Vicekommunaldirektøri

Kommuneqarfik Sermersooq

Kommuneqarfik Sermersooq vicekommunaldirektørimik kommune qularnaatsumik ingerlatsiffiusoq pillugu kommunalbestyrelsip anguniagaanut naammassinneqataasinnaasumik pissarsiorpoq. Kommunimi akisussaaffinni siuttoorusuppit aamma aaqqissuussami 2.500-nik sulisulimmi ingerlatsinermut ineriartornermullu qulakkeerinneqataarusuppit? Aqutsisumik ingerlatsinermik aalajaatsumik ilutigalugu digitaalinngortitsinermut, aaqqissuussaanerup ineriartortinneqarneranut aamma inuussutissarsiortunik suleqateqarnermik ingerlatsisinnaasumik - taamaalilluta innuttaasunut sullissinermik pitsaasumik aaqqissuussamut ikorfartuisinnaanissatsinnut pilersitsisinnaasumik pissarsiorpugut.

Atorfik pillugu

Vicekommunaldirektøritut sulisunut 90 missaanniittunut ukunani agguataarneqarsimasunut akisussaaffeqassaatit:

∙Aningaasaqarneq

∙Sulisoqarnermut Sulisunillu Kiffartuussivik (akissarsiaqarneq, sulisussarsiorneq, ilorrisimaarneq)

∙Qarasaasialerineq & Digitaalinngorsaaneq

∙Pisiniartarneq, Aaqqissuussineq & Inuussutissarsiorneq

∙Attaveqatigiinneq & Aaqqissuussaanermik ineriartortitsineq

∙Innuttaasunut sullissivik & pisortap sulisui

Ingerlatsinerup ullut tamaasa ingerlalluarnissaa aamma pisortaqarfinni ineriartortitsineq qulakkiissavat, taamaalilluni aaqqissuussaanermi suliassanut pingaarnernut aamma innuttaasunik kiffartuussinernut pitsaanerpaamik ikorfartuissammata.

Kommunaldirektøri qaninnertut pisortarissavat aamma pisortaaqatigiinni politikkikkullu aqutsisut qanimut suleqatigissallugit.

Opgaver-suliakkiutit

∙Oqartussaqarfinni ingerlatsineq pitsaassuserlu qulakkiissallugit

∙Suleriaatsinik eqaatsunik pitsaasunillu sullissinernik ingerlatsivinnut ikorfartuineq

∙Digitaalinngortitsinermik, ajornannginnerulersitsinermik aamma assigiissaarinermik naammassinninneq

∙Sulisoqarnermut Immikkoortortaqarfimmik aqutsineq: sulisussarsiorneq, piginnaasanik ineriartortitsineq, ilorrisimaarneq aningaasarsiaqarnerlu

∙Nioqqutissanik pissarsivinnik aqunneqarneranni iluaqutissartalimmik pisiniartarnermik qulakkeerinninneq

∙Inuussutissarsiortut suleqatigalugit ineriartortitsineq inuussutissarsiornermillu patajaallisaaneq

∙Ataatsimoorneq sulinermillu nuannarinninneq ukkataralugit kulturikkut aaqqissuussaanerullu ineriartortinneqarneranut ikorfartuineq

∙Kommunaldirektørimut politikkerinullu siunnersuineq ikorfartuinerlu

Illit ilisarnaatitit

Pingaartipparput illit makku piginnaaneqarfigissagitit:

∙Politikikkut aqutaalluni aaqqissugaasumi suliaqarnissamik ilisimasaqarluarnissat

∙Aningaasaqarnermi, Sulisoqarnermut Immikkoortortami aamma aaqqissuussaanermik ineriartortitsinermi ilisimasaqartutit

∙Pisiniartarnermik nioqqutissanillu pissarsiviiit aqunneqarnerannik misilittagaqarneq

∙Inuussutissarsiornermut tunngasunik siammasissumik attaveqarfeqartutit

∙Aaqqissuussaanermi suliassaqarfinni assigiinngitsuni siunnerfilimmik pilersitsisinnaasoq suleqatigiinnermillu qulakkeerinnissinnaasoq

∙Qaffasissumik attuumassusilimmik ilinniagaqartutit kiisalu aqutsinermi diplomeqartutit imaluunniit masteritut ilinniagaqartutit

∙Kalaallit kulturiannik nalinginnaasumik ilisimasaqartutit akuusinnaallutillu

Neqeroorutigaavut

∙Qitiusumik atorfik kommunimi oqartussaqarfinnut akisussaaffilik

∙Aaqqissuussaanerup ingerlanneqarneranut qulakkeerinninnissamut ineriartortitsinissamullu periarfissalik

∙Aqutsisoqatigiit, suleqatigiinnermik tamakkiisumillu isiginninnermik qitiutitsisut

∙Sulisut pikkorissut tunniusimasullu

Atorfinitsitsineq pissaaq pisortat sulinermut isumaqatigiissutaat najoqqutaralugu ukiuni aalajangersimasuni atorfininnertut sivitsuinissamullu periarfissaqartumik.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Kommunaldirektøri Ole Jakobsen, oqarasuaat +299 36 70 01 imaluunniit e-mail: ojak@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1045-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 21.-at, 2025

Atorfik una qinnuteqarfigiuk