pillugu

Tusagassiorfik Sermitsiaq Kalaallit Nunaanni kiffaanngissuseqarluni tusagassiorsinnaaneq qulakkeerniarlugu suliffeqarfiuvoq imminut pigisoq. Kalaallit Nunaanni nutaarsiassaqartitsivinni nittartagaq atuartartoqarnerpaaq Sermitsiaq.AG, e-aviisit aamma atuagassiat saqqummersittarlugillu annoncit naqitat digitaliusullu kiisalu suliffinnut inuttassarsiukkanut qupperneq SJOB.gl aamma Kalaallit Nunaanni suliffeqarfinnut tusagassiuutitigut periarfissanik assigiinngitsunik neqerooruteqartarpugut.

Qinnuteqaatit nassiuguk:

Tuniniaasoq
Suiffeqarfik: Tusagassiorfik Sermitsiaq
Nuummi allaffeqarfilik

Qinnuteqarnissamut killigititaq: Juulip 24-at 2026

Attavissaq: Tuniniaanermut pisortaq, Klaus Wiedemann mail: klwi@sermitsiaq.gl