Tusagassiorfimmi Sermitsiami nutserisoq

Kalaallit Nunaanni tusagassiorfimmi ineriartorfiusumi, ullut tamaasa pissanganartunik pisoqarfiusumi, suleqataalerusuppit? Tusagassiorfimmi Sermitsiami pikkorissumik nutserisussarsiorpugut.

Atorfik pillugu

Nutserisut immikkoortortaqarfianni pingasunik allanik tunniusimasunik suleqateqassaatit. Tusagassiortut qanimut suleqatigalugit allaaserisatta siammasissumik saqqummersittarnissaat qulakkeerinneqataaffigissavat – kalaallisut qallunaatullu.

Uku pingaarnertut nutsertarpavut:

• Inuussutissarsiutinut tunngasut

• Oqaluttuat inunnut tunngasut

• Kulturi

• Timersorneq

• Nutaarsiassat

Tusagassiorfik digitaalinngorsaaneq nutaaliornerlu qitiutillugit ineriartorpoq. Ulluinnavut assigiinngitsuupput pisoqarfiusaqisut – pisut sukkasarput, ullullu tamarmik unammilligassaqartarlutik.

Suleqatissatsinni ujartukkavut:

• Qallunaatuumiit kalaallisuunngortitsisinnaasoq aamma killormut

• Pitsaassuseq pingaartillugu sukkasuumik sulisinnaasoq

• Ulluni ulapaarfiusuni pingaarnersiukkat allanngorarsinnaaffiini sulisinnaasoq

• Suleqateqarsinnaallunilu namminersorsinnaasoq

Neqeroorutivut:

• Nunatsinni tusagassiorfimmi ineriartorfiusumi atorfik pissanganartoq

• Suliffeqarfik sunniisinnaassuseqartoq ineriartornissamik periarfissalik

• Suleqatit tunniusimasut

• Ulluinnaat nutaarsiassaqarfiusut inuiaqatigiinnilu pisuni malinnaaffiusut

Sumiiffik: Sermitsiaq, Nuuk

Ulloq atorfiniffissaq: Oktoberip aallaqqaataa 2026, isumaqatigiissuteqarnikkulluunniit

Aningaasarsiat: Kalaallit Nunaanni aningaasarsianut isumaqatigiissut malillugu

Tusagassiorfik Sermitsiaq pillugu

Tusagassiorfik Sermitsiaq suliffeqarfiuvoq imminut pigisoq, Kalaallit Nunaanni kiffaanngissuseqartumik tusagassiornissamik anguniagaqartoq. Kalaallit Nunaanni nittartakkani atuarneqarnerpaasartoq www.Sermitsiaq.gl saqqummersitaraa.

Oqaatsit nutserinerlu uummateqarfigigukkit tusagassiavullu Kalaallit Nunaata sinneranut siammartereqataaffigerusukkukkit tusarfiginissat qilanaaraarput!

Atorfik pillugu apeqqutissaqaruit pisortaaneq aaqqissuisuunerlu Masaana Egede saaffigisinnaavat.

Qinnuteqaatit masaana@sermitsiaq.gl-imut nassiuguk.