Upalungaarsimanermut pisortaq

Aaqqissuussaanermi sillimaniarnermik, isumannaallisaanermik upalungaarsimanermillu suliaqarnerup nukittorsarnera suleqataaffigerusuppiuk – suliaqarfiillu pingaarutillit naatsorsuutiginngisamik pisoqaraluarpalluunniit ingerlaannarsinnaanissaannik qulakkeerinneqataarusuppit?

Sillimaniarnermut, Upalungaarsimanermut Aaqqissuussaanikkullu Patajaassuseqarnermut Akisussaasussamik sulisussarsiorpugut, aaqqissuussaanermi sillimaniarnermut, isumannaallisarnermut upalungaarsimanermullu sillimanissamik tunngaveqartumik ataqatigiissumillu suleriaaseqarnissamik ineriartortitsisussamik.

Aaqqissuussaanermi sillimaniarnermik aqutsinermut, niuernikkut ataavartitsinissamut ajornartoornermilu aqutsinermut killiliussanik ataatsimoortunik periusissiukkamik pilersitsinissaq inerisaaqqinnissarlu atorfimmi akisussaaffigineqassaaq.

Atorfik pillugu

Atorfik aaqqissuussaanerup suliaqarfinnut pingaarutilinnut patajaallisakkamik, uppernarsaasiukkamik misilerarneqarsimasumillu upalungaarsimasuutitaqarnissaata qulakkeernissaanik siunertaqarpoq. Qullersaqarfiup, umiarsualivinni terminalit umiarsuillu akornanni qanittumik ataqatigiissaarisoqarnissaa atorfimmi suleqataaffigineqassaaq, aarlerinaateqassutsillu inissisimanera aamma suliaqarfiit ingerlatsinerillu pingaarutillit erseqqissarneqarnerat tunngavigalugu sillimanissamik tunngaveqartumik upalungaarsimanermut suleriaaseqarnissamik ineriartortitsisoqassalluni.

Suliassatit pingaarnerit 

Ajornartoornermi aqutsineq aamma upalungaarsimanermik pilersaarusiorneq

• Ajornartoornermi aqutsinermut upalungaarsimanermullu pilersaarusiorneq taakkuninngalu malinnaatitsineq
• Ajornartoornermi suleqatigiissitamut aaqqissuussaanermik, atuuffigisassanik akisussaaffinnillu pilersitsineq ilusiliinerlu
• Aallartitsinissamut annertusititsinermullu tunngavissat nassuiaasersorneri
• Upalungaarsimanerup, ataavartitsinissamik pilersaarusiornerup attaveqaqatigiinnerullu ataqatigiinnissaannik qulakkeerinninneq
• Pisunik ajornartoornernillu suliarinnittoqarnerani tapersersuineq

Pikkorissarnerit, sungiusarnerit aaqqissuussaanikkullu patajaassuseqarneq

• Ajornartoornermik upalungaarsimanermillu sungiusarnerit pilersaarusiornerat ingerlanneqarnerilu
• Aqutsisunut sulisunullu qitiusunut ajornartoornermi aqutsinermik pikkorissaaneq
• Sungiusarnernik pisunillu nalilersuineq ilinniarfigineqarnissaannillu qulakkeerinninneq
• Aaqqissuussaanikkut patajaatsuunissamik ajornartorsiutinillu nalaataqartilluni aniguiniarsinnaassuseqarnermik ineriartortitsinermut suleqataaneq

Terminalit umiarsuillu ataqatigiissaareqatigineri

• Upalungaarsimanermik isumannaallisarnermillu suliaareersut akornanni ataqatigiissitsinissap qulakkeernissaa
• Nunami aaqqissuussaanermi, terminalini imarsiornermilu immikkoortortat akornanni ataqatigiissaarinermik tapersersuineq
• Aarlerinaateqarsinnaasut paaseqatigiiffiginissaannut periaaseqarfiginissaannullu suleqataaneq
• Suliaqarfiit akimorlugit sungiusarnerit misilittakkanillu avitseqatigiinnerit peqataaffiginissaat

