Tusagassiornermut Immikkoortortaq tusagassiornermi studieadjunktissarsiorpoq

Tusagassiornermik Immikkoortortaq ilinniakkanik ataqatigiissaarisartussamik tusagassiornermi tusagassiuutinilu studieadjunktissarsiorpoq.

Immikkoortortaq Inuiaqatigiilerinermik, Aningaasaqarnermik Tusagassiornermillu Ilisimatusarfimmiippoq immikkoortortat pingasut ukua saniatigut:

• Isumaginninnermik Suliaqarnermi Immikkoortortaq

• Tusagassiornermut Immikkoortortaq

• Issittumi Inuiaqatigiilernermik Aningaasaqarnermillu Ilisimatusarnermut Immikkoortortaq

Atorfik inuttalerneqarnissaa kissaatigineqartoq januaarip 1-iat 2026 isumaqatigiissutigineqartorluunniit aallarnerfigalugu.

Atorfik pillugu

Piukkunnaatilimmik tusagassiornermi nutaarsiassalerivimmilu aaqqissuinermi misilittagaqarluartumik atorfinitsitassarsiorpugut. Atorfimmi pingaarnertut suliassanut ilaapput ilinniartitsineq, siunnersuineq tusagassiortutullu bachelorinngorniarfimmi soraarummeersitsisarneq.

Tamatuma saniatigut suliassaapput suliassanik aaqqissuineq, atuarsimasassanik ineriartortitsineq faginillu ataqatigiissaarineq immikkoortortami sulisut allat ilisimatusarfimmilu pisortat suleqatigalugit. Aammattaaq studieadjunktissaq ilisimatusarfimmi ilinniakkami ataatsimi ilinniakkaniluunniit arlalinni ilinniartitsinissamut immikkoortortamilu pisortaq suleqatigalugu ilinniakkanik ataqatigiissaarisarnissamut piareersimassaaq.

Piginnaassusissanik piumasaqaatit

• Tusagassionermi bachelorinngorsimanissaq

• Naleqquttutigut kandidatinngorsimanissaq.

• Sivikinnerpaamik ukiuni pingasuni tusagassiornermik aaqqissuussinermillu suliaqarsimanermik uppernarsaasinnaaneq.

• Kalaallisut oqaatsinik inuiaqatigiinnilu pissutsinik paasisimasaqarneq.

Aammattaaq piginnaasat uku pingaartinneqarput:

Tusagassiortunngornianik ilinniartitsinermik, tusagassiuutini assigiinngitsuni nipinik immiussanik videulianillu killuinermik misilittagaqarneq.

Tusagassiortunik inuusuttunik tusagassiornermilu piginnaasaannik soqutiginninneq pimoorussinerlu.

Kalaallit Nunaanni tusagassiuutinut qisuariaatigineqartartunik tusagassiornermilu teknologiikkut ineriartornernik paasisimasaqarluarneq.

Immikkoortortaq pillugu

Immikkoortortami tusagassiornermi bachelorinngorniartitsisoqartarpoq ukiullu tamaasa ilinniartunik tigusisarluni. Ilinniagaq tamanna ineriartortinneqaleruttorpoq, suliassat ilinniartitseriaatsillu nutarterneqaleruttorlutik. 2026-miit ilinniakkanik aaqqissuusseqqittoqassaaq, ilaatigut teknologii silassorissuusiamillu atuineq ukkatarineqassallutik.

Taamaattumik studieadjunktinngorlaaq periarfissaqarluassaaq immikkoortortap suliatsigut ineriartortuarfiunissaanut ilinniakkallu siunissami ilusissaanut tapersiissuteqarnissamut.

Qinnuteqaat

Qinnuteqaammut bilagit uku ilanngunneqassapput:

• Bilag 1: Curriculum Vitae (CV)

• Bilag 2: Soraarummeersimanernut uppernarsaatit

• Bilag 3: Bilagit naleqquttut allat (ass. oqaaseqaatit, pikkorissarsimanermut uppernarsaatit il.il.)

• Bilag 4: Ajornanngippat saqqummersitanik allattorsimaffik

Atorfinitsitsineq

Ilisimatusarfimmi pisortaq atorfinitsitsinermut ataatsimiititalinik siunnersuisussanik pilersitsissapput immikkoortortaq suleqatigalugu. Ataatsimiititaliat qinnuteqartunik oqaloqatigineqartussanik toqqaanermi atorfinitsitassamillu innersuussinermi aqutsisunik ikiuissapput.

Atorfinitsitsineq pillugu:

Studieadjunktitut atorfeqartitaaneq ukiunik 6-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorit naliliinerat tunngavigalugu studielektoritut atorfittut aalajangersimasunngorlugu atorfinitsinneqarsinnaavoq.

Attavigisassat/ paasissutissat:

Atorfik pillugu sukumiinerusunik paasisaqarusukkuit, tikilluaqquneqarputit Institutimi pisortaq Annemette Nyborg Lauritsen oqarasuaat: +299 34 73 60 imaluunniit Immikkoortortaqarfimmi pisortaq Sika Brandt Wille oqarasuaat: +299 34 73 46 attavigissallugu.

Ilisimatusarfik pillugu paasisaqarnerorusukkuit uani paasisaqarnerusinnaavutit www.uni.gl

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk