Ujarassiornermut immikkoortortaqarfik Qaqqat sisoortarnerinut suleqatigiinnut AC-fuldmægtigimik imaluunniit immikkut siunnersortimik sulisussarsiorpoq

Qaqqat sisoortarnerinik nakkutiginninnermik, nunap assiliornermik aarlerinaataasunillu misissueqqissaarnermik suliaqarnissaq soqutigaajuk? Taamaappat immaqa Ujarassiornermut immikkoortortaqarfimmi nakkutiginninnermik suliniuteqarnermut illit amigaatigaatsigit.

Atorfik pillugu

Qaqqat sisoortarnerinut suleqatigiit inuiaqatigiit qaqqat sisoornissaannut pisunullu taakkununnga atasunut, soorlu tassaarsuaqarluni qarsutsinernut, isumannaatsuunerulersinnissaannut sulisussanngortitaapput. Suliassaqarfimmi sukkasuumik ineriartortumi suleqatigiinni ikittuni ilaalissaatit. Suleqatigiilluta nukittunerulernissatsinnut aammalu qaqqat sisoortarnerinik nakkutiginneqataanissamut naleqquttunik piginnaasalimmik suleqatissarsiorpugut. Ukiup ingerlanerani angalasarnissap annertuujunissaa ornigullunilu suliaqartarnissaq naatsorsuutigineqartariaqarpoq.

Suliassatit tassaassapput:

• Ullut tamaasa nakkutiginneriaatsinik atuilluni qaqqat sisoortarfiinik nakkutiginninneq

• Qaammatikkaartumik inissisimanerup nalilersorneqarnerinik tamanut saqqummiussisarneq

• Qaqqani qajannartortaasinnaasunut nunap immikkoortuini misissuinerit

• Nakkutiginninnermi periusissianik ineriartortitsinermi atuutsitsilertarnermilu aammalu oqartussat, najukkani innuttaasut nunanilu tamalaani suleqatigisartakkat suleqatigalugit aarlerinaataasunik misissueqqissaarnerni peqataaneq

• Asimi suliaqarnissap pilersaarusiornera ingerlanneqarneralu, ilanngullugit droninik sajuppillatsitsisarnermullu atortunik uuttortaanerit

• Asimi paasissutissat katersorneqarsimasut pitsaassusaannik qulakkeerineq, misissueqqissaarneq, aaqqissuussineq paasissutissiisarnerlu

• Paasititsiniaanernik ingerlatsineq aammalu qaqqat sisoornissaasa navianaateqarnerinut nuna tamakkerlugu akuutitsiviusumik aarlerinaataasunik aqutsinissamut pisinnaasanik inerisaaneq

• Nakkutiginninnermik suliaqarnerup Kalaallit Nunaanni pissutsinut naleqqussagaasup ineriartortinnissaa pillugu ilisimatusartunik suleqateqarneq

Qinnuteqartoq eqqortoq makkua iluanni piukkunnaateqarpoq piginnaasaqarlunilu:

Sulianut piukkunnaateqarnerit

Takorloorparput illit:

• Sulianut naleqquttumik ilinniagaqarsimasutit, assersuutigalugu ujarassiooq, nunanik ilisimatooq, remote sensing-inut immikkut ilisimasalik, ingeniøri assigisaannilluunniit.

• Nunami sumiiffinnut paasissutissanut periaaseq (GIS) aamma / imaluunniit programmilersuineq ilisimasaqarfigigit

• Aarlerinaataasunik aqutsineq pinngortitamilu navianartut (natural hazards) misilittagaqarfigigukkit pitsaassaaq

Inuttut piginnaasaqarnerit

• Kalaallisut, danskisut tuluttullu oqalussinnaaguit iluaqutaassaaq

• Tunniusimasuuvutit suleqatiginnillaqqissuullutillu

• Attaveqaqateqarsinnaassuseqarluarneq

• Nammineerlutit sulisarputit tunniussinissamullu killigititat naammassisarlugit

• Inuiaqatigiinni kalaallini pissutsinut ilisimasaqarputit

• Nunap immikkoortuini avingarusimasuniittuni asimi suliaqarneq misilittagaqarfigigukku iluaqutaassaaq

Uagut pilluta

Inuussutissarsiornermut, Aatsitassanut, Nukissiuutinut, Inatsisit Atuutsinneqarnerannut Naligiissitaanermullu Naalakkersuisoqarfimmi sulisut 40-t missaanniippugut. Atorfik aaqqissuussaanermi Ujarassiornermut immikkoortortaqarfimmi inissisimavoq, tassaniillutik ujarassiuut pisortaat 1 aamma ujarassiuut ilisimatuussutsikkut sulisut 11.

Ujarassiornermut immikkoortortaqarfik Naalakkersuisunut aatsitassanut suliassaqarfimmi ujarassiornermi ilisimatuussutsikkut siunnersuisartutut pingaarnersaavoq.

Naalakkersuisoqarfik pillugu annertunerusut atuarsinnaavatit uani https://govmin.gl/ aammalu qaqqat sisoortarnerinut suleqatigiinni sulineq pillugu uani https://govmin.gl/da/fjeldskred/.

Neqeroorutigaagut:

• Suliffik pissanganartoq, unammillernartortaqartoq tamatigoortorlu

• Immikkoortortaqarfik ineriartortuartoq sioqqutaarisumillu sulisartoq, ataqatigiilluarneq atuulluni

• Suliassarni sunniuteqarnissamut periarfissaqartoq

• Ilinniaqqinnissamut periarfissaqartoq

Aningaasarsianut atorfininnermullu tunngasut

Aningaasarsiat atorfininnimilu atugassarititaasut, ilanngullugit atorfininnermi soraarnermilu akiliunneqarluni angalasinnaatitaaneq pequtillu nuutinnerinut akiliunneqarnissamut pisinnaatitaaneq, atorfininnerup nalaani Namminersorlutik Oqartussat kattuffiullu isumaqatiginninniarsinnaatitaasup pineqartup akornanni isumaqatigiissutit naapertorlugit pissapput.

Piffissaq suliffiusoq aallaaviatigut sapaatip akunneranut nalunaaquttap akunneri 40-nik sivisussuseqarpoq.

Ineqarneq

Atorfimmut sulisunut inissiamut innersuussisoqassanngilaq. Qinnuteqartoq Namminersorlutik Oqartussani atorfeqarnini aqqutigalugu sulisunut inissiameereerpat, sulisunut inissiamut innersuunneqarsinnaatitaaneq attatiinnarneqassaaq. Sulisunut inissiaq atorfeqarnermut atatinneqarpoq, aammalu atorfeqarunnaarnermi qimanneqassalluni.