Aqutsineq aamma aqutsisoqatigiinnut nalunaarusiortarneq

• Aqutsisoqatigiinnut nalunaarusiortarnerup ilusilerneqarneranik ineriartortitsineq
• Sillimaniarnerup, isumannaallisarnerup upalungaarsimanerullu iluini aalajangiinissamut tunngavissaqartitsinikkut ikorfartuineq
• Oqartussanut sillimmasiisarfinnullu uppernarsaasersuinermut suleqataaneq
• Ataatsimiititanik attuumassutilinnik pilersitsineq

Suliavit ilaatut ilaatigut sullivimmi isumannaallisaaneq toqqissisimanerlu pillugit aaqqissuussaanermi suliaqarfiit allat qanittumik suleqatigissavatit:

• Qullersaqarfimmut isumannaallisaanermi suleriaasissanik ineriartortitsinerup suleqataaffiginera
• Sioorasaarinernik, nakuusernermik ikuallattoornissamillu pitsaaliuinermi qimagussortitsinissamillu ikorfartuineq
• HSEQ-mik sulinermilu avatangiisit pillugit suliaqarfinnik suleqateqarneq
• Sulisut akornanni isumannaallisaanermut sillimaniarnermullu tunngatillugu ilisimaarinninnissamik nukittorsaaneq

Aaqqissuussaanermi inissisimaffik

Atorfik pisortaqatigiinnut atassuteqarpoq ilaatigullu HSEQ-mut suliaqarfimmut, Umiarsuarnut isumannaallisaanermi akisussaasumut, Ingerlatsinermut umiarsualerinermullu, IT-mut immikkoortortaqarfimmut, Sulisoqarnermut immikkoortortaqarfimmut aamma Attaveqaqatigiinnermut immikkoortortaqarfimmut qanittumik suleqateqartussatut naatsorsuutigineqarluni.

Atorfik siunissaq eqqarsaatigalugu sillimaniarnermut, isumannaallisaanermut upalungaarsimanermullu immikkoortortaqarfimmi ataatsimoortumi qitiusumik inissisimasussatut ineriartortinneqarsinnaavoq.

Suliatigut piginnaaneqarfigisat

Takorloorparput illit:

• Upalungaarsimanermut, ajornartoornermi aqutsinermut, sillimaniarnermut imaluunniit isumannaallisaanermut misilittagaqassasutit
• Imarsiornermik suliaqarfimmi, assartuussinermi, nukissiuuteqarnermi imaluunniit attaveqaasersuutinik pingaarutilinnik suliaqarnermik misilittagaqaruit iluassaaq
• Aarlerinaataasinnaasunik naliliinermik aamma ataavartitsinissamik pilersaarusiornermik ilisimasaqarfigissagitit
• Pikkorissaanermik sungiusartitsinermillu misilittagaqassasutit
• Malitassat attuumassutillit ass. ISO 22301, ISO 31000 assingusulluunniit ilisimasaqarfigissagitit (iluaqutaassaaq)

Inuttut piginnaaneqarfigisat

Ilinnut tunngatillugu pingaartipparput:

• Aaqqissuulluakkamik misissueqqissaartumillu suleriaaseqarneq
• Naammassisaqarusussuseqarneq aaqqiissutissanillu ujartuisoq
• Suliaqarfiit akimorlugit sulianik siuariartortitsisinnaassuseqartoq
• Suleqatiginnillaqqissoq attaveqaqateqallaqqissorlu
• Tutsuiginartoq tatiginnilersitsisorlu
• Namminersorlutit sulisinnaavutit allannguisinnaallutillu

Qinnuteqaat

Qinnuteqaativit tigunissaanut qilanaarpugut.

Atorfik pillugu paasisaqarnerorusukkuit Pisortaanerup tullia Aviâja Lyberth Lennert oqarasuaatikkut +299 34 91 03-mut imaluunniit e-mailikkut avll@ral.gl-imut saaffigineqarsinnaavoq.

Qinnuteqaatit e-mailikkoortut suliarineq ajorpagut.

Atorfininneq: Piffissamik isumaqatigiissuteqarnikkut

Qinnuteqarfissaq kingulleq: Martsip 30-ani 2026

Oqaloqatiginninnerit: Piffissaliussaq qaangiuppat oqaloqatiginninnerit ingerlanneqassapput.