PAASISSUTISSAT
Atorfiup suussusaa:Vikariat økonomi
Suliffeqarfik:Greenland Business School
Qinnuteqarfissamut killigititaq: 2. juni 2025
Attavissaq:Uddannelseschef Troels Friis tlf. 34 25 57 eller mail trfr@gbs.gl
Greenland business school-mi Merx i-imut ilinniartitsisutut vikar-issarsiorpugut piffissami aaliangikkami
Greenland Business School ilinniarfiuvoq ilisimasaqarluartoq eqeersimaartorlu, inuussutissartiutinut sammiviup iluani ilinniakkanik siammasissumik ilalinnik neqeroorutilik. Siunissaq pissanganartoq ornipparput suliniuterpassuaqarluta. Taamaattumik ilinniartitsisumik piffissami aaliangersimasumi ukiami 2025-imi, sammisami Innovation qaffasissuseq C-imi (nutaalioarneq) ilinniartitsisussamik ujaasivugut.
Atorfik piffissami uani sapaatip akunnera 31-imiik 50-imut (28/7 – 12/12 2025) sivisussuseqarpoq.
Qinnuteqarnissannut tikilluaqquatsigit, sammisanik allanik atuartitsisinnaaguit uuma sammisap saniatigut. Ilinniartitsisutit ilinniarnermi nakkutilliisumut attaveqassaatit, taassani ilinniartitsisunik assigiingitsunik allanik suleqateqarlutit sulissaatit. Tassani pingaarutilimik inissisimassaatit, ilinniartitsinerup perorsaanerullu iluani takorluukkagut piviusunngortinnissaanut ilaassangavit.
Inuussutissarsiutigalugu- aammalu qaffasinnerusumik ilinniagaqarsimassasutit, immaqalu kandidat naligalugu, kissaatiginarporlu pædagogikummimik naammassisaqarsimassasutit, lektoritut assigisaanilluunniit. Pitsaasumik tunuliaqutaqassasutit, ilinniartitsinermillu misilittagaqassasutit. Ilinniartitsisugut assigalugit unammillernartunut soqutiginnittuussaatit, ataatsimoorsinnaanermut, kiisalu suleqateqarnermik nuannarinnittuussallutit. Arlalinnit oqaaseqarsinnaavutit.
Pingaaruteqarpoq sutigut tamatigut peqataasinnaassaatit, suleqatit atuartullu eqqarsaatigalugit, suliffimmi ulapaarfiusumi sulisinnaasoq, qarasaasiakkut offline-imilu sulivugut.
Neqeroorutigaarput…
Suliffik pissanganartoq, ilinniarfimmi ineriartortumi, ilinniartunik sulisunillu pilersitsiniarnermi pingaarnertut inissisimasunik suleqateqarneq. Tassani ineriartortisinermi aammalu atuutitsinermi ilinniakkanut tungasunik peqataanissamut periarfissalik. Sulianik pissanganartunik imalik aammalu pikkorissunik eqeersimaartunillu suleqateqarnermik avatangiiseqarluni sulinissamut periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma.
Sulinerup sivisussusaa nal.ak. 40-t sap.ak.-nut. Sulilernissaq 1. august 2025 imaluunniit isumaqatigiinneq malillugu.
Paasissutissat allat
Ilutsinni ilinniarmi aqutsisutut imminut takorloorsinnaavit, atorfimmilu annerusumik paasisaqarusullutit, taava Ilinniarnermut pisortaaq Troels Friis attavigisinnaavat, oqarasuaat +299 34 25 57, mail trfr@gbs.gl atorlugit.
Greenland Business School pillugu paasisaqarsinnaavutit ugguuna www.gbs.gl.
Qinnuteqaat
Qinnuteqaammut killigitinneqarpoq ulloq 2. juni 2025. Oqaloqateqarnerillu qinnuteqarfik naappat ingerlanneqassapput.
Tusarfiginissat qilanaaraarput!
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
