Utaqqiisaasumik inissianut allaffimmi fuldmægtigi

Utaqqiisaasumik inissianut allaffimmi fuldmægtigi

Utaqqiisaasumik inissianut nutaamik suleqatissarsiorpugut. Ulluinnarni suliassatit ingerlatsinermut inerisaanermullu tunngassuteqassapput, taamaammat suleqammik pitsaasumik sukkasuumillu sullissisinnaasumik pissarsiorpugut.

Inissianik innersuussineq suliffeqarfigisimasanniit misilittagaqarfigaajuk aammalu pitsaasumik tamalaanik isiginnittariaaseqarpit periuuseqarlutillu. Oqaluttariarsornikkut allattariarsornikkullu pitsaasumik piginnaasaqarpit aalajaatsuullutillu? Taava immaqa Ingerlatsinermut aserfallatsaaliuinermullu (facility management) aammalu pisiortortarnermut allaffimmi suleqatissaraatsigit.

Allaffiup atuuffii:

Namminersorlutik Oqartussani Utaqqiisaasumik inissianut immikkoortortaqarfik Utaqqiisaasumik inissianik aqutsinermik sulisunullu inissianut innersuussinermik suliaqartarpoq. 

• Utaqqiisaasumik inissianut iserterneq nutsernerlu

• Utaqqiisaasumik inissianut ingerlatsineq aserfallatsaaliuinerlu

• Toqqorsivimmik aqutsineq

• Eqqiaasartut aammalu inissiaatileqatigiiffinnik qanimut suleqateqarneq

Ataatsimut isigalugu suleqatitaavut Utaqqiisaasumik inissiamut innersuunneqarsimasut misigisaqarluarnissaat aammalu inissiamut nuannersumut eqqiarluarsimasumullu nuussinnaanissaat siunertaavoq.

Suliarisartagassatit:

Niuernermut allaffilerinermullu ilinniarsimasumik ujaasivugut, biilernermullu allagartalik, taassuma suliassat uku suliariumaarpai: 

• Inissianik attartortut nikinneranni utaqqiisaasumik inissiaqarnissamut piareersaaneq

• Immikkoortortaqarfimmut saaffiginninnernik sulianik sullissineq

• Toqqorsivimmik aqutsineq

• Inissiaqarnermut tunngatillugu akissarsialerivimmut nalunaartarneq •

• Utaqqisunut allattorsimaffiit aqunneqarneri

Allaffik Aningaasaqarnermut Sulisoqarnermullu Aqutsisoqarfimmi Ingerlatsinermut aserfallatsaaliinermullu immikkoortortaqarfimmut aammalu pisiortortarnermut allaffimmut ilaavoq. Suliffik soqutiginartoq inussiarnersumik suleqatigiiffiusoq persuarsiorpalunngitsorlu aammalu assigiinngitsorpassuarnik suliassartalik neqeroorutigisinnaavarput. Suleqatigiinni ilaassaatit, matumanilu sulianik isumaginnilluartarneq kiisalu suleqatit pimoorussisut, isumagissaartut sullisserusuttullu pingaartippagut. Allaffik mikisuuvoq, tassanilu suliassat amerlapput ikioqatigiillutalu sulisarluta. Aammattaaq illumi allaffiit allat qanimut suleqatigisarpavut taannalu aqqutigalugu isumasioqatigiilluarnissaq qitiutinneqartarpoq.

Sapaatit akunneranut nalunaaquttap akunneri 40-t suliffiusarput.

Atorfininneq ulloq 1. Maj 2026

Attaveqarneq qinnuteqarnerlu

Atorfik pillugu apeqqutissaqaruit, Immikkoortortaqarfiup pisortaa Susie Kristiansen ugguuna susi@nanoq.gl imaluunniit 345208-ikkut saaffigissallugu tikilluaqquneqarputit. Kalaallit Nunaanni Namminersorlutik Oqartussat pillugit paasissutissat nalinginnaasut nittartakkakkut www.naalakkersuisut.gl-ikkut pissarsiarineqarsinnaapput, Aningaasaqarnermut Sulisoqarnermullu Aqutsisoqarfimmut tunngasut uani sukumiinerusumik atuarsinnaavatit www.asa.gl. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